محمد الدحيمي 07-12-2005 13:09 (( رمّـــــان ليّه ))   رمّـــــان ليّه العنيـــــــــــــد اللي برى حــالي .. مع حظٍّ عنيــــد من قبل عيد الضحى .. عيــّد .. وجاب العيد فيـّه والضحيــــــة .. ســنـّة الله كل عيــــــدٍ للعبيـــــــــد مير كيف يضحّـــي اللي صار باسبابه .. ضحيــّـــه كلّ خــل ّ يمـــــــاري بغــالي الهــــدايا .. كلّ عيــــــــــد ولابه أغلى من عيــــوني .. وأخذها مبـــطي هـــــــــديّه لو حمى فتـــنة ( زبيــــــده ) وجـــــــــه ( هارون الرشـــيد ) ماعطــت كــثر الهـــــدايا .. ســاق ( بلقــــيس ) الحميّـــــــه والشعر ماهو بـــورث ( معـــــــاويه ) لأبنـــــــه ( يــزيـــــد ) كلّ شـــــاعر له عشـــــٌق .. ولكلّ عاشـــــق شـــاعريّـــه والأذيـّـــه هي رصيــــــدي في الهــوى .. وامحق رصيــــد وويـــــل من مثلي رصيــــــده في الهــــوى صار الأذيّــه قســـمة الله في عبــــــاده .. ذا شقيّ .. وذا سعيـــــــــــد واحـــــدٍ يلقى عســـل ســــــدره .. وواحــــــد سمّ حيـــــــه وعــــــاذل ٍ يجـــــــزا ســــــلامي والتحـــــــيّه بالجحيـــــــــد ويــــش أبي بــه ... لا ســــــــــلام الله عليه .. ولا تحيّــــــه وش له وطــفل ٍ مـَــلاَ صـــدر الدحيـــــمي بالنشـــــــــيد يركض ويــاطـا ضلوعــــــه .. من هنيـــّــه لـَــ .. هنيـــّــه والله أني فيــــه ماطـــاوعت .. زيــــــد ولا عبيـــــــد لو وقــف من دونـــي ودونـــــــه حرس وبــوارديـــــه احترق له .. فيــه! .. لو نـــاره تقـــلْ هلْ من مـــــــزيد وكم حطبــني الشــوق فيـــه وصرت له جمـره غضيـــّه أتـبـاطا جيـــّـــته .. وإن جــاء قــبل وعـــــــدٍ أكيــــــــــد وأتنشّــــد روحتــــه من قـبــل يقـــبل .. عن مجـيـّــــه مثل من ضيـــّــــع شــــــداده والمطــــيـّـه باْثـــر صيـــــــد كسّـــــــر شــــــداده لصيـــــــدٍ مجــفل وخلّى المطـــــيــّه أشــعل ٍ بين العــــــذارى لامشـــى ... كنـّــه وحيـــــــــد قبلة الله ماتقـــــــــول الاّ حمـــــــــام الراعبــــــــــــــيه اســـمع ( برمـــان ليّــــه ) يـــوم يطــرا من بعـــــــــــــيد ويــوم شفــته قلت .. يالبيـــّـــــــه ( يا رمّـــان ليّــــه ) الله اقــوى منه مامـلّ النظـــــر طــــرفٍ سهيـــــــــد وفيـــه نظــــراتي تهـــاوش ذيــك .. تلعن جـــــد .. ذيــّـــه وشبّــها حــــرب وحمــيّا بين شـــــــريان ووريـــــــــد كل عــــرق ٍ دونـــــــه بـ ( جنبـيـــــــته .. والبندقيــــــّـــــــه ) ووالله انـّـــــه كل مايخـــــــزرني بعيـــــــن الفـــــــــريـــــد ضــعت به كلّي .. ورحـــــت لعيــــنه أدوّر .. عليــّـــه!! البـــلا اْن بطـــــرف عيــــنه مثل ســـيف ( ابن الوليـــد ) كم تخـطّـــــفني بحـــــدّ صبــيّها سيــــــف المنيـــّــــــه طالما اْن اللي يمـــــوت من الغـــــرق يكــتب شهيـــد ليه ماغـــرق وســط نـــــونه أو على شــاطي صبيّــه؟!! له جـــــــديل ٍ مااستــــــفز الاّ .. ابجــــديات القصيــــــــد ليا انتـــثر .. جتْــك القصــــايد .. ابجــــــــديه .. ابجــــــــديه وكلّ ماعــظّ الشفــــــــيّه رحــــــــت من ضـدّ لضـــــــديــد مادري أمــــوت بثمــــانه .. أو على جمـــرة شفـــــــــيّه إن سكـــت .. ســـولف ربيــــع أنفاســــه وذوّب جليـــــد وإن تكــــلّم .. ينـــثر الدنــــيا .. حـــــــــدائق بابليــــــــه وإن تبـسّــم .. حطّــــني بين الضعــــــيفه والشــــــــديد وإن ضحــك .. ناضــــــت بـروقــــــــه بالمــزون العقــربيـّـه وإن تمـــايل .. من ليانــــة عـــــــوده يلـــــين الحــــــــديد وإن تثــنّى .. شفــــــت وشـــلون الخــــــوي يظــلم خـــــويّه وإن تـهـزّع .. كلّ غـــالي من تهــــزّاعه .. زهيـــــــــــد وإن تخــطّى .. قلــت .. لا بالله قِــــذَتْ عيــني يــديـّـــــــه وإن وقف .. عنــق الكحـــيل وقـــــــــذلة عبيــّـــــه وجـيـــــد وإن مشى .. قلــت .. إتخـــسا بنت الكحيـــــله والعبيّــــــه رحــت أبا أشكــي له طعـــــونه .. سلهم .. وقلت له :- زيــــــد أنــت راعــي الجــــــود وأبخــل طعنـــــةٍ منك .. أجـــــوديّـــه ســـــوّ ياعـــذب الثنيّـــــه وأفعــــل اللي بي تـــــــــريـد مير أنا في وجـــــــــه ربي منــك ياعــــــذب الثنيّـــــه قيـدتــــني فيــــه كلمــــــة ( يابعــــــد حييّ ) بقيــــــــــد وأستـــباح بها خضــــــوعي .. لارحــــــم ميـــــته وحيّــــه كنت أعــدّ بحـــــروته .. من ( واحـد لميـّ100ـــه) .. وأعيــــد في صبــاح العيــــد .. وأنا أعـــدّ من ( واحـد لميـّ100ـــه ).. .. جــاء يعـايـــــدني وهو يختـــــال في ثـــــــوبٍ جـــــــديد قال :- أظنّـــــك ناســـــي أن اليــوم هو عيـــد الضحـيّـــــه؟ قلت :- وش تفـــرق ... ثـــلاث سنيــن معـــك أعيــش عيــــد كلّ يــــوم ٍ يابــــــــري حـــــالي .. تجيـــــب العيــــــد فيّــــه محمد الدحـــيمي

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع