|
ضيدان وسعد
بسم الله الرحمن الرحيم
السلام عليكم ورحمة الله وبركاته ربما كان من اشهر ظرفاء الشعر النبطي في عصرنا هذا ترددت نزاعاتهما الشعريه على الالسنه وتداولها الناس لما تحوي من طرافه وظرافه وقوة سبك ومعان نادره تدل على ان هذين الشاعرين من كبار الشعراء فيما لو سخرا شعرهما لخدمة قضايا اكثر فاعليه الاول ضيدان بن صبحان العجمي كبير في السن وما زال على قيد الحياه الله يعطيه الصحه وطولة العمر والثاني سعد بن عبدالله الهتلاني العجمي اختطفه الموت في شبابه عام 1991 وهما ابناء عمومه رغم الفوارق السنيه بينهما الا ان صداقه حميمه جمعت بينهما وموده وتقدير على عكس ما يبدو في ردياتهما من ذلك ما قاله سعد مازحا لاثارة ضيدان: تواجهت انا وابليس قبل امس بالدكان ---------------------وباشر علي بارد يوم لاقاني وقام يتشره قال ما شفت لي ضيدان --------------انا ما نسيته وش بلا العفن ينساني * فوجد ضيدان فرصه في تاكيد هذه الاكذوبه فقال: * * * ترى الناس قد شافوك تمشي من الشيطان ----------------وكانه صحيح يا سعد فانت غلطاني وانا سامع انه طالب منك العنوان --------------وانا خايف يا العفن تعطيه عنواني * * وكان ضيدان يتسنح الفرصه على صديقه وحدث ان زاره في خيمته الصغيره على حد وصفه في احدى ليالي الشتاء فبادره ساخرا بقوله: * * يومين غيري يا سعد ما حدن جاك ---------------------متكرسع(ن) في خيمة لك صغيره وابي تغني لي وانا اسمع غناك --------------------وترى الغنا ماهوب بس لسميره * * وبالطبع كان اول ما رد به سعد بيالة شاي مره ثم قال: * * العلقم اللي لونه احمر عطيناك -------------------------مكثر شايه ولا فيه شيره خذ لك بياله وانقلع عني هناك ----------------ما عندنا لك يا اسود الوجه غيره واللي تسبه قبل يومين غداك --------------------والبارحه عشاك يبغى الستيره وعيا يفكه من بلاويك فكاك -------------------يوم ابتلش بك يا ردي البصيره وانا اتذكر قبل عامين زرناك ------------------يوم انت تطلع بالثياب القصيره وقفت عند الباب وتحك علباك ---------------------اثرك على خبري ولا رحت ديره واقولها ف وجهك ولا حن نقفاك -----------------------ما حن للغياب ناتي بسيره * * وذات مره عرض سعد مشروعا خطر للغايه على صديقه وهذه الرديه تعد الاشهر فيما يتناقله الناس اذ يقول: * * ضيدان ما ودك نشكل عصابه -------------------------نحتل بعض بنوكها والمحلات اما يجي لي والك قدر ومهابه ---------------------والا تبيتنا بيات الشريفات والرجل ودك يشتهر في شبابه -------------------بالطيب والا بالعلوم الرديات ولا يهتني ف اكله ولا في شرابه -------------------------الين تطلع صورته بالمجلات * * اما الشايب ضيدان فكان لا بد ان يكون له موقف مخالف ازاء تهور صديقه فقال: * * * لا تحسب انا يا سعد وسط غابه ------------------هاللي تراوى لك تراهن عمارات وموضوعك اللي جبت كله غرابه --------------------والظاهر انه سابع المستحيلات واخاف لا تنبح عليك الكلابه --------------------ثم هات نسلم من مخاليبها هات يا بوك ما عمري دخلت النيابه ------------------ومن العمر ما بقي كثر ما فات وان كان تبغى الراي قبل يغدابه -----------------------من واحد جرب جميع الحيالات خل الخطب للي يعرف الخطابه -----------------------نهارنا شمس وفي الليل لمبات * * وسلامتكم وسامحونا على القصور اخوكم سلطان القحطاني وجميع الحقوق محفوظه للؤلف بدر الحمد |
انا اشهد انهم من اكبر الشعراء ومشكور وماقصرة
وصح لسانهم والله يعطيك العافيه وكثر الله من امثالهم وامثالك وانشاالله لك مستقبل في الشعر اخوك:ياسر بن ضيف الله العتيبي :cool: <IMG SRC="cwm11.gif" border="0"> <IMG SRC="cwm11.gif" border="0"> :cool: |
ونعم اخوي ياسر
ومشكور يا غالي على هذا التواصل الاخوي والهادف لخدمة الشعر عموما وموروثنا الشعبي خصوصا وتقبل تحياتي يا غالي |
اخي سلطان
مساء الخير اشكرك يا اخي على جهدك الكبير من اجلنا ومن اجل هذا الموقع الرائع والذي والله اصبح تسليتي الوحيده في الوقت الراهن وقد قرئت موضوعك هذا ولم تفارقني البسمه واحيانا الضحكه ولمت نفسي كبيرا كيف انه لم يسبق لي وان قرئت لهذين الشاعرين الكبيرين بالختام يااخي اكرر لك شكري وتقديري وتقبل تحيات اختك هاويه |
اختي هاويه
لا شكر على واجب وكلنا هنا لخدمة الشعر وخدمة موروثنا الشعبي العظيم الذي نفتخر به شكرا اختي على كل كلمة قمت بتسطيرها وعاجز عن الشكر |
اخوي الغالي لاعدمته 000
بيض الله وجهك عاى هذا التواصل وفعلا انك تجيد انتقاء مشاركاتك وخاصة هالمشاركة في غاية الروعة والامتاع 00000 اخوي والله اول ماتفتح الصفحة ان مواضيعك هي اول المواضيع اللي اطلع عليها وتسلم والله يمينك على اللي نقلته لنا واللي فيه المتعة والفائدة 0000 اخوي طالبينك لا تحرمنا من هالدرر 00 واسلم لاخوك00 |
ابشر ان شاء الله اخوي مبدع القاف باللي اقدر عليه ان
شاء الله ومشكور يا غالي على هذا التواصل ولك مني اطيب تحيه |
الأخ // هاوي قصيد
الله لا يهينك ويبيض وجهك على ما نقلته لنا مجهود تشكر عليه .. محاورات بين شاعرين اوجزوا فــ أجادوا صح لسان من قال .. وسلمت يمين من نقل اخوك // طــ الليل ـــاوي |
لا شكر على واجب يا غالي وبيض الله وجه من قال
وتقبل تحياتي يا غالي |
اخوي / هاوي قصيد 000000 هلا وغلا
الله يرحم الميت منهم ويطول عمرك وعمر الحي منهم بيض الله وجهك ياهاوي ماشالله عليك شعلة نشاط اييييه غيبة(ن) مني ههههههه بس تدري000 والله اعترف لك يمكن يوم بالمنتدى الاول ماتصف جنبي بالنشاط ههههههههه <<<==== ابوووك اسلوب لكن هنا ماشالله لو اني عكاشه اس اثنين ماسويت مثلك تسلم ياهاوي وشكرا جزيلا على المشاركه الطيبه لك تحياتي |
لووووووووووووووووووووووووووووووووووووووول
لوووووووووووووووووووووووووووووووووووووول قل ما شاء الله تقبل تحياتي |
| الوقت المعتمد في المنتدى بتوقيت جرينتش +4.
الوقت الان » 12:09. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع