تزوج الوالد وهو مكرم الجار , زوجه جديده قلت ذا منوة ٍ لي ( مؤثره بصوت طفله )
السلام عليكم كيف الحال قصيده تقطع القلب :( البارح جتني بلاتوث :D بصراحه حزنتني وكتبت الأبيات وان شاء الله انها صحيحه القصيده قصه واضحه من ابياتها ماتت الزوجه وتزوج الأبو زوجة ٍ جديده ولعبت في البزارين بالطق والضرب (أحس انها قصة مسلسل خليجي :D ) للإستماع الى القصيده بغناء الطفله ولحفظ القصيدة من هنا وهذي الأبيات
البارحه في تالي الليل محتار = مدري وش آخذ من علوم ٍ وخلي من كثر همي دمعتي كنها انهار = باسباب فقد امي دموعي تهلي تزوج الوالد وهو مكرم الجار = زوجه جديده قلت ذا منوة ٍ لي لكن علينا ياعرب ضاقت الدار = قامت تعاملنا بحقد ٍ وغلي تعذيبها ياربعنا سرّ وجهار = اعجزت ابا وصّف عذاب ٍحصل لي باسبابها يااصحابنا ذقنا الامرار = الهم ّ لازمني كما وصف ظلي ياخالتي خافي ترا فيه قهـّار = يجازي اللي في حياته يزلي ياخالتي وش ذنبنا توّنا صغار = وشلون تعذيبك علينا يحلي الظلم شين ٍماتسويه الابرار = راعيه ضايع بين ٍ مايدلي ضربك بعد لاختي تسبب بالاقدار = من جلسة ٍ بالبيت صارت تملي جتني تصيح ودمعها مثل الامطار = تشكي تحسب ان الزمن صافي ٍ لي مافي يدي حيله ياليت الزمن دار = بس اصبري والله لهمـّـك يجلي ياخالتي قافيك قصـّاف الاعمار = وحساب عادل عن صغير ٍ وجلي ياليت والدنا عرف كيف يختار = ان كان نجمه صار فوق متعلي اخذت لي مع نظم الاشعار مشوار = لعلـّه لقلب حزين ٍ يسلي شرحت بعض الي حصل لي بالاشعار = من فضل ربي جعله اليوم حِلّي |
رد : تزوج الوالد وهو مكرم الجار , زوجه جديده قلت ذا منوة ٍ لي ( مؤثره بصوت طفله )
فديت ذا اللي تغني وهي تتلاحق انفاسها :(
ابيات محزنه تحكي قصه من القصص الي اعتدنا سماعها مع اني استغرب انها تصير من نساء مسلمات لاحول ولاقوة الا بالله بس :( يعطيك العافيه يانايف عز الله انك صادق كنها مسلسل خليجي من أوله لأخرة صياح ونياح :D تقديري واحترامي لك ولاتحرمنا من تواصلك الرائع |
رد : تزوج الوالد وهو مكرم الجار , زوجه جديده قلت ذا منوة ٍ لي ( مؤثره بصوت طفله )
لاهنت يانايف الجابر , ابيات بمعنى الروعه بصراحه وهي توصف لنا عن اللي يصير ويحصل في بيتهم , وحلو تلحين البنيه للقصيده .
لكن هل البنت هي اللي كاتبه القصيده؟ |
رد : تزوج الوالد وهو مكرم الجار , زوجه جديده قلت ذا منوة ٍ لي ( مؤثره بصوت طفله )
هلا فيكم
اشكر لكم المرور القصيده للشاعر : عبدالرحمن العامر وانشدها المنشد سمير البشري والطفله قلدته فقط الانشوده بصوت سمير البشري http://www.albashiri.net/works/audio/alzogh.ram تحياتي لكم :) |
رد : تزوج الوالد وهو مكرم الجار , زوجه جديده قلت ذا منوة ٍ لي ( مؤثره بصوت طفله )
لاهنت يانايف الجابر , وبصراحه من اعجابي لالقاء البنت صوتها حفظت القصيده.
ولاتحرمنا من هالنوع من القصايد |
رد : تزوج الوالد وهو مكرم الجار , زوجه جديده قلت ذا منوة ٍ لي ( مؤثره بصوت طفله )
عندي بصوت الطفله (مها) ,
عمرها 11 سنه , صوتها رااائع ماشاء الله , أستأذن من قريبتها وأنزلها ان شاء الله , الأساسييه بصوت المنشد سمير البشيري . |
الوقت المعتمد في المنتدى بتوقيت جرينتش +4.
الوقت الان » 07:12. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع