سلام الله عليكم يا رجال(ن) طيبين الساس (عام للجميع)
 

صبحكم الله بالخير يا شعار المنتدى واستلموا :

سلام الله عليكم يا رجال(ن) طيبين الساس ** بردية تخص اهل الكرم والطيّب تـدلّــه

ونا تاجر وجيت وسلعتي لولو معاه الماس ** بعد جينا بسوق المنتدى جيناه نحتله

اخوي الغالي / ستر الهوجا

يالله حيه وحي ما جاب 0000

اخوي استلم الرد طال عمرك

الا يا مرحبا ترحيبة الغالي بدون قياس

******* على اللي جا يبي ردية (ن) ما هي مختله

يدوم لك البقى يا تاجر اللولو بوسط الناس

******* نبي سلعتك تظهرها وماسك ودي تفلــــه

ارررررررحبوا ياشعار

المحاوره هذي شكلها تمام من بدايتها والشعار معطين الثقييل

<<<===== متابع ويبي يجيب لكم شاعر بعد على الدين

يعطيكم العافيه جميعا :) :)

هلا يالله تحييه وآسف على التأخير لانني احتريت يالغالي وصارت عندي ظروف خاصه وارجو السموحه على الاطاله وحياك الله ياخوي عكاشه ولا هنت يالغالي واستلم يا مبدع القاف :

يدوم الك البقا ياللي ترحب في جميع الناس ** ومنهو جا يقابلي وجب لازم نقابلـه

الا ياللي ترحب ثم تبقي ويش يا محتاس ** وشكل العلم يا رجال منت اليوم فاطن له


وسامحني على التأخير اخوي ;)

[ أكتوبر 31, 2001: تم تعديل الموضوع بواسطة : ستر الهوجا ]

اخوي الغالي / ستر الهيجا

يالله حيه ولا فيه ان شاء الله تاخير ولا جانا منك قصور وانا اخوك 000

واستلم طال عمرك

اشوفك عدت ناس وهي سرت مع هبة النسناس

******* بداها مبدع ببيته وعدت العلم في حلـه

تعوذ يا رفيقي حيل من شيطانك الخناس

****** وعلمك بان من ترحيبتي والعلم لي خلــه

لا هنت يالغالي استلم :

وجاك الزير ماسك سيفه البتّار يا جساس ** ولامنك هربت اليوم من شمسه حدر ظلّه


وترحيبتك يا رجال لضيوفك بها الافلاس ** كما العمله لها وجهين حبلك عندنا حلـّه

اخوي الغالي / ستر الهوجا

يالله حيه وابقه ومرحبا وانا اخوك 000

واستلم الرد لا هنت 000

من اولها تشيل السيف ودك تنتقم لا باس

********* عساك بساعة الهيجا تشوف السيف وتسله

ومن كبر حصاته ذل وارجف قلبه الوسواس

******** وانا ترحيبتي للي سواتك عودت علــــه

:cool: :cool: :cool: :cool:

خلووووها (ثلاثيه) :D :

الا يا صاحبي ماهيب حبة خشم وحبة راس ** ولا منك بدعت القاف حصت ومنت قد(ن) له

وحنا قبل ما ننزل عليكم نرسل العساس ** وشفنا داركم يا صاحبي والخير ننزلّـه

اخوي الغالي / ستر الهوجا

اعذرني على التاخير وانا اخوك واستلم طال عمرك
----------------

عسوسك يا عميلي ما لهم في ديرتي مجلاس

****** بعد ما سقتهم بالمطرق اللي دوم انا اشله

واخاف انه يجي دورك بعدها تكره القرطاس

***** عميلي تاجر وفارس وعيى يلزم الملـــــه

:) :) :) :)

اخوي الغالي / ستر الهوجا لاعدمته

اخوي بيض الله وجهك وما قصرت فعلا المحاورة معك شيقة وفعلا كنت محظوظ يوم انا اول من رد عليك ولحقت قبل يسبقني احد 00000

اخوي الغااالي اعذرني بنكتفي عند هالقدر وبيض الله وجهك وصح لسانك وتقبل عذري ولنا لقاء قريب ان شاء الله 0000

وتقبل تحيات واعجاب اخوك 00000
----------------------

وعلى فكرة توقيعك الشخصي من اجمل التواقيع اللي شفتها وليتك تطول ما تغيره 00000

بيض الله وجيهكم يارجال ماقصرتوا

اعذرني انا عن التأخير يا طويل العمر وتراني توني هالحين فتحت النت
لان صارت لي ظروف وعموما انا اتشرف اني العب معك
وسامحني لان الظروف اللي خلتني ما ا دخل النت
ظروف صعبه شوي

وتقبل تحياتي اخوك

................... ستر الهوجا

اخواني ستر الهوجا

مبدع القاف

بيض الله وجيهكم وما قصرتوا

لكم تحياتي واعجابي