شعبيات هذا الليل من فيها من الشعار
مساء الخير على الجميع واللي بيلعب يتفضل
سلام الله على شعار شعبيات هاذا الليل # وشعبيات هاذا الليل من فيها من الشعار من اللي عنده الاخبار نبغاها مع التفصيل # يجيب اخبار باالتفصيل والا لا يجيب اخبار |
هلا بك اخوي غالي الأثمان ..
صبحك أومساك الله بالنور والعافيه .. جيت بحاول وعساي اصيب .. بس ليتك توسع صدرك معي تراي مبتدي ياخوك .. واستلم لاهنت ****************************************** هلا بلي نزل بالدار جانا يطلب التكميل # وجانا يطلب التكميل غالي وانت نور الدار تقدم شاعر(ن) مختار ليته يعطي التحليل # وليته يعطي التحليل وانته شاعر(ن) مختار |
الله يعطيهم العافيه
وتراني بالصف ومتحمس وتقبلوا تحياتي يا غالين |
المهلي ما يولي
وحنا نتعلم منك وانت اللي اصبر علينا طال عمرك واستلم لا هنت هذا طاوي وله مقدار والمقدار بن وهيل # وبن(ن) ما عليه الهيل مثل اللي بلا مقدار ابنشد من يعرف الكار انا ماشوف حط وشيل # واذا ما فيه حط وشيل يا طاوي يضيع الكار هلا وغلا اخوي هاوي قصيد لاهنت |
هلا بك ..
غالي الأثمان .. واستلم لاهنت *************************** كريم(ن) يوم شب النار مايسمع بـ قال وقيل # ومن يسمع بـقال وقيل تكفى لايشب النار يقولون العرب خطار معهم مايجوز الميل # ولو يقبل عليهم ميل ماظني يجي خطار .. هلابك اخوي // هاوي وجودك يشرفنا ومتابعتك تسعدنا [ نوفمبر 02, 2001: تم تعديل الموضوع بواسطة : طـــ الليل ـــاوي ] |
استلم طال عمرك
شجيع(ن)فارس(ن)مغوار والله ما يصير بخيل # وكان(ن) انه يصير بخيل لا فارس ولا مغوار طراقي والهم المسيار وحنا ما نهس الكيل # نبا نوفي لهم بالكيل ونجزاهم على المسيار |
اخوي غالي اعذرني على التأخير
واستلم لاهنت ***************************** مصيبه كان وقته جار يتعب مالقاحلحيل # ولامنه لقا حلحيل وقته قال لا ماجار اقول الصاحب الغدار لامنه قبل تظليل # والى منه قبل تظليل سمه صاحب(ن) غدار |
استلم اخوي طاوي طال عمرك
بروق(ق) فاالسماء وامطار واللي من بعدها سيل # ولكن ما يسيل السيل يا طاوي بدون امطار ابو مشوار فا المشوار لو شفته يشد الحيل # تحيزم ثم شد الحيل من يوم ابتدى المشوار المشوار [ نوفمبر 03, 2001: تم تعديل الموضوع بواسطة : غالي الاثمان ] |
غالي الاثمان
طاوي الليل قسم بالله انكم شعار بمعنى الكلمه واطربونا والله انا مستمتعين بالمتابعه وعسى الله ما يحرمنا من ابداعاتكم لكم تحياتي :) :) :) |
خوي غالي
استلم لاهنت .. ******************************* تخيل البرق بالأنظار ولا تطلب الدربيل # وأنا لو مامعي دربيل اخيله بس بالأنظار بحط الك ابرهه تذكار يوم أنه غزى بالفيل # بعد ما وقف ابه الفيل جاء عبره لها تذكار *** هلا بك اخوي عكاشه .. اسعدني تواجدك والله لا يحرمنا تشجيعكم .. طـــ الليل ـــاوي |
هلا مشرفنا عكاشه
اخوي طاوي استلم لا هنت نظر عينك تراه ايسار ما ينفع به التعديل # ولا يحتاج لي تعديل انا اناظر يمين يسار انا ما همني وش صار فالحبشي قبل كم جيل # يعيش بجيل وانت بجيل لكن قول لي وش صار [ نوفمبر 04, 2001: تم تعديل الموضوع بواسطة : غالي الاثمان ] |
اخوي غالي
هلا بك واستلم طال عمرك ******************************* نظر عيني معك ما دار وانته وش بلاك تعيل # وكان انك نويت تعيل لابد النظر يندار أنا معك انت ياجبار واقدم قدم انت الخيل # والى منه تقدم خيل لازم فارس(ن) جبار [ نوفمبر 04, 2001: تم تعديل الموضوع بواسطة : طـــ الليل ـــاوي ] |
إخوي: غال الإثمان صح لسانك إنت وطاوي الليل
وشف البيت إبو تعديل يباله تعديل ولا تعجل والثانه إنت وشلونك وشفت مرورك لا وتعزمني كني ماني بمعلمك في الماسنجر ماعاد إعودها بدون قصورمن زميلى في المحاوره بس ياغالي الإثمان والله اني معلمك بالعلم اللي هو الصدق ها وحيت إوح :D :D والله ودي احطه تحذيقة : بس ما شوف مكانها هنيا واصلو الله يوفقكم على العلم الغانم والسلام |
ابو مهنا هلا ومررررحبا
استلم اخوي طاوي واعذرني على التاخير بعد ما ضاق ابو عمار وصارالقدس لسرائيل # وصار القدس لسرائيل باسبابك يا بو عمار عقب ما تاصل الدوار قدامك طرق السيل # ولا يلقى طريق السيل غير اللي مع الدوار |
أخوي غالي
استلم لاهنت : معك ياغالي الأسعار نلقا ملي للزنبيل # ولا نملىء ترا الزنيبل غير بغالي الأسعار اظن انك تعرف شهار لكن جيت للتعليل # وكان المسئله تعليل منته ساكن(ن) لشهار اخوي غالي شرفني اللعب معك وشكراً لسعة صدرك وتحملك لي .. ارى انني اقف الى هذا الحد .. لإنشغالي بظروف الأمتحانات حتى نهاية الأسبوع .. اتمنى ان لأكون ازعجتك اخوي غالي .. ولنا لقاااااااء أخوك / طـــ الليل ـــاوي |
الوقت المعتمد في المنتدى بتوقيت جرينتش +4.
الوقت الان » 02:19. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع