|
ليــلى العـــا مريه
ماعشق قلبي من الخفرات غيـرك ياحلالـي .....................قاطعٍ كبدي غلاك وكـل قطعـه فـي نحيـه وا عذاب القلب من فرقـاك ياسمـح القبالـي .......................ارحم القلب المولع و ارحـم العيـن الشقيـه كيف ابسلى عن هواك اللي برى جسمي وحالي .....................لو بغيت انسـاك يالمجمـول مالـي مقدريـه من سببك اطوح الونات فـي روس العوالـي ..................يوم اجر الصوت مااسمع غير صوت الراعبيه والله اني قبل اعرفك مستريح وكنـت سالـي .....................بس عرفك جدد جـروحٍ علـى قلبـي طريـه كامـلٍ بالوصـف يالمجمـول لله الكمـالـي ....................جل شان اللي وهبـك الزيـن خـلاق البريـه يوم اعاين بالحجاج اللي كما قـوس الهلالـي .................والعيون الخرس تدفعني على حـوض المنيـه والجسم ياناس قيمـه لا دقـاق و لا جلالـي .................. يوم اعاين في نحرها والعيـون النرجسيـه كن عوده عود موزٍ يشـرب الجـم الزلالـي ..................مايطوله حر قيض و منبته في و سـط فيـه مازهاهـا الا التدلـع و التغنـج والـدلالـي ....................و النعومـه والنقـاوه والسواليـف العـذيـه والله اني من سببها مرخصٍ حالـي و مالـي .............كاميٍ جرحي كما اللي شايلٍ في الخـرج حيـه ميـر ظنـي بيتجـدد حـب الايـام الخوالـي ...................حب قيس بن الملوح هـو وليلـى العامريـه |
| الوقت المعتمد في المنتدى بتوقيت جرينتش +4.
الوقت الان » 01:05. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع