|
رد على قصيده للشاعر \ بدر حنيف
" " كانت , من الأخ الشاعر \ بدر حنيف " شبيت بحروفي وجيت بملعبي ........................ من الزعل , فكري , تلوج بنيّته من وين ببدا واللهب ضم حطبي ........................ والضيق في صدري نسج محميّته بحّرت بعيوني وفتّلت شنبي ........................ ولقيت من عزة , فخر شخصيّته ياخالد بن عبيد واعرف ويش ابي ........................ الطرق , قدامك وشف ,, ماريّته ياخوك يادمي ولحمي واعصبي ........................ ضاقت , وجرحي ينزف بسرّيته الجرح شاطرني وزوّد بتعبي ........................ والظل لا جيته ,, حدتني حيّته الحال قفر وهمّها قش ,...... ........................ والشر من غيري عجزت اكفيّته لافنّد علوم العرب وجهٍ هبي ........................ ماني , وكيل آدم على ذريته لي حق احامي دون ربعي وعربي ........................ في وجه من حقده , بقلبه بيته لن الغبي مهما حصل يبقى غبي ........................ ونجران مايصخي , هدر ياميّته خالد ترى ضيّعت مالي , وذهبي ........................ ماهي على خشفٍ حرمني جيته السالفه صدمه تعكر مشربي ........................ بالصاحب اللي , غشني بحميته من صدمته تزلزت حتى اركبي ........................ آخر من ,, اتوقع , يغيّر , نيته الضيق ياخالد سبى حالي سبي ........................ في وجه حسناتي ,, يقلط سيّته صخرت له من دم قلبي مايبي ........................ لين كبرت في داخلي , شعبيته واذا تضايق جيت حامي منسبي ........................ يوم الردي وجهه , بوجه , مريّته آسد مطلوبه ,, واحقق مطلبي ........................ وآمد من ,, كف الرضا ,, عانيّته الحب ملعونٍ اذا اجتاح , الصبي ........................ خصوص , لاصار الوفا ,, سجيّته مايستمع به شر ,, وبرب النبي ........................ يعمي , عيونه , ضده , بحريّته هيّته لاكبرت , كبر راس الظبي ........................ لوّن ,, حجم طويق يشبه , هيّته ولا يحس بخبث حوله مختبي ........................ حتى يذوق ,, الطعنه من ايديّته العفن لو تعطيه عينك منصبي ........................ قدمك , يفضخها عمى ,, ماويّته وليا عطا مثل الربا للمرتبي ........................ يردف عطاه , ليا عطا , مانيّته ياخوك يادمي ولحمي واعصبي ........................ ضاقت , وجرحي ينزف بسريّته مايذبح الرجال والحر الأبي ........................ بين البشر ,, مهما تكن جنسيّته من تمّنه ظهرك بوجه الأجنبي ........................ ولااقفيت يطعن ظهرك , بشبريّته هذي هي علومي ونار بحطبي ........................ والكارثه ,, طيب ,, وغيّر نيته رح واعتبرها اجر من يوم تعبي ........................ وقل بدر ,, فرّط في اجر يوميّته " " " وهنا ردي المتواضع حييت , يالقرم , الأصيل ,, الشرعبي ........................ من قلب مخلص ,, مايغيّر نيّته قلبٍ ,, يحبك ,, حب ,, يادين النبي ........................ لو يدركون الخلق , وش كميّته ان كان يعذلني , بك ابن امي وابي ........................ ومن زود غلّه ,, تسمع بمرثيّته وياصفوة القيفان فزي , واكتبي ........................ ردي على ابن حنيف في قافيّته اللي لها مفعول ,, سحر المغربي ........................ تروي العروق اليابسات , الميّته فيها من دروس الفقيه " الثعلبي " ........................ واسلوب ابن مالك بنهج الفيّته ويانصفي الآخر وبعضي واغلبي ........................ لا والله , الاّ , خالد , وماهيّته لاشفت شخصك شفت من شخصي كٌبي ........................ لولا اختلاف الشكل , في كيفيّته ابك انت تامر ياعضيدي وش تبي ........................ شرواك مندوبه , يسد , عن تيّته البكري للبكري لاهاش التغلبي ........................ ويالايم البكري ,, على بكريّته !! وانت العرندس مايجفّلك الظبي ........................ خل الظبي مبسوط , في محميّته لن الغبي يبقى على قولك غبي ........................ دون الصداقه ,, تفضحك , نديّته لاتقربه , وان جاك يحبي لك حبي ........................ ولايشغلك , وان ساق عدوانيّته ولاتحسبه رجّال لو ذب , العبي ........................ ولايخدعك , بعقاله ,, وكيتيته ولا تلتفت للنمل , لو يدبي دبي ........................ لاصار عارف , مستوى , عقليّته بعض البشر , خيره يعم الأجنبي ........................ وبعض البشر , مافيه خير لخيّته وانت اللبيب ابن اللبيب اليعربي ........................ افهم من , الدكتور , في كليّته ولا انته بحاجه , يالشجاع لمخلبي ........................ مخلبك يكفي , لا افترس ضحيّته لكن , نصيحه , من ثوابت مذهبي ........................ مذهبك , لايفقد , مدى فوقيّته الخلق هذي , مايسنّعها , نبي ........................ والصدق فيها فاقدٍ ,, عذريّته هذي نصيحه , يالاصيل الشرعبي ........................ من قلب , مخلص , مايغيّر نيّته وكان الفجيره , ناشبت ابو ظبي ........................ على طريقٍ , جاهله , بـ آليته ياعل تلحقها , على الضيعه دبي ........................ ابو ظبي , ماهي عليهم , ميّته " خالد عبيـد |
رد : رد على قصيده للشاعر \ بدر حنيف
هو
الحال قفر وهمّها قش ,...... ........................ والشر من غيري عجزت اكفيّته لافنّد علوم العرب وجهٍ هبي ........................ ماني , وكيل آدم على ذريته لي حق احامي دون ربعي وعربي ........................ في وجه من حقده , بقلبه بيته لن الغبي مهما حصل يبقى غبي ........................ ونجران مايصخي , هدر ياميّته انت ولا تلتفت للنمل , لو يدبي دبي ........................ لاصار عارف , مستوى , عقليّته بعض البشر , خيره يعم الأجنبي ........................ وبعض البشر , مافيه خير لخيّته وانت اللبيب ابن اللبيب اليعربي ........................ افهم من , الدكتور , في كليّته ولا انته بحاجه , يالشجاع لمخلبي ........................ مخلبك يكفي , لا افترس ضحيّته هذا الشعر والمستوى الله يعطيك العافيه واياه تحياتي واعجابي |
| الوقت المعتمد في المنتدى بتوقيت جرينتش +4.
الوقت الان » 23:31. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع