من امس العصر ياساجي الطرف لي ذلحين
وانا في رواك وحاطني وسط دوامه.

تقلب حناياي النحيله علي سكين
من البعد..وتقول المخاليق لوامه.

ولا قلت عني شي ولا التفت بعين
ولا احتلت تلزم مني الشوق بخطامه

وانا الشاعر اللي لي مع اهل الشعر حدين
مدا الليل كنه اياي..واحلامي احلامه.

تخطريت من فوق النوايف عزوم البين
وحطيت بين القدم والنايفه قامه.

اسوق القدم وامشي عليها بزين بزين
ولا انا ارخص العزه ولا اوطي الهامه.

ولا اقول اعرف انسان وانا ما اعرفه زين
وليمن عطيت الراي وقفت قدامه.

نصرتك علي بالحب وانت اول الغالين
وقويتني بالصبر والنفس عزامه.

وطال الصبر والله على ذا الغرام يعين
ويجزاني بصبري على الحب والامه.

بما يرفع من المعنويات لين تزين
وترتد روحي بين نظره وسلهامه.

واشرقك ولا اغربك بين بين وبين
اسارير قلبٍ هبها الحب بانسامه.

تقفتك عصرية غلا والشعور يبين
علي وجه راعيه وزفرة تنسامه.