لم يفتقدني الجميع ..لكن جيت ب(اسمحي لي بالخيال )
 

اعزائي الغالين اعضاء شعبيات وزوار شعبيات
اسعد الله اوقاتكم بكل خير
لقد كنت معكم في السابق ب اسم هايم..
وقد تشرفت في وجودي معكم جميعاً .. ولظروف معينه وكذلك تقصير مني ابتعدت .. ولكن كنت متابع لكم ايه المبدعين العمالقه ..واتمنى ان تقبلوني مره اخرى بينكم .. حيث ان الانسان مهما ابتعد عن الجمال وعن الابداع لابد وان يرجع له اذا ذاق منه .

ها انا بينكم وب اسمي الصريح .. حيث اني وعدت الحاضر الغائب الغالي عبدالله مران بكتابته ...

اعزائي في الابيات التاليه : خيال .................. واتمنى هذا الخيال ان ينال ولو الجزء اليسير من بعض ذائقتكم .. واسمحولي عن التقصير في كل شي..

اسمحي لي اتخيل

[poet font="Arabic Transparent,4,silver,bold,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=""]
اسمحي لي ابي اوصّف بالخيال احلى خيال=اسمحي لي اتخيل دام واثق في خيالي
ماملكت الا خيالٍ فيه ابضرب لك مثال=كني ( مرايه ) وكنك واقفه كلك قبالي
ب ابتدي من تحت لنّي اعشق صعود الجبال=عادتي اصل قممها واركز الرايه لحالي
بين خلخال الزمرد وبين لمعات النعال=القدم بان وكأنه ماوطى فرش وزوالي
كعبك اللي لا خطيتي بالوطا هزّ السهال=تفتخر به لامشيتي الاراضي والسهالي
وان رقيت لغصنك اللي مرتوي ميٍ زلال=ناعمٍ مفتول ليّن ماشرب غير الزلالي
مثل مالجمار لونه مبترم برم الحبال=لانثنى عودك تثنى مثل ماتثنى الحبالي
قايم ٍ ملتق يعرض كل ماياخذ مجال=لين ردنّه ردوفك من عقب ماله مجالي
ان وقفتي كل ردفٍ ياقف بكل اعتدال=وكلٍ يفارق خويه ان مشيتي ب اعتدالي
من فضل خصرٍ فقيرٍ زاهدٍ بالمال ..مال=للردوف اعطى حلاله وقال :مابي مابقى لي
مائسٍ قتان يغري .. مجتمع في كل حال=الحشا ساواه لنّه خاليٍ والقد خالي
ولا خلى صدرٍ تحلى بالوجاهه والدلال=واقفٍ وقفة عزيزٍ لايهاب ولايبالي
ينضج الرمان يبقى للكرز قطعه ليال=حبتين وحبتينٍ فوقهن ...ياهملالي
هذي (.........) ونحرك من هوالٍ في هوال=هوّل انواع القلايد واستلذت بالهوالي
الذهب والماس والدر والزبرجد واللوال=ماالومه لو تمنت ترقد ف نحرك ليالي
ومن يلوم الطوق لابطى ثابت بعنق الغزال=ومن يلوم اغلى الاساور فمعصمٍ منّه تلالي
والخواتم بالاصابع ماهقت انّه تزال=لانها في غير كفك تفقد الشكل المثالي
وتفقد مداعب جديلٍ بينها وبينه جدال=لانزلت خصله جديلك بينهم زاد الجدالي
اشقرٍ منثور طايح هفهفه هب الشمال=هفهفه ذيل الاصيله تحت ابو زيد الهلالي
ياصل لخصرك ويقصر ولاتطاولتيه طال=الظهر غطاه كنه جاعدٍ فروه طفالي
وغرةٍ تعكس شعاعٍ اشبه فبرق الهمال=من جبينك شع ضوّه ولاغدى لضوه ظلالي
ليه؟ لان النور تحته مصدره بدر الكمال=مستنيرٍ مستثيرٍ مستديرٍ ب اكتمالي
نور وجهك لاكشفتي يختفي كل الظلال=(وجه) من شافه يهذري ويبتدي فيه الخبالي
جمرتين وعقد مرمر وماء ذهب لاسال سال=صافيٍ بين الشفايف والطعم سكر وحالي
فم مدري رسم مدري كيف يوصف او ياقال=لكن ادري ان ريقك من زهورٍ ف الجبالي
الشمس ماتشرق الا يتبع شروقه زوال=تشرق ب اطراف خدك وفالوسط وقت الزوالي

ويظلم الليل وخيوطه من حجاجينك تشال=كنهن قوسين ولا شارةٍ بعد السؤالي ؟
وتحتهن سيف المهلهل لامعٍ وسط النزال=ومع يمين ومع يساره جيش تغلب له قتالي
رموشك وخشمك تحارب بالمعارك لاتزال=من اجل عينيك كلٍ يخسر اموال وحلالي
عيون حرٍ مايعذرب ..ماكره فوق الطوال=تطرح وتجرح وتذبح بنظرت سمو ومعالي
ناعسه حورا تسلهم كنها تسأل سؤال ؟=وكن سؤاله : هل يوجد في النساء انثى بجمالي ؟؟
تسأل عيونك واجاوب : مااظن القى محال=لا فلا يوجد شبيهك بالبشر اول وتالي
من قدم رجلك لراسك ..كامله( ملكه جمال)=ومايجي بعدك وصيفه في جمالك والدلالي
منوةٍ للي لصوته تاقف شيوخ ورجال=ولايتمنى مثلك اللي ينحسب مثل الرجالي
ومنوتي اني بخيالي احتمل لو احتمال=والحقيقه انك اكبر من خيالي واحتمالي
والغريب وانا اتخيل فجأه ! يطيح العقال=واحلف ان ماغير يدّك ترجّع لراسي عقالي
[/poet][B]


هايم[c]

فهد الواكد
 

اولا الله يحييك
"
"
وثانيا صح لسانك
"
"
قصيده فيها وصف دقيق جدا جدا
"
"
وتمكن جميل
"
"
واسترسال تدريجي في اجزاء الموصوف
"
"
سلمت يمناك ولا عدمناك

[c]فهدالواكد[/c]

[c] هلابك يالغالي ورجوع يشرفنا جميعا [/c]

[c]شاعر بهذا البهاء والشموخ يحق له العتب ولكن ثق تماما انه ليس تجاهلا او غيرها [/c]

[c]ولعل مايخفف علينا هو انك كنت باسم مستعار وعدت بكامل اناقتك ليكتمل هذا الجمال والابداع [/c]

[c]كتبت فابدعت وامتعت بغزارة وترابط وتمكن تثبت بما لايدعي للشك اننا حضينا بقامه شعرية هائله [/c]


[c]صح لسانك وتسلم يمينك ايها المبدع [/c]

[c]اخوك / عبدالهادي[/c]

.. فهد الواكد ..

هل الغياب يجعل القصائد بهذه الروعة ..!!

حضور رائع فعلا ً ..
وقصيدة من العيار الثقيل بالوصف ..!؟

الف صح لسانك ..
وأعتذر أيضا ُ

أخوك :
.. عبدالله التميمي ..

يا هلا وغلا فيك



وصح لسانك يالغالي


وما قصرت

عودا حميدا



تقبل تحيااااااتي

الاخ فهد الواكد

هلا والله وغلا والله يحييك المنتدا منور بوجودك


اما اسمحيلي فوالله اسمحلي انها قمت الروعه وصف جميل وعذب لله درك
على هالجمال والله يجعلك على القوه

لك

مني

اعذب وارق تحيه


اخوك

نمر العتيبي

الأخ الشاعر الرائع فهد الواكد

ياهلا ومسهلا بك بعد الغياب

ماهذا الوصف الرائع المفصل

أنت بلا شك مهندس الوصف وراعيه

دقيق مفصل مجمل مفخم مجسم

صح لسانك وألف صح بيانك

تحياتي وإعجابي

اخوك/ واصل

وعلى فكره أظن بيجي اليوم اللي بكتب الأسم الصريح
وإلى ذلك الحين الله يعين

سلامي

سعيد الاكلبي
 

اشكرك

على


مرورك


وجميل


اطراءك




صح بدنك وماقصرت




تقبل تحياتي



هايم

الغالي .. عبد الهادي الخليوي
 

الاخ الغالي



لولا غلاكم كان ماجيتكم

شعبيات ومن فيها رمز .. الكل يسعى الى التواجد فيه



واشكرك مليون على ترحيبك يالغالي

وعلى اطراءك الجميل كجمال اخلاقك



تقبل تحياتي الحاره



اخوك

هايم

الغالي
 

عبدالله التميمي

اشكرك على مرورك الكريم ككرمك المعهود

ولاتعتذر يالغالي كلي ملكك لو تامر ... وانت ادرى مني بهالسوالف .


عبدالله اشكرك على اطراءك وترحيبك مره اخرى



وتقبل تحياتي




اخوك


هايم

الغالي .. شاهر الشاهر
 

اسعدني مرورك



وصح بدنك



وتسلم يالغالي





تقبل تحياتي



اخوك



هايم

الأخ الفاضل / فهد الواكد

قصيده روعه ووصف جميل صح لسانك

ناعسه حـورا تسلهـم كنهـا تسـأل سـؤال ii؟
وكن سؤاله : هل يوجد في النساء انثى بجمالي ؟؟
تسأل عيونك واجـاوب : مااظـن القـى iiمحـال
لا فـلا يوجـد شبيهـك بالبشـر اول iiوتـالـي
من قدم رجلك لراسـك ..كاملـه( ملكـه iiجمـال)
ومايجي بعدك وصيفـه فـي جمالـك iiوالدلالـي

تحياتي واحترامي

اختك / جواهر

من قدم رجلك لراسـك ..كاملـه( ملكـه iiجمـال)
ومايجي بعدك وصيفـه فـي جمالـك iiوالدلالـي
منـوةٍ للـي لصوتـه تاقـف شيـوخ iiورجــال
ولايتمنى مثلـك اللـي ينحسـب مثـل iiالرجالـي
ومنوتـي انـي بخيالـي احتمـل لـو iiاحتمـال
والحقيقـه انـك اكبـر مـن خيالـي iiواحتمالـي
والغريب وانـا اتخيـل فجـأه ! يطيـح iiالعقـال
واحلف ان ماغير يـدّك ترجّـع لراسـي iiعقالـي

فهد الواكد ..

تصوير بديع ووصف رائع

صح لسانك

ولك كل التقدير .

عيون حـرٍ مايعـذرب ..ماكـره فـوق الطوال
........................... تطرح وتجرح وتذبـح بنظـرت سمـو ومعالـي
ناعسـه حـورا تسلهـم كنهـا تسـأل سـؤال ؟
......................... وكن سؤاله : هل يوجد في النساء انثى بجمالي ؟؟

.
.
.

فهد الواكد :)



وصف بديع

وفكره جميله

وغزاره بالطرح وجزاله فريده ..

مبدع مبدع مبدع للغايه ..

وشاعر تشرفت بقراءته هنا .. أتمنى ان أقرأ لك المزيد من الروائع ..

صح لسانك مليون ..