سلام من مشترك جديد (محاورة )
اخاواني واخواتي اعضاء المنتدى في الحقيقة انا أول مره اشارك واسمحولوا ابدع هالقاف والمجال مفتوح وتكفى يابو عبيد لاتخليني
سلام من شاعر تو اشتراكه جديد يدخل مع النخبه اللي يفهمون الندى ما يرفع الرايه الا ذيب قلب حديد اللي يقدم حياته بالمواقف فدى |
يا هلا والله ومرحبا با النيابه عن الجميع
شرفت المنتدى طال عمرك واستلم يا مرحبا يا المسلم عد نضم القصيد ترحيبتن يا طويل العمر كبر الهدى اعرفك يا شاعر الابيات علم(ن) وكيد عزالله انك من اللي يضهدون العدى [ نوفمبر 02, 2001: تم تعديل الموضوع بواسطة : غالي الاثمان ] |
ارررررررررحب يابو يوسف من ممشاك لملفاك
وودي اوضح لك يا ابو يوسف حاجه ترى الرد هنا متى ما فضا الواحد يعني انت اذا حطيت ردك اي وقت تجي للجهاز وشيكت ولقيت رد خويك ترد عليه او تنتظر لين يرد اذا صار ما بعد رد لانه يمكن الواحد يتعرض لظروف مثلا يخرب جهازه او ينتهي اشتراكه كل شي جايز والله ونعم ابو يوسف وغالي الاثمان واعرفهم شعار واكيد لعبتهم تبي تجي من اطيب المحاورات <<==== متابع في صف ابويوسف (الدولي وينه اخبره راعي صفوف؟؟) اذا مانيب غلطان |
اشكركم واشكر المشرف على الترحيبه الحلوه واستلم
ان كان ياغالي الأثمان رايك سديد هات الخبر عقب تسمع مني المبتدى اللي دخل ديرة الاجواد هو يستفيد والا يعود وهو ماذاق طعم الغدى |
هلا وغلا يا مشرفنا عكاشه واستلم يابو يوسف
اليا بغيت الحقيقه تاصلك فاالبريد اما هنيا بدى يا صاحبي ثم بدى ياالتاجر اللي تصر العين يم الرصيد ما به تجاره يابوسف مع المنتدى |
بيض الله وجهك ياغالي الاثمان واستلم
خلك قريب هنا حذراك تبعد بعيد ------------------------ مجهودك اللي بذلته لايروح سدى عرفي لمثلك تجاره يالعميل العنيد ----------------------------- يوم(ن) بعض التجاير ما وراها جدى [ نوفمبر 02, 2001: تم تعديل الموضوع بواسطة : ابو يوسف ] |
استلم طو الله عمرك
انا هنا وانت لا يطري عليك الشديد ياالشاعراللي ليا منه تضايق حدى سوق الذهب ياعميل الخير جنب الحديد والناس قدم الذهب جابو حديد بصدى |
<font color="Red">سلالالالالالالالام عليكم
:) :) :) :) والله هذي المحاورات والا بلاش ..... الله يبيض وجيهكم . color] :confused: كملوا لا تتهاونون ترانا متابعين بعنف :) :) وسجلوا بالله عندكم متابع في صف غآآآآلي الأثمان (غلوك بلحيل .....) نزلني هنا خلاص :)؟؟ [/ |
اخوي غالي الاثمان اسف على التاخر بالرد ولكن المودم تعطل واظطريت اغيره ولا يفوتني ان اشكر جزا على وقفته بالصف ومعك والا معي كله واحد واستلم ياطويل العمر
تريد واريد والله يفعل اللي يريد ---------------------------- ياللي تبين لنا طيبك بطول المدى السيف كانه حديده ما يعود جريد -------------------------- واللي سرى بالنجوم الساهره ما غدى [ نوفمبر 03, 2001: تم تعديل الموضوع بواسطة : ابو يوسف ] |
اخوي جزا يا هلا والله ومرحبا
ابو يوسف عكاشه في صفك واجزا في صفي خلووووووووها الطيب يا صاحبي عند الهلالي بو زيد اقولها واستمع لصوت والا الصدى الطالب المجتهد ما هو بمثل البليد مير العمى فتح اعيونه وشفته عدى |
الطالب المجتهد ما هو بمثل البليد
مير العمى فتح اعيونه وشفته عدى فتح اعيونه وشفته عدى :) |
الوقت المعتمد في المنتدى بتوقيت جرينتش +4.
الوقت الان » 04:16. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع