|
الى العموم ولا تتهورون
جينا نسلم بعد جتنا الدعاوي
...................... جينا نغني ليل يا ليل يا عين جينا نشوف الذيب والذيب عاوي ...................... ما ظنتي يقدر علينا بعد حين ألك ... يالي بترد لا تتهور سنافيه [ نوفمبر 01, 2001: تم تعديل الموضوع بواسطة : سنافيه ] |
الاخت / سنافيه
يالله حيها وحي ماجابت وصح لسانك <<====== مافي امل يتهور المتهورين بالله برىى>>>>>>>>>>>&g t;>> المحاوره مطلوب فيها الاتزان وحياك الله ياسنافيه مره ثانيه :) :) :) |
اختي سنافيه
يشرفني الرد \\ اذا قبلتيني معك طالب علم واتعلم \\ فاذا اصبت فالحمد لله وان اخطيت العذر من الجميع اسمعي: يا مرحبا باللي لها قلب هاوي بنت الرجال معدلين الموازين الذيب ماجاب العوا للغناوي توقعو ياللي مع الليل سارين ودمتم جميعا [ نوفمبر 02, 2001: تم تعديل الموضوع بواسطة : داهم العصيمي ] |
عكاشه ألك
ولا بلاش كيف افهمك لانك مارح تفهم بس ودي تلقي محظرات عن الاتزززززان بالله عليك سنافيه |
الاخت / السنافيه 000 حياك الله
ابشري باللي تبين بس محاضره توني ماوصلت الى هالمستوى انا الى ذالحين طالب لكن ممكن اعطي تعريف للاتزان او ابين لك الحاجه اللي انتي فهمتيها خطا0 انتي طلبتي من اللي بيرد عدم التهور وانا قلت المتهورين برىى يعني ماراح اخلي مجال لا احد يتهور وخاصه ان الاسم مؤنث وممكن اي حاجه او زله تجرح حياءه00 اتمنى ما اكون مخطىء 00 مطلوب الاتزان اقصد فيها ان اللي بيلعب يحط بين عيونه ان تكون ردوده متزنه ويحاول يبعد ردوده عن مواطن الشبهات واعتقد اخوي داهم فاهم ومطبق الله يعافيه بس انتي ليش ما واصلتي ؟؟!!!!! اتمنى انك تكونين فهمتي 0000 لكم تحياتي :D :D |
اهلا هلا والدرب ماهو تساوي
اهلا هلا يا درب جيناك ماشين لا يا حلايا الذيب وين ( العطاوي ) شفناالذيابه مير ذاالذيب مسكين سنافيه |
الأخت سنافيه
البيت الثاني شديييييد بس ابشري ما راح أقول آلا اللي ما يكدرك يا بنت ألا جواد\\\\ والحقيقة شاعريتك ما عليها جدال وأنا أخوك\\\ بس خليك جد شوي حتى نرضي أذواق الإخوان اللي ما راح يرحمونا في أدنى هفوة وهذا الرد يا سنافيه بنت السنا في: الدرب دربي يا عيون النداوي والرمش ما يعلا على حاجب العين والذيب شال الشاكله والكلاوي سوات ابن عمه طويل الذراعين |
( سوات(ا)بن عمه طويل الذراعين )
حرف الالف اظن انه اخل بالوزن واستلم قاطع طريق الناس ماله حراوي يمسي على عله ويصبح به البين داهم غدى في عجته و الهقاوي داهم ترانا في البلد ذا مقيمين سنافيه |
سنافيه
:) عشتي وبالنسبه لـ ابن وحذف الالف ابشري نحذفها وهي فعلا تكتب ولاتنطق نعود للمحاوره استلمي الله لايهينك: حنا عتيبه من كبار العزاوي نقطع وناصل ويلكم يالمعادين ماعذربك وانااجهلك يا مضاوي ماعذرب الاجواد غير الرديين [ نوفمبر 07, 2001: تم تعديل الموضوع بواسطة : داهم العصيمي ] |
سنافيه
|
استلم
يالي تعزوى نكشف لك الغطاوي حنا بني خالد ملوك وسلاطين ما نحسب العيات وين انت ناوي لا تاخذك هقواك وتضيع بعدين!! سنافيه [ نوفمبر 07, 2001: تم تعديل الموضوع بواسطة : سنافيه ] |
سنافيه
اول شي ويشهدون علي الاخوان انا اقول : ونعم ونعم ونعم يابني خالد \\\ ولكن كما يعلمون الاخوان كل ناس سواء عتبان او خوالد او غيرهم وفيهم مافيهم من الطيب وفيهم ماهو دون ذلك يعني فيهم الطيب والخيب كما قال المثل ثانيااحب ان اوكد على شاعريتك مرة اخرى وطيب ساسك ودمتي وانا اخوك اسمعي: اشهد لكم ياواصلين الهقاوي اول سلاطينن وذا الحين ذا الحين مازاد عن تمر القطيف الحساوي والعي من وقف بوسط الحفيفين [ نوفمبر 09, 2001: تم تعديل الموضوع بواسطة : داهم العصيمي ] |
أسمحولي بالمداخلة...!!!
ما هوب ياللي قال بأهل الدعاوي ............ حنّّا وحنّّا والخـــــلايق ملايين إلا الفتى من لّمّ كسر التساوي ............ سبعة شمايل يتبعه فعل سبعين..!!! |
عشت يالوسمي
والله يحييك في منتدى الجميع ومداخلتك مقبوله ومقدّره واعتقد الدور على سنافيه |
كانت بدايه م الذي كان ناوي
............ يبني طنوبه بين حاجب وضلعين..!! جمّل حروفي بالشـــمايل غطاوي ............. عز(ن) حروفه بين سبع ٍ وسبعين صعب انتظر للوقت عندي حراوي ............. مرن وضاعن واصبحن طول يومين هذي النهايه و فيلق الشعر ضاوي ............. انتوا ارحلوا واحنا ترانا مقيمين..!! |
| الوقت المعتمد في المنتدى بتوقيت جرينتش +4.
الوقت الان » 05:12. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع