|
ماتستاهل عنوان ..................!!!!
السلام عليكم 0 0 0 أشوف بك يابنت من بد الألوان بياض قلبك والنقا والطهارة 0 وشلون بس اخاطبكِ..؟ مخاطبة رسميّة بنت الحسب بنت النسب بنت الكرام 0 0 مخاطبة رسمية تطول فيها الهرجة وكذا تضيع الهرجة ماتنفهم ضمنية 0 0 أو طفلتي الشقية..؟ 0 آآه لو تدرين عن شيٍ.ن بصدري من هنا هنا يمين يلوف من أقصى الشواكل للحَجَبْ 0 شي ثاني مختلف إختناقة دمعةٍ ماتت كمد آآهةٍ عميا ولا دلت طريق باعتقادي ربما والله اعلم يمكن ثارت أبجد هوّز وسط ضلوعي والا حطي كلمن حارت في اللا ممكن إلا تعالي بـ أسألك ليل الشقا من قال لك انه الى ضقنا يطول..؟ الليل راح ومابقا يامُتعَبَهْ غير الشقا 0 0 ياطفلتي كل الكلاااام اللي مضى مقدمة والا السؤآل المنطقي وشلون بس أخاطبك..؟ 0 0 ياقمر قالوها قبلي وقالوا قبلي ياوردة ويازينه ياحلوه يايا ياقلبي مقيولة قبلي 0 0 أقول لك ياالشينة....؟ ماقد قيلت لك إطلاقآً حتى لو ماانتي شينة وما أجمل منك إلا أنتي 0 بعض البنيّ بضحكهن يطلع الشين والبعض تكمل زين حزة بكاااااااها 0 إبكي مزاميم الدموع خلّي هالدمعة تطيح أعتقيها وتعتقك خليهاهاالدمعة تطيح دوك إسكني هنا محلك يالغلا وهنا مقر ك وترى إن سكنتي ما أفكر بالمقام وبالرحيل 0 0 تدرين طيوحك من عيني لو شفتك في لحظة لنتي وان استسلمتي لظروفك من قلبي تدرين طيوحك 0 0 يكفي فقط ياطفلتي نخفي ألم ولانبي به مشفقين ونبدي قلم إن قال للصدق اخنقوه والى سكَتْ هم أنطقوه نظلم وهم ما يظلمون لكن نكوووون وما نهوووون نحيا صمود ونرتقي لكننا ضد الوشاة نسير لإثبات الحياة ضد المرض دامت بخير عقولنا له الجسد يفتك وحنا الله لنا رب الوجود تحمّلي والله معك لا تيأسين حتى ولو قلنا الى مالانهاية ما هم برب العالمين توافقين إن قلت لك نحن على قيد الحياة...! 0 0 ........................................ أقول لك هالأرض مليانة وحوش ويالعن ابو جد الحسد ويارب ياالفرد الصمد الحاسد أعطه مابنا وبضعف مايَحْسِدْ عليه الحاسد أعطه مابنا وبضعف مايَحْسِدْ عليه هاتي يدك ياطاهرة أصبر ومثلي تصبرين ونكتب من إملاء الأنا ونخفي العنا ونموت واحنا واقفين مانلتفت لـ أيّة أحد وتوقيعنا اللي نحتفظ به للأبد 0 0 كلٍ.ن شكى بجوفه ألم وانا الألم أسكن بجوفه ويبعدني عن طقس الفرح من الحزن ألفين برزخ 0 0 0 0 0 0 0 دمتم بخير مصعب 29 \ 3 \ 1426 هـ |
| الوقت المعتمد في المنتدى بتوقيت جرينتش +4.
الوقت الان » 12:10. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع