|
سلطان الخامسي يشرف شعبيات
بعد القردنه اللي استمرت اكثر من ثمان ساعات وافق سلطان الخامسي
شقيق متعب الخامسي الاصغر على التسجيل هنا وهذا يسعدنا بما انه اخ لمتعب واحلى من متعب بعد tsh4 شوي شوي على الولد يا ناس تراه حبوب ويستحي مثلي :eek: سلطان كن حذر من عبد الله مران تراه مثل العنقز الله يكفي شره اذا جا الواحد لازم يترك اثر tsh1 واتمنى ان يطيب لك المقام في شعبيات المحبه شعبيات الاخوه tsh3 تحيات اخوك هديان صديق المشرف العام :eek: |
رد : سلطان الخامسي يشرف شعبيات
اهلن اهلن اهلن
بمتعب واخو متعب ... هلاابك سلطان ومنور المنتدى وعقبال مانشوف مشاركاتك معنا... وانشالله يعجبك منتدانا الرائع بصراحه :rolleyes: |
رد : سلطان الخامسي يشرف شعبيات
ياهلاوغلا ........بسلطان الخامسي واكيددمه عسل زي متعب وشيرطلو ... tsh1 سعيدين بتواجدك معنا..ونتمنى ان تطيب لك الأقامه بيننا...في شعبيات المحبه .. :) لاهنت ياهديان المطور....... :) |
رد : سلطان الخامسي يشرف شعبيات
(بعد القردنه ) ياخي مشكله الي ساقطين في التعبير :white:
في البداية احب ارحب با الاخ سلطان واتمنى له التوفيق في حياته القادمه في شعبيات وإن يكفيه الله شر المشاكل :white: لاهنت ياهديان ولايهون المراقب العام صديقنا :white: ياخي شعور جميل إنك تحس إن اخوانك حوليك في كل مكان بديت اشعر باالامان :rolleyes: |
رد : سلطان الخامسي يشرف شعبيات
متعب الخامسي وين سلطان يرد ولا تعال رد عن اخوك tsh4 |
رد : سلطان الخامسي يشرف شعبيات
يامرحبا يامرحبا اكاد اجهش في البكاء من شدة الفرحه <<<<<< يسمع بالمسلسلات العربيه :white: يالبيه ياللغه :white: من ابداعات الضيف القادم رحمه الله :white: اللي بيجي عقب قليل من سوالف مالها سنع بس عادي تقبلوها بصدر رحب :white: يقول الاخ الضيف الجديد في احدى تعليقاته عن اللكاعه . . اللكاعه ..... اصبحت اللكاعه جزء من كيان البنت ! في هذا الوقت ' لست اعم الجميع لكن الاغلبيه.. .. اللكاعه لو ننظر للكاعه بعين الاعتبار و نشخص حالتها نجد اللكاعه هي التغير في اساليب المحادثه مع الشاب أو احيانآ مع البنت لكن ماالمقصد من اللكاعه ..القصد غير معروف لدي شخصيآ... بس تعرف مامعني اللكاعه... اعلمك معنى اللكاعه و الكلام ما قلته من فراغ وبدون تشويه او تجريح.. للبنت.. خذ أمثله:- 1 التدقيق و التريقه على كلام الشاب حينما يتحدث معها بس باسلوب غير مباشر بقصد غير معروف حتي الان؟ 2 التميلح الزائد المصحوب بقليل من محاوله جرح الشاب من حين الى حين 3 الغباء ان تكون حواء ذكيه اكثر من اللازم و تصدق نفسها انها ملكعه وذكيه مع الشاب قد يكون الشاب مو دلخ او غبي ولكنه يعطيها على قد عقلها ويكون رافع نفسه عن اللكاعه و قله السنع والامور هذي. ~ نصيحه على الطاير ~ ¤الذكاء سلاح ذو حدين فأحسني استخدامه يا حواء¤ 4 واللكاعه واضحه وضوح الشمس و معروفه لدى الجميع ولا يوجد اي داعي للتوضيح اكثر لمعنى اللكاعه فا المكتوب واضح من عنوانه. المقصد من كل هذا :- هل توجد اي فائده في نظرك من اللكاعه؟ مالمقصد من استخدام هذا الاسلوب مع الشاب؟ هل من الواجب على الشاب حينما يتعرف على بنت ان يمارس هذا الاسلوب معها ويتبع استراتيجيه ¤اتغداء فيه قبل لايتعشى فيني¤ لكي يعزز موقفه. او البنت قد تكون مجروحه من شخص قديم وتحط حرتها في هذا ؟ او هو احساس بنقص في شخصيتها وتبغى تكمل النقص هذا بأسلوب معين ؟ ما علينا ....... طيب ليش ماناخذ الجانب الايجابي ونترك الجانب السلبي ليش لا شفنا الملكع نقلده ليش ما نضحك عليه وين زمان الاول الي نسمع عنه.. من اجدادنا زمن مافيه تصنع اساليب ولا اي شئ من اللكاعه زمن قضوه وقلوبهم صافيه الي في قلوبهم على لسانهم ~زمن اكبر من اني اتكلم عنه~ لكن وجهت نظر وحبيتكم تطلعون عليها.. اذا اعجبكم الموضوع احترم ذوقكم وردكم و اذا ما اعجبكم فهذي وجهت نظركم واحترمها. 999 منقول بتصرف :white: واللي قاهرني واحس ان ماله سنع هالثلاث تسعات الاخيره ما ادري وش المقصد منها بس اتوقع ان سلطان انمسك بسبب هالمقال فكتب رقم العمليات احتياط امني :white: هلا بك ياسلطان وعلى فكره لا تماشي صالح وعبدالله مران وفيصل بن خالد لانهم كلهم يجيبون لك الهم من مجرد التفكير فيهم :white: تشاووووووووووووووووووووووووووووووووووو |
رد : سلطان الخامسي يشرف شعبيات
هديانوه
حيه وحي ماجاب .. وياهلا ويامرحبا بسلطان الخامسي واسفرت وانورت ... وانتبه من العنقز ان كان ما جاك وانت صغّير تراه فالكبر شين لا تقدر تقعد ولا تمشي ولا تاكل ولا تشرب <<<<< ما بقى الا ولا ترقص واحسن حل انك تصدد عن ابو مران لين يروح منه العنقز هههههههههههههههه حياك الله ياسلطان و(سلمني) على اخوانك <<<< بيقهر ابو مران خخخخخخخخ تحياتي لك ولهدايانوووووه . |
رد : سلطان الخامسي يشرف شعبيات
ارحب مليون ياسلطان الخامسي :white: انورت شعبيات وسفرت والأن صارعندنا ثلاثه خماسين :white: شكرن ياهديان الذرب والكشخه على دعوته وشكرن ياسلطان على القبول :white: |
رد : سلطان الخامسي يشرف شعبيات
حياه الله ..
والمحل محلّه .. لو إني شاك انهم داخلين على طمع عيال الدعيع ما شاء الله <<< لا تقولون ما قلتها بعدين شكله بيصير بفريقي :) واي رد بيناولني اياه على طول .. عشان حنا بنصير اصدقاءءءءء :55: |
رد : سلطان الخامسي يشرف شعبيات
هــــــــلا وسهلا .. مـــــراحب اخـــــوي سلطان الخامســـي :) . . . . . . جــــــــــــــود |
رد : سلطان الخامسي يشرف شعبيات
يوووووووووووووووووووووووووووووووووووووه
هذول ناوين يجيبون العيله كلها السواق بيجي والا لا ؟ :) حياك الله يا سلطان وكان ما شالتك شعبيات نشيلك فوق روسنا كان طبعك مثل اخوانك فانت تشرف المكان الي تجي فيه ويا هلا ويا مرحبا مليار والي يتحرش فيك علمني وانا اوريه الشغل :) مرحبا مليار بس بما اننا نتكلم عن المليارات باقول لك شغله عندك سلف خمسه ريال ؟ راعي البقاله ماهو راضي يسلفني يقول انت تتسلف وما تسدد وابي اشتري علك بخمسه ريال :) ==== ما يبي يسوي دعايه للدخان :) |
رد : سلطان الخامسي يشرف شعبيات
ا هلا يا سلطان وابرك الساعات والله
كل متعب بركه ننتظر مشاركاتك معنا يا غالي تحياتي ومودتي |
رد : سلطان الخامسي يشرف شعبيات
:D أهلا وسهلا tsh4
جيت والله جابك ونورت شعبيات من المدخل الرئيسي اللين السيب اللي ورا ،،، اللي دايم متوزي فيه صلووووح ودبان وابو عيون يدخنون فيه ، وخايفين ابو نوت يطب عليهم . tsh9 تدري عاد يا ناصر ،،، أنا أول ما شفتك حبيتك :55: مرحبا فيك يا متعب في شعبيات :55: يرحم والدينك ،، أنا اثنين وأغلط باساميهم tsh4 عاد بكره نجتمع وتجلسون جنب بعض << قعدنا بها tsh8 سلطان بالل عليك منهو أكبر ،،، متعب والا ناصر باقي أبو هادي وتكمل الرصة . حكمة خالد العنقري بالشعر مو عيب ان الواحد يكسّر بس العيب انه يستمر بالتكسير :D سلطان تعرف تسوي tsh1 |
رد : سلطان الخامسي يشرف شعبيات
ههههههههههههههههههههههههههه ههههههههههههههههههههههههههه يا هلا والله وغلا بهديان وباللي معه ... عاد عيال الخامسي بالذات غلاهم غير tsh3 الدعوه مهيب نهابه ... افتحوا لعيال الخامسي منتدى لهم لحالهم ما صارت ... تروه نت مهوب منحه والا مخطط حكومي ولا اكتتاب بشركات ولا كرت عايلة ولا مبارة بحارتكم ولا ..... <<<<< مصخت النكتة tsh4 سلمني على نفسك tsh4 <==== قال إيش قال مهوب لازم أتكلم مثلك يا ابو مران ... نعنبو بليسك يا خشمان انت لسانك فعلا يبيله تدليك ههههههه مار الحل الأنسب أوديك دورة على حسابي في معهد الأمل والنور للمعوقين لتصحيح مخارج الحروف ... و سلمني على اللي هناك يا ابو سلمني tsh4 |
رد : سلطان الخامسي يشرف شعبيات
معليش يا اخوان اخي الصغير يعتذر عن المشاركة في هذا المنتدى الجميل
والسبب إنه كل ماجاء يرد يلقى المنتدى خربان مدري مخبط <<--طالع ددسن مهوب منتدى :white: وسلطان مشكلته إنه حساس ويتأثر على طول وخاصه إن الشباب قامو يمونون على الرجال وهو مابعد شارك بس إن شاء الله بتتغير نظرته وبيشارك اليوم والا بكره :white: ولا يفوتني في هذه المناسبه السعيدة أن اشكر الاخوان على ترحيبهم وعلى ردودهم الظريفه والطيفه :white: ولدي تعليق على بعض الردود الطريفه :white: عبد الرحمن الربيع انت الحين جاي ترحب والا تسوي ترشيد صحي؟ وش عنقزه يابو الشباب :white: عز الله سوالفكم هي الي تجيب العنقز بس مع ذلك اخوانه تراهم يسلمون عليك كثيرا كثيرا :white: مضاوي ترى الخماسين ريح جعل عدوك الريح :white: شكرا لك على الترحيب بخوي فلذة كبدي <<- فاهم غلط :white: صالح العبدالكريم وش دعيعه يابو دعيع انت.. :white: مشكلتك متاثر بنادي الطائي بحكم متابعتك القديمه له وهذا الشي اثر على تفكيرك صرت اي اخوان مشهورين تشبهم بعيال الدعيع ولا تراعي الفروقات :white: فك اخوي من شرك لا تخرب اخلاقه مهوب جاي في فريقك ولا اي فريق او حزب سياسي :white: ولاهوب مناولك اصلا مايعرف يناول يعرف يمزع :white: شكرا على ترحيبك بشقيقي :white: فيصل الخالد شكرا على ترحيبك وإن شاء الله بجيب باقي اخواني يسجلون في المنتدى ليه لا ؟ :white: هذا انت واخوك في المجلات محد قالكم شي.. ياحبي لخوك ولاتهون :white: ابو نوت شايبنا العزيز مشكور على ترحبيك لاهنت والبركه فيك ماقصرت ولايهون حسن :white: وعقبال مانشوف ابو هادي يشاركنا في شعبيات المحبه :white: عبدالله مران ياخي والله لافيه شبه ولا شي بس انت مدري وش فيك مضيع :white: باقي التفاصيل بتركها لسطان خصوصا إنه سئلني عن اسمك في المنتدى :white: ثامر الشعيفان ياخي حتى انا اغليك مع إني ناقد على موضوعك الاخير بس هذا مايغير شي من واقع الحياة :white: الحين من كثرنا يوم تقول حطو لهم منتدى لحالهم اجل لو اسجل باقي اخواني وش بتقول ؟ وبعدين المنحه والمخطط الحكومي والاكتتاب هي ذبه والا نكته والا معلومات عامه ؟ :white: هذا بدال ماترحب بخوي الي دايم اسولف له عنك وعن بطولاتك جاي تضحك :( ماقول إلا رح جعلك إن شاء الله تحب وحدة في النهاية تطلع نمله :white: للاصدقاء الي فوق جميعا وكل من رد ومر من هنا مشكورين والله لا يهينكم واخص با الشكر ابو عبدالعزيز الي عشانه رديت هذا الرد المبديء الين يجي سلطان ويرد :white: |
| الوقت المعتمد في المنتدى بتوقيت جرينتش +4.
الوقت الان » 16:02. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع