|
رديه * بدو وسمك وشعر
السلام عليكم ورحمة الله وبركاته
وهذه هديه اخرى حتى يقوى عود هذه الصفحه وبعدها لا تحتاج الى هداياي باذن الله فراج غريب العتيبي من منطقة ظلم احدى نواحي المملكه العربيه السعوديه* بعث بهذه القصيده التي لا تخلو من معاني ساخره نوعا ما الى احد اقربائه الشاعر بندر بن ضيف الله العتيبي في الكويت الذي على حد قوله يعيش على الساحل في الكويت يصطاد من الاسماك والربيان بينما هو اي فراج ما زال بدويا وفي ذلك يفتخر ويقول فراج في قصيدته عديت في راس الطويل من الاشماط --------------------غير الطيور الطايره ما ينطه واخذت لين الليل عقب الشفق خاط --------------------في الرجم لين اسود الليل غطه يا راكب اللي ما يصمم بالاغلاط ---------------------في لوحتيه اسم السعودي يحطه كنه ليا روح مع العصر مزقاط ------------------------والا وراه جموس خضر تغطه جنب طريق طويق عط مفرق الغاط ------------------وانصا الكويت وعط طريقه وخطه تلفي لابو سلطان في حد الاشطاط ---------------------شط البحر والصيد وزه وبطه ربيان والهامور والقرش وسباط ----------------------ينطله الشنكار ثم جاء يجطه قله من الظهران يا سعود لرهاط ----------------------الشعب زامي والمخايل تبطه اليا سحبت الجمر الاحمر بملقاط ----------------------في موقع متلي ومن عقب غطه وعندما وصلت القصيده الى الشاعر بندر ضيف الله العتيبي ضحك واجد حسب الرواه على صاحبه الذي لا يشبه البدو سوى في خيمه ينصبها على مقربه من المدينه متمتعا بمزايا المدينه ثم بين كيف هم البدو الحقيقيون يقول بندر حي الرفيق اللي للاحداث يحتاط ---------------------جاني بعد ما قرب الحول خطه من يمة البره مناديبه املاط ----------------------رجلين سايق موتره مضر غطه اليا تساوت سكته زاد له غاط ------------------ما يقطع الفرجه من الناس رطه لعب الفرح في خاطري عدة اشواط ---------------------لعبة رقاعي البحر فوق شطه يا شاعر مرماك ما هس قيراط ----------------------ثوب المراوا من علاويه قطه ان كان عيشه رحل البدو تنهاط --------------------بين اسفوات مروبع البيت وطه العشي قرة عين من صابه احباط ---------------------لايمك فيها اليا تدانا تلطه هذاك يوم ان العرب بدو ونشاط ------------------------ماهوب شاوي تبدويه شطه عيال هاك الحين للمال ضباط -------------------------كل يفدي منكبه عن محطه اما حدا هودن من الليل قلاط ----------------------والا صياح مهيض الذود عطه واليوم لو تربط علابيه برباط --------------------عند الدبش يم اقرب المدن مطه وسلامتكم وسامحونا على القصور * هاوي قصيد * |
جميع الحقوق محفوظه للاستاذ بدر الحمد وجميع ما ذكر اعلاه
من كتابه قالت الصحراء * هاوي قصيد * |
اخوي سلطان القحطاني
الله لايهينك على هالتواصل اللي تشكر عليه وصح لسان القايل وسلمت يد الناقل والحافظ والمراسله هذي حافظتها اسامي شعارها اللي ذكرتهم انت الله لايهينك وهم شعراء معروفين شاكر لك اخوي كل حرف كتبته لك تحياتي :) :) :) |
اخوي الغالي / سلطان القحطاني
والله اختيار موفق وتشكر عليه وننتظر منك المزيد مثل هالدرر وانا اخوك |
اخوي عكاشه
هذا اقل من الواجب طال عمرك ولا ني قايل عفوا لانها ما يحتاج لها شكر اساسا وتقبل تحياتي |
اخوي مبدع القاف
انا صرت مثل اللي شراله عله من حلاله جيت فازع مع عكاشه طالبتونا بالجديد غالي والطلب رخيص وابشر من عيوني الثنتين وتقبل تحياتي |
| الوقت المعتمد في المنتدى بتوقيت جرينتش +4.
الوقت الان » 04:35. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع