شعبيات
الصفحة رقم 1 من 2 1 2
عرض 40 مشاركات من هذا الموضوع في صفحة مستقلة

شعبيات (http://www.sh3byat.com/vb//index.php)
-   ميدان المحاوره/الاخوانيات والنقائض/المستطرف والفكاهي (http://www.sh3byat.com/vb//forumdisplay.php?f=14)
-   -   ناصر المطيري مطلوب للأهميه .. (http://www.sh3byat.com/vb//showthread.php?t=11116)

سعود بادي 08-09-2005 22:57
ناصر المطيري مطلوب للأهميه ..
 
ناصر المطيري

سلام الله سلامٍ ياصلك يالشاعر اللماح
..............اسوقه بالموده من ضميري والغلا تعبير
كسبتك ماحسبت لرفقتك ياصاحبي ارباح
.............. اشوفك غايبٍ عني عسى ماحاصلٍ تغير


سعود بادي

يدوم الك البقى يانجمنا اللي في سمانا لاح
................... هلا ياللي بعد وده هنا يكتب له التقدير
الا طاب الشجر يقطف ثمره ويحصـده فلاح
................... وغيابي عنك لوطَول ترا له داعي وتبرير

ناصر المطيري

تعلمنا من الدنيا ولبسنا الزمان وشاح
..........على قسوة زمن من سوًق الذمه على التاجير
حفظنا الدرس يوم ان التجارب فالحياه سلاح
.............. وطلابٍ نحرر جهلها تحتاج للتحرير




سعود بادي

كسبناها نقى ياصاحبي وأجهز نبا المرواح
................... هناك تجوز لي والك السوالف ماتبي تشفير
مع مشراقها شمس الصباح نقول يافتاح
................... نعـوذ بجاهـك وعـزك من النـكبات والتأثـير



السلام عليكم جميعاً

كان لي شرف هذا اللقاء مع الشاعر الجميل ناصر المطيري في مكانٍ آخر وبدعوه منه
والآن أدعوه هنا وأتمنى أن يكون متواجداً الآن .

دعوه لأخي ناصر المطيري

.
.

سعود بادي 08-09-2005 23:54
رد : ناصر المطيري مطلوب للأهميه ..
 
.
.

ناصر المطيري

استلم وتسلم ياغالي على حضورك

.
.

يفوح بوح القصيد وتطبخ ظنونه
.......................... واشتاق للقاف ساعة انفتح بابه

لو ان بعض الحضور أبلغ من لحونه
........................... ينصاك قافي ياناصر وانته أولابه

.
.
.

ناصر المطيري 09-09-2005 00:09
رد : ناصر المطيري مطلوب للأهميه ..
 


ياهلا ياسعود بادي


الحمدلله على السلامه

واللعب معك له رونقه وسموه


وانا موجود

بس على قائمة ( الشعبيين) ..!!

ناصر المطيري 09-09-2005 00:19
رد : ناصر المطيري مطلوب للأهميه ..
 


استلم ياسعود




لافاح من بوح ناره واستوى لونه
............مثلي قديرٍ على كسبه واعجابه
كلي حضوره ومثلك ذوق يدعونه
.............اما جذبني وصل ولافلااشقابه

سعود بادي 09-09-2005 00:29
رد : ناصر المطيري مطلوب للأهميه ..
 
.
.

مراكب الليل وسط البحر موزونه
........................ وأفتح لساريه باب وتنشد أسرابه

وشلون وقتك ياناصر مر وشلونه
........................ مستوطنه كيف نبضه يحسب حسابه

.
.
.

ناصر المطيري 09-09-2005 00:43
رد : ناصر المطيري مطلوب للأهميه ..
 



تسلم ياسعود ولاهنت


مراكب البحر فوق امـواج مجنـونه
............كلٍ يغـني على ليلاه واحبابه
والوقت ياسعود حال الوقت من دونه
............كلٍ جمع مكسبه من ناتج اتعابه

.
.

سعود بادي 09-09-2005 01:16
رد : ناصر المطيري مطلوب للأهميه ..
 
.
.
.

استلم ناصر
لاهنت

لأضحت دروب التعب بالأسم مقرونه
..................... نتايـجه تنقـري بعيـون طـلابه

لكن سماء الفن من يمـلاه بفنـونه
..................... وش ينصف اللي نهاية ظلمه اقرابه

.
.

ناصر المطيري 09-09-2005 01:56
رد : ناصر المطيري مطلوب للأهميه ..
 


استلم ياسعود


ضمن الاسامي كثير اسما مركونه
.........تقرا مشاوير عمره صفحة كتابه
واللي يدندن طرب لحنه يغنونه
.........للسوق واللي يسوق فيه جلابه

سعود بادي 09-09-2005 02:07
رد : ناصر المطيري مطلوب للأهميه ..
 
.
.
.

تكّـرم وبل خيـره يابس شنـونه
.................. وابتـلـت أرياق والا أرياق ماتأبـه

الخطوه اللي تسّير غصب ملعونه
.................. عطني على قد فهمي واشرح إعرابه
.
.
.


.
.

ميلاف 09-09-2005 02:13
رد : ناصر المطيري مطلوب للأهميه ..
 
ياسلام ياسلام


متابعين واصلوا يامبدعين

ناصر المطيري 09-09-2005 02:23
رد : ناصر المطيري مطلوب للأهميه ..
 




ومثلك فهيم ولبيب


خلطه غريبه وسريه ومعجـونه
.......... ووجيه مختلفـةٍ واحيان تتـشابه
الرمح فج النحر والنفس مطعونه
.......... ياطول درب التعب في ظلمة الغابه

ناصر المطيري 09-09-2005 02:36
رد : ناصر المطيري مطلوب للأهميه ..
 


اخي

ميلاف كل الود


لحضورك الكريم



دمت بااحسن حال

سعود بادي 09-09-2005 02:39
رد : ناصر المطيري مطلوب للأهميه ..
 
.
.


نقصر خطاوي لوالنبرات محـزونه
...................... نقـص الوعي ماشفـعله فن وخطابه

سوق التداول ضحـية كف فرعونه
...................... وانشد جذوع الشجر عن فاس حطـابه
.
.
.

.

سعود بادي 09-09-2005 02:44
رد : ناصر المطيري مطلوب للأهميه ..
 
ميلاف

.
.

سلمت ياغالي

مرورك تشريف

تسلم وتبقى

.
.

ابونوت 09-09-2005 02:47
رد : ناصر المطيري مطلوب للأهميه ..
 
الخطوه اللي تسّير غصب ملعونه
.................. عطني على قد فهمي واشرح إعرابه

ياسلام ياسعود





خلطه غريبه وسريه ومعجـونه
.......... ووجيه مختلفـةٍ واحيان تتـشابه

ياسلام ياناصر

متابع على طول الخط

دمتم ودام ابداعكم


الوقت المعتمد في المنتدى بتوقيت جرينتش +4.
الوقت الان » 14:31.
الصفحة رقم 1 من 2 1 2
عرض 40 مشاركات من هذا الموضوع في صفحة مستقلة

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع