سؤال لضاري وابونوت واعضاء شعبيات
 

اعزائي ضاري بالعطا وابونوت واعضاء شعبيات عموما
تحيه طيبه
لدي سؤال الا وهو لماذا لايوجد موقع للدردشه بين اعضاء شعبيات؟
سؤال واقتراح بنفس الوقت:D امل ان يكون التجاوب جديا من الجميع...

تحياتي لكم جميعا....
خربوش

اضم صوتي لصاحب الموضوع ولو انه مايدانيني

بس ابا اضم صوتي غصب معه لو اضطر اني استخدم صمغ ابو دقيقه:ha:

اي دردشه

نص اعضاء شعبيات ما يتكلمون عربي كلهم صوماليين مجنسين يارجال

عانت شعبيات من نقص عدد السكان واظطرينا اننا نجيب حمله افريقيه ونعطيهم الجنسيات مثل ابو نوت وابو كوع وعلوك مستكه

هذول ما يتكلمون غير افريقي وضاري وانا والعياذ بالله من كلمة انا ندخل بيوزراتهم ونكتب عنهم

نعم اعترف

=-====== جاب العيد

المهم الموضوع تحت الدراسه المجهريه واذا اكتشفنا فيه جراثيم بنعرف انك ما تستخدم تايد ونعاقبك

تحياتي
اخوك
فيصل

ابو خطمه الله يمسيك بالخير يا غالي وبيض الله وجهك اقتراح في مكانه وتستاهل :corn:

الدردشه مطلوبه

اخوك هديان

هلاااااااااااااااااااااا والله بزلا علعلي
ياحبي لك لو اني ما ادانيك:D :D
ياخوي مايحتاج صمغ ولاشي
<== مسكين كلمه تجيبه وكلمه توديه:'(
تشكرااااااااتي لك يا زلا علعلي
خربوش

فيصل بن خالد
اي تايد واي جراثيم
ياخوي موضوعنا عن مفك الصلصه وتاثيره على الثروه السمكيه.
بعدين ترى عندي لوري للايجار للحمله اللي تقول:D

تحياتي
خربوش

هدياااااااااان
هلابك ووجهك ابيض
بعدين وش الكلافه هذي اللي انت حاطها:D
والدردشه لها فوائد جما ولا لها قرون:D :D <=== والله من الملاغه عاد
حبيبي هدياان مشكوووور على تجاوبك

تحيات خربوش تستاهلها

اخوي فيصل
تسلم على المشاركه وابداء الراي
اما من ناحيه(اواصر) الا رايبه وزبدها طافح بعد
<==== يحب اللبن:D :D
مشكوووووووووووووووووور يافيصل
تحياتي
خربوش

الا ياشباب انا ما بط تسبدي الا ضاري وابونوت
ليش ما شاركو :mad:
الكبر لله وحده ترى المساله منتدى فقط لاغير;)
شاركونا علشان نحبكم والا تدرون بكيفكم

تحياتي للجميع
خربوش

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه



سجل عندك واحد تسسسسسسسسسسسسس جديد


هلا بك خربوش

وخذ راحتك في الجميع والي مو عاجبه قله يراجعني وانا ادليه البحر كانه ما يدله خله يتقهوى

هلا والله بابو خالد سنايدي
تسسسسسسسسسسسسسسسسسسسسسسسسسس
بالله شل الصفيره
<==== قدر كاتم:D :D
اما من ناحية اللي احولهم عليك تقهويهم من البحر واجد واجد يابوخالد وودي بعد
يقدعون من الشعب المرجانيه والقواقع :D :D :D

اخوك اللي يغليك يافيصل بن خالد
خربوش ال ابوخطمه

ضاري انت وابونوت وين الاجابه
وخاصه انت يابونوت دايم وانت تسدح
فيمواضيع خلق الله ومطنش سؤالي
ياخوي تراك مراقب منتب رئيس الاركان العامه الله يهديك
عطنا وجه وانا والله اني صاااز في كلامي
خلاص وقت المجامل ولى
ولا وش راي الشباب:mad:

الزهقان
خربوش

الاخوان الاعزاء الكرام ضاري بالعطا وابونوت من غير مهونه لمن يسمع:D
الموضوع هذا تسد له شهرين وانا حاطه ورحت انبشه :D :D المهم انتم عطوني
العلم اما ايه ولا لا:'( ترى ماهيب صناعة كبريت:D :D اما تسان روسكم كبار
ولاودكم تردون علينا هذا ثي شاني:D :D :D حنا ودنا بالدردشه يومنها تجمعنا
على العز والمعزه <==== اخس ياراعي المراجل:D :D وودنا نسولف مهيب
مثل هالسوالف الباصقه اللي الواحد مايرد على خويه الا عقب يومين:D :D نبي
الدعوى حامي بحامي وانا من رايي تحطونها وقطتي وااااااااالمه :D :D والدعوى
بسيطه وبعض الناس يبونها ومستحيين:D :D مدخلكم على الله ان تردون علي
يامسلمين :D :D وخاصه انت ياضاري الله يدفع البلا تسن منتب موجود كل هذا
تسبر ولا ماتعرف تكتب :D :D ولا ابونوت يخفق في كل محل مير البركه ماهيب
واجد:D :D والرجال مجهد وشايلن عنك شي واجد <==== بيدخل له في سالفة جديده
مادريت هاك اليوم الا وبريدي الخاص فيه رساله من ابونوت يقول ياخربوش انا ودي
تجي معي معاوني:D :D على شعبيات لكن اني مستحي من ضاري :D :D والله
مير وانا ارد عليه هاك الرساله اللي مدحتك فيها:D :D وانت رجالن تستاهل المدح
ياضاري مهوب علشانك المشرف لا والله<==== والله من التسذب:D :D وقلت لابونوت
ان ضاري من كل خير قريب ولاهوب معيي وان حطني يبشر والله بالعلوم الزينه وهبة الريح:D
وانا خربوش كلن يعرفني والشينه ماتجي مني:D :D وهالحين ياضاري ودي انك ما تكسح ابونوت
وعطه مطلوبه والدنيا فانيه:D :D


اللي يشير بالعلم الغانم
خربوش سديد الراي:D

ابو زرفيل

هلااااا بك وعلمك غانم يابعدي ..

اضم حلزي لحلزك واقول سنعوا الرجال والرجال ما قال شي وهو يحب ساعة الصدر ولا تزعلونه علينا ثم يصير في خاطره شي وعطوالحر فرصة ....


<<<<< يثبت بعد ازنكم يالمشرفين اللي معايا ...:cool:

تحياتي .