مساء عابق بالشعر لكائنات الشعر

ياللي جفيت الهـــــوى والحب ماتخشــا = إنه يمــوت الهوى في قلبك الناشـــــــي
وراك ماتسقـــــي الأغصان هي عطــشا = يبست عروق الشجر واوراقــــــه اعطاشي
كتبت لـــــك صفحة عنوانها المـــنشا = اسمك على صورتك مع ريحك الغاشــــــي
نقشتها نقش فالاطــــــراف والآحــشا = وبانت علامــــــة زخارفها على جاشــي
لو شفتها يالــــــطيف الروح بالنقشـا = فـــي جسمـي اللي مع الأيام متلاشــــي
لاتترك اللي حفت رجله من الـــــممشـا = المشي جايــر عليها وانت متحاشــــــي
هذي كفوفي بدت فيـــــــدينها رعشا = مـــدري من الخوف والا وقتنا الماشــــي
ان جاك بعض العرب بالكذب لك واوشـــا = لاتستمـــــع في كلام الكاذب الواشــــي
ترى ديون الهوى ماظنتي ترشــــــا = ربي لعن ذمــــة المرشي مع الراشــــي

عسى أن تكون مصافحه بحجم منتداكم الجميل




محمد المرزوقي