الى روح مي
فمان الله يا اطهر وجه لامس راحة يديني=فمان الله يا اطهر روح سالت مثل قطرة مي فمان اللي رجيته في وداعك ما يخليني = فمان اللي السما والارض مطويه بكفه طي مراويح المفارق قلت لا يمكن تعنيني=يلين فراقنا لاحت بروقه يا زجاجة ضي بكى قلبي ودمعه سال حزن ٍ في شراييني=رثاك بكل نبضه والالم في جود حاتم طي بكى من فاضت انفاسك قبل لا انها تدفيني=بكى واذبل عروق ٍ لك فرشها من ورود وفي رحلتي ما تركتي غير حلم ٍ عطر سنيني= سماه من الامل وارضه يسير بها الغلا في غي وعطر ٍ في كفوفي كل ما اشمه يسليني= يا ليتك بس شفتيني وانا اشمه شوي شوي وكيف احبس دموعي خايف ٍ لا امسح بكفيني=دموعي ويغسل دمعي بقايا عطرك من ايدي دفنتك في الثرى لكن وربي شالتك عيني=ما بين جفونها تبقين حيه دام ( بابا ) حي ( يا بابا ) لو حبسها الموت / صداها حي يحييني=ويلج بخافقي رجع الصدى لبيييه لبا ( مي ) الا لبيه لك يا اللي جرت مجرى دمي فيني = يا لبا من موادعها وسم بين الحنايا كي يا لبا اللي براءتها كأنها قالت ارثيني= ( يا بابا ) لا تخليني وانا والله مالي زي غشاها السندس ومالت بكاس الوجد تسقيني =الا وجدي عليها وجد يلوي جوف قلبي لي فمان الله يا من خلت الفرقا تبكيني=وخلت كل هذا الكون بعيوني ما يسوى شي |
الوقت المعتمد في المنتدى بتوقيت جرينتش +4.
الوقت الان » 06:35. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع