قد عقّب السبعين ويسوّي الافناع
 

صبحكم الله بالخير

هاجد جمعتنا معه رحله وتحرك هاجسه ببيت او بيتين اردف عليها شاعر ( دوسري ) هالابيات وبعد ما كملها تلقفت بالنيابه عن هاجد وجاريتها

هاجد تولع بالهوى طايل البــــــــــــــاع& يبغا النكوفه مير مايســـــــــتطيعي

قد عقّب الســـــــــبعين ويسوّي الافناع & يشري بســــــــوق الغيّ ولا يبيعي

لاشــــــــــاف زولٍ زينه اشكال وانواع& راع الهوى لاجاه قلبه يضيــــــعي

غروٍ صــــــغير نهود وعيونه اوساع & بطن العســيف وذيل شقراّ تشيعي

لو ينظـــــــــــر بعينيه صمّ الجبل ماع& ولو ان قلبك من حــــــديدٍ يميعي

مالوم هاجد لو شــــــــكا الحب وانلاع& الله يلـــــــــوم اللي يلومه سريعي

واسلم وسلّم عدّ ما ســـــــــرت بالقاع& ومبدا العتيبي فالطــــويل الرفيعي

اولاد روق متيهة شقح الاقطــــــــــاع & لاجا نهارٍ فيه كـــــــــــونٍ شنيعي


وهذا الرد /

لاوالله الاّ مال عن درب الاسنــــــــــــاع & من يوم قـــــام القلب يقـــرع قريعي

الشايب المنلاع ما تمســـــــــــــكه قاع & يسهر مع العشــــــاق لآخر هزيعي

قالت به الدنـــــــيا على كل الاوضــاع & له منهجٍ يعطـــــــــــيه مع كل ريعي

لا يحســـــــــــــبنّي جيت فازع وفراع & ماودّي ادخل بين مســـــــلم وشيعي

يالمســــــــعري بيّنت لي خافيٍ شـاع& وانا منوّل مانويته يشـــــــــــــــيعي

وش قلت اجل لو ناظرك زين الاطباع & اللي تمارا بالجمــــــــــال الطبيعي

ابو جبيــــــــــــــــــنٍ كنه البرق لماع & والخـــدّ يزهــــــــــابه ورودالربيعي

والعين عين اللي على الجـول ينزاع & عوق الخريش اليا وردهــن جميعي

اللي له الخفاق مصـــــــــيف ومرباع & يســــــــــــتاهله راع المقام الرفيعي

الحب لو قالوا ســــــــــواليف وخداع & مااصــــــدّق ان الحب عنده يضيعي


وسلامة الجميع

<font size="4"><font face="Tahoma">ابو جبيــــــــــــــــــنٍ كنه البرق لماع & والخـــدّ يزهــــــــــابه ورودالربيعي


بيض الله وجهك ووجهه :) :)

هذا الكلام اللي ينومس !!</font></font>

بيض الله وجهك اخوي منطقي جدا

وصح لسانك ولسان المسعري

وتقبل تحيات اخوك :) ;)

قالت به الدنـــــــيا على كل الاوضــاع & له منهجٍ يعطـــــــــــيه مع كل ريعي 0

ياســــــــلام عليك يامنطقي جدا كما عهدناك الابداع لا يفارق قصائدك ولا يفارق شخصك الكريم

اخوي منطقي جدا 00 صدقني اني اقف امامك وكلي خجل لاني احد تلاميذك 000 ارجو ان لاتبخل علي باي توجيه 0

اخوي صح لسانك وصح لسان الدوسري وبيض الله وجيهكم وعزالله انكم قلتوا وابدعتوا

لكم تحياتي :) :) :)

هلا اخوي منطقي والحمدلله على السلامه...


يسعدنا اتا شفناك ويسعدنا ما اتحفتنا به..


صح لسان الدوسري...

وصج لسانك على المجاراة...قصيدتين يتنافسن على الابداع من ابداعكم ...لا عدمتك..


تقبل تحيات
اخوك البدوي

الاخ جزا صح بدنك نتمنى ان اللي نجيبه يرقى لمستوى اذواقكم

هاوي قصيد شكرا يا غالي وصح بدنك


الاخ العزيز عكاشه الله واكبر تلميذ من تلاميذي تبي تكبرني وتصغر حالك يا وجه الله ،،

حنا اللي مانستغني عن تشجيعك وتوجيهك


الاخ العزيز بدوي في امريكا الله يسلمك من كل شر
والله يعينك ومبروك ثقة اهل المحل فيك ،،،

واسلم وسلّم عدّ ما ســـــــــرت بالقاع
ومبدا العتيبي فالطــــويل الرفيعي

اخوي
صح لسانك
وصح لسان الدوسري

يالله ان تحييه

بيض الله وجهك ووجه الدوسري

وعاداتك الشعر الجيد


اخوك ابو محمد (الهاديء)

مساك الله بالخير


صح لسانك ولسان هاجد ولسان الدوسري


هذا هو القصيد اللي ينوزن باالذهب


صح لسانك مره ثانيه وعشت

الله يسعد مسا الجميع بالخير

الاخ داهم العصيمي صح بدنك ياغالي وحياك الله


الاخ ابو محمد ( الهاديء ) الله يحيك وبيض وجهك يا بو محمد وحياك الله شرفتنا بهالزياره

الاخ الغالي غالي الاثمان 00 الله يحيك على كل حال وفرصة طيبه تعرفنا عليك واشكرك لشعورك الطيب وتشجيعك صح بدنك ياغالي وابي منك الابيات الاولى علمني عنها عكاشه وانا ماكنت موجود

هـــح السانكم على القصيده