|
( أبيات لم تكتمـل )
. . الشعـر هاجـس .. إذا رحـل .. يرحل معه الأمـل في كتابـة قصيدة .. أبيات يتيمـة .. قديمـة .. لـم تكتمـل .. ع ل ى قارعـة الوجـدان ..
ليت الهموم اللي في قلبي .. في قلبه "=" والله ما يرتاح .. في نومـه ثوانـي ليته وقف لحظه .. ولا سار في دربه "=" درب الجفا اللي .. من أسبابه أعاني
قلبي تنّدم .. على ماضي الحب .. وياك "=" ماعاد تعنيني .. ( قلت آسف ) ولا تعـّـذرت
مثل السحايب .. يـوم هلّـت مطرهـا "=" منهـا أرتوى ضامي القـاع .. ياخـي إحساسها الغالي في روحي .. أسرهـا "=" وحبّها .. مـا كنـت قبلـه أنـا حـي
لو ما أحبك .. عزاي ما باح في سـّـده "=" ولا شكيتك للسهر .. وأنت ليل حرماني ليه أكابر .. وأبني الحلم .. وأنـت تهـّـده "=" أقول أحبك .. وأنت بعيد في جو ثاني
ليتني يا صاحبي طفـل ٍصغـير "=" كـل ما ضـاقـت بـه الدنيـا .. بكـى ما تطـولـه شرهـة ٍتـاطـا الكبـير "=" ولا يهمـّـه لو حكى به من حكـى الصغـير إذا إشتكـى .. يبغـى اليسـير "=" والكبـير الله يعـينـك إذا إشتكـى
تدري .. علمتني من المحبه كل شـي ! "=" حتى مواعيد الجفا .. علمتني ما أحتريها وينه غلاك .. اللي تحسب إنه حـي !؟ "=" ما مات .. لو روحي لقت من يحتويها
صدّك اللي نويت قلّي .. وش أسبابه "=" وطيفك اللي هويت .. ويش أسويبه وصلك اللي غاب ما أرتحت بغيابه "=" وأنا خافقي ذاب من هم ... هالغيبه
عزّي لنفس(ن) .. تعاندهـا السنيـن "=" عّزي لجرح(ن) ما لقاله ... طبيـبي عـزّي لعـيـن مغربلهـا الحنـين "=" عّزي لقلب(ن) في غرامه ... صويبي نبكي
على ماضينا والدنيا .. تذوب "=" بجرح ..وحنين .. أحبابنا والهدايا يغيب نجم الأقدار .. والثاني ينوب "=" ويلوح برق الحقيقه ... وحنّا عرايا
إذا غـّـرك هـوى نفسـك تصبـّـر وإنتظر .. وتشوف "=" من اللي ياصل العليـا ومن اللي تقصـر يدينـه وإذا قصـدك تهـددني .. تراك أسديت لي معـروف "=" طريق ٍكنـت ما أحبـّـه .. وقلت اليوم يا زينـه دخيلـك .. حـل عن دربي ووفـر لعـبك المكشـوف "=" ترى روحتـك عـن دربي .. وربي ماهي بشينــه
الحـبر دمـع القلـم .. والـورق صـدرٍ حنـون "=" والشعـر بحـر ٍغـزير وفيه منفى للكـلام من عرفتك .. والجمال باااااهـت ٍمن غير لـون "=" من عشقتك .. بالخيال ألف لوحة .. و(رسام)
قالوا تحبه قلت : أنا أموت في حبّه "=" قالوا وقلبه !! .. قلت : يا ناس يهواني
والله لو تبكي بدل دمعتك .. دم "=" ما تفرح بشوفتي يالغدار ثانـي
محتاجك .. لو قلت أنا ما أبيـك "=" وأبيك .. كثر ما قلت محتاجـك من غلاتك .. مدري وين أوديك "=" يا فاتني بالحب ( الزين تاجك ) علمتني أشتاق ودايم أناجيـك "=" أسرتني يا حب داخل سياجـك تبي تجرح !؟ إجرح .. منـك العـذاب .. ماهـو عـذاب .. سكـّـر بكـاس روحي .. حـلاّهـا وذاااب .. تبي تجـرح !؟ إجرح .. أنا قلبي وإحساسي حلالك .. أنا من لي بدالـك .. بالغـرام .. يسـرح بوجـداني ويمـرح .. ! إجرح .. >> حقوق الجـرح محفوظـة .. |
رد : ( أبيات لم تكتمـل )
ليتني يا صاحبـي طفـل ٍصغيـر " " كل ما ضاقت به الدنيـا .. بكـى ما تطوله شرهـة ٍتاطـا الكبيـر " " ولا يهمّه لو حكى به مـن حكـى الصغير إذا إشتكى .. يبغى اليسير " " والكبيـر الله يعينـك لأشتكـى والله لو مافيها إلاّ ذولي كفّن ووفّن ! :) من اليوم وأنا داخل طالع على هالمتصفّح الرائع من زمان ماقريت شعر يعدّل المزاج ! ;) خالد إحترامي وإعجابي يامبدع ! |
رد : ( أبيات لم تكتمـل )
الحبر دمع القلم .. والـورق صـدرٍ حنـون "
" والشعر بحر ٍغزيـر وفيـه منفـى للكـلام من عرفتك .. والجمال باااااهت ٍمن غير لون " " من عشقتك .. بالخيال ألف لوحة .. و(رسام) رائع أخي خالد كعادتك كل الإعجاب وكثير من ود |
رد : ( أبيات لم تكتمـل )
خالد الحربي
ابيات ادهشتني ومنها ليتني يا صاحبـي طفـل ٍصغيـر " " كل ما ضاقت به الدنيـا .. بكـى مبدع خالد مبدع والله كل سنه وانت طيب |
رد : ( أبيات لم تكتمـل )
الشاعر المميز خالد الحربي وش سويت فينا ياخالد كل بيت اجمل من اللي قبله او كل بيت اجمل من اللي بعده لله درك ياخالد صح لسانك مليوووون يابعدي مودتي |
رد : ( أبيات لم تكتمـل )
ليتني يا صاحبـي طفـل ٍصغيـر " " كل ما ضاقت به الدنيـا .. بكـى ما تطوله شرهـة ٍتاطـا الكبيـر " " ولا يهمّه لو حكى به مـن حكـى الصغير إذا إشتكى .. يبغى اليسير " " والكبيـر الله يعينـك لأشتكـى صباحك شعر صح بوحك الراقي رائع دمت رائعا وكل عام وأنت بخير ود وورد |
رد : ( أبيات لم تكتمـل )
ما تطوله شرهـة ٍتاطـا الكبيـر "
" ولا يهمّه لو حكى به مـن حكـى الله الله لو حكى به من حكى.... كلام مابعده....صح لسانك وكمالها بوجودك طال عمرك |
رد : ( أبيات لم تكتمـل )
. . تـأبـط شعراً .. هـلابك وغـلا لا عدمتك .. تعطـّـر احساسي قبل النـص تأكد .. كــل الود يالغالي .. |
رد : ( أبيات لم تكتمـل )
إذا غّرك هوى نفسك تصبّر وإنتظر .. وتشوف "
" من اللي ياصل العليا ومن اللي تقصـر يدينـه وإذا قصدك تهددني .. تراك أسديت لي معروف " " طريق ٍكنت ما أحبّه .. وقلت اليـوم يـا زينـه دخيلك .. حل عن دربي ووفر لعبك المكشوف " " ترى روحتك عن دربي .. وربي ماهي بشينـه من الابيات اللى عجبتنى يعطيك العافيه ويسلمك ربى |
| الوقت المعتمد في المنتدى بتوقيت جرينتش +4.
الوقت الان » 11:03. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع