|
شاعر مبتدىء واحتاج مساعدتكم يكبار الشعر 0 0
السلام عليكم , ,
انا عضو جديد وتوني مشارك بالمنتدى , , وان شاء الله اني أفيـــــــــــــد , , وأستفيـــــــــــــــــد وخاصة منـ((شعار النبطي)) , , لاني ابي اكون في صفهم واكتب مثلهم فلا يبخلون علينا , , لكن ياجماعة الخير انا نشبت في الوزن ذا , , فايش الحل قالوا لحنها ولحنتها ولا استفدت تطلع مكسورة كمان , , فايش الحل يالغالين , , انتظركم على احر من الجمر , , تقبلو تحياتـــــــــــــــــــــــــ ــــــي , , |
رد : شاعر مبتدىء واحتاج مساعدتكم يكبار الشعر 0 0
دوبي اقرأ رسالتك يا اميرالليل وكنت طالع واستوقفتني هالعباره http://www.sh3byat.com/vb/sh3byat/mi...t-top-left.gifإقتباسhttp://www.sh3byat.com/vb/sh3byat/mi...-top-right.gifhttp://www.sh3byat.com/vb/sh3byat/mi...p-right-10.gifلاني ابي اكون في صفهم واكتب مثلهم فلا يبخلون علينا , , http://www.sh3byat.com/vb/sh3byat/mi...t-bot-left.gifhttp://www.sh3byat.com/vb/sh3byat/mi...-bot-right.gif ياسلاااام عليك ياشيخ وتحية لك:) هذي روح الشاعر الذي لايرضى ان تكون قصيدته مكسوره ويكابر ويصدق من حوله من احبابه وهو يعلم كسرها ثق انك لست اول من بدأ الشعر وهو لايجيد الوزن وتعلم في شعبيات الوزن بسيط جداُ وممكن تعلمه وفيه طرق سهله جدا وسريعه التعلم سأوردها خطوه خطوه في رد آخر بعد ساعه او ساعتين وستجده هنا بإذن الله طلبت النصيحه بصدق فاسمعها هي لك ولمن يريدها بطريقة يفهمها الجميع: اولاً واخيراً واهم شيء ان تكون عندك الموهبة لأن الشعر لا يمكن ان تتعلمه هو موهبة في الأساس واذا تعلمت بإذن الله كيف توزن وتقفي واصبحت تكتب قصائد فلا بد من االحافز المهم للأبداع اثناء كتابة قصيدتك : مثلما قال ووصى به كثير من النقاد المبدعين عشان تبدع لايعجبك احد ولا تحاول تقلد من يعجبك شعره وانت تكتب قصيدتك بينك وبين نفسك وتمسك باحساسك وغرورك بإبداعك ايضاً بينك وبين نفسك لأن اجمل مايحفزك عالأبداع غرورك بقصيدتك لحظة كتابتها والتواضع عند طرحها وهذا كله يعتمد ب شكل اساسي على الموهبة؟؟ ---------- انا بأرجع بعد ساعه بإذن الله وبأعلمك انت ومن يريد تعلم الوزن من الأخوه والأخوات وبطريقة مافيه اسهل منها بإذن الله تحيتي لشجالعتك ونقائك لي عوده بإذن الله .. |
رد : شاعر مبتدىء واحتاج مساعدتكم يكبار الشعر 0 0
انشاءالله يفيدونك الشعار اللي هنا_ ويارب توفق الجميع
|
رد : شاعر مبتدىء واحتاج مساعدتكم يكبار الشعر 0 0
خويك ماعرف يفهمك يمكن يوم يقول لحنّها حنا نبي نعرف وشلون نوزن وبعدين نلحن :)
اولا عشان تتعلم البداية في الوزن لازم يكون هناك لحن تعرفه وتحفظه عن ظهر قلب يعني معروف وخطوه خطوه تبدأ تركب الكلمات وتغيرها بما يستقيم مع الجرس الموسيقي للكلمه وابسط لك الموضوع سأختار انا لحن مقطع ايوه قلبي عليك التاع اكيد تعرفها لمحمد عبده وأبدأ معي خطوة خطوة الأن :" (ايوووه .. قلبي عليك التاااع) تغنى به بدون ماتنظر فيه مكتوب يعني لاتطالع بالشاشه مهم جداً عشان تعرف وش المقصود بالجرس الموسيقي غني الشطر الأول فقط بينك وبين نفسك فقط وردده اكثر من مره وانت تغنيه حاول الإعتماد عل شاعريتك وفكرّ في كلمات مثل كلمة (التاع)على قافية (اع)مثل: اوجاع بيّاع إصباع هلحين حاول انك تجيب شطر جديد وتغنيه على طريقة (ايوووه قلبي عليك التاع ) (...................اااع ) اذا عجزت قسم الشطر مقاطع زي ماهو في لحن الأغنيه مقاطع لحن الكلمه ماهو عدد الكلمات ولا الحروف الكلمه ولحنها ايووووه \ المقطع الأول قلبي عليك \ المقطع الثاني التاااااع \ المقطع الثالث لازم تكون على قافية ااع كل كلمة تجيبها لحنها حسب لحن المقطع نجي على الشطر الثاني من الأغنيه (مايحتمل غيبتك ليله ) (................. ايله ) بنفس الطريقة حاول تجيب كلمة تشبه ليله على قافية (ايله) وقسمها لمقاطع زي ماتغنيها حسب اللحن ماااايحتمل \ مقطع اول غيبتك \ مقطع ثاني ليييله \ ماانت مطالب تجيب كل كلمة على نفس القافية الا الأخيره بس وهكذا .. اتمنى ان شاء الله لك التوفيق يا امير:thumb: |
رد : شاعر مبتدىء واحتاج مساعدتكم يكبار الشعر 0 0
شكراً لشاعرنا الكبير الدحيمي على اللفته الرائعة للمبتدئين في مناهل الشعر
موضوع مثبت لمن أراد ان يتعلم بصدق |
رد : شاعر مبتدىء واحتاج مساعدتكم يكبار الشعر 0 0
للشعر باب مغلق
الموهبة مفتاحه المخزون اللغوي سر قوته والفكرة المبتكرة سر نجاحه شكرا لكم جميعا |
رد : شاعر مبتدىء واحتاج مساعدتكم يكبار الشعر 0 0
إقتباس:
الله عليك الله عليك الله عليك والله تصدق اقولها في وجهك ولا اقولها مع احد ثاني انت شاعر كبير وانا بصراحه لفيت المنتديات كلها ما لقيت كلام وتفاؤل وثقه في النفس زي كلامك وانا ترى من اول رد لك على موضوعي حاولت ارد عليك لكن المنتدى قفل عضويتي مدري ليش ؟ والحمد لله الحين رجعها لي المهم انت شاعر وصدقت في كل كلمة قلتها تقبل تحياتي المعطره لك يالغالي وتصدق يالغالي كل ما ادخل في هالصفحة لازم اقرأ كلامك هذا قبل لا اشوف الردود الثانية يعني في اليوم اقراها اكثر من مرة |
رد : شاعر مبتدىء واحتاج مساعدتكم يكبار الشعر 0 0
إقتباس:
ان شاء الله ويوفق الجميع وبالذات الدحيمي وشكرا على مرورك يا الشيهانة |
رد : شاعر مبتدىء واحتاج مساعدتكم يكبار الشعر 0 0
إقتباس:
ما شاء الله ابداع حتى في الشرح بسم الله عليك من كل عين وشر يالغالي باكتب الابيات واحطها ان شاء الله لي عودة |
رد : شاعر مبتدىء واحتاج مساعدتكم يكبار الشعر 0 0
إقتباس:
وانا معك اوجه اكبر شكر له ياخوي |
رد : شاعر مبتدىء واحتاج مساعدتكم يكبار الشعر 0 0
إقتباس:
صدقت لكن ياخوي انا باسئلك سؤال كيف اعرف ان الموهبه فيني والا ماهي فيني ؟ |
رد : شاعر مبتدىء واحتاج مساعدتكم يكبار الشعر 0 0
إقتباس:
أتمنى افيدك بالفعل في هالمجال شوف يالغالي اي شخص يقدر يتعرف على موهبته من خلال ميوله لشيء بعينه يشعر بأن هالشيء جزء منه ويجد نفسه يبحث كيف يستطيع يطوره كذلك يجد إن عنده قابلية وسرعة في تعلم كل جديد في موهبته مثل اللي انت جالس تسويه الحين تبي تتعلم وتطور نفسك طبعا تقدر تحكم على نفسك بعد مدة اذا عندك قابلية وسرعة في التعلم فهذا يدل إنك موهوب وإذا وجدت نفسك مكانك راوح فهذا دليل إنك سلكت الطريق الخطأ وزي ماقال استاذنا الكبير أبو بدر حاليا ركز على لحن واحد حتى تتقنه بعدها بيتضح لك كل شيء موفق يالغالي |
رد : شاعر مبتدىء واحتاج مساعدتكم يكبار الشعر 0 0
إقتباس:
بيض الله وجهك على الشرح والله يكتب لنا اللي فيه الخير ان شاء الله |
رد : شاعر مبتدىء واحتاج مساعدتكم يكبار الشعر 0 0
والله ياخوي محمد الدحيمي انا حاولت اوزنها وواجهت صعوبه لان الكلمات قليلة وانا ما اسمع لمحمد عبده الا نادرا والغنية اللي اعطيتني اياها اول مرة اسمعها يعجبني خالد عبدالرحمن وحتى خالد ما اسمع له لكن يعجبني يعني تقدر تقول اني قليل في سماعي للاغاني لكن حاولت وان شاء الله اني اكون قد نجحت
ناس تحسب العيشه بخداع ..=.. ونسوا ان الحساب في ليله والله وضعنا صعب بلا متاع ..=.. للآخرة ونفوسنا ذليله وسلامتكم اتمنى النصائح من دون اي مجاملة |
رد : شاعر مبتدىء واحتاج مساعدتكم يكبار الشعر 0 0
خذ من اغاني خالد عبدالرحمن لحن اغنية سهله تحفظه واوزن عليه مثل رعش قلبي - تذكار - في غربتي اي لحن سهل وابدأ اوزن عليه بنفس الطريقة السابقه موفق يا امير:thumb: |
رد : شاعر مبتدىء واحتاج مساعدتكم يكبار الشعر 0 0
اوك
لكن ما قلتلي كيف شفت المحاوله السابقه يالغالي ابوبدر |
رد : شاعر مبتدىء واحتاج مساعدتكم يكبار الشعر 0 0
لا ماهيب موزونه :) بس فيها شعر ولا تخلي هالشيء يحبطك استمر فقط وبإنتظار القادم |
رد : شاعر مبتدىء واحتاج مساعدتكم يكبار الشعر 0 0
السلام عليكم اعود اليكم طبعا انا ما اكتب ابيات كثيرة حتى اتيح لمن يود مساعدتي الله يجزاه خير يساعد وطبعا وزنتها على اغنية خالد عبدالرحمن شمر ولكن غيرت القافيه اترككم مع الابيات :-
يا صاح لا جاك شخص وقد سبني ..=.. اعرف انه ناقص والكامل رب العباد البعض يحسب انه بالهجر يتعبني ..=.. مسكين ما درى انه يزيد الحلا بعناد اتمنى من شعرائنا الكبار ايضاح الاخطاء وبدون اي مجاملة وشعاري ((تقبل النقد البناء حتى ولو كان جارح)) لانه في النهاية بيخدمني تحياتي لكـــ:thumb:ـــم جميعا |
رد : شاعر مبتدىء واحتاج مساعدتكم يكبار الشعر 0 0
ازين من المره اللي قبل :thumb: بس يبي لها شوي حاول مره ثانيه على اغنية ثانيه |
رد : شاعر مبتدىء واحتاج مساعدتكم يكبار الشعر 0 0
ابشر يابوبدر لكن انت ما بينتلي ردة فعلك على الابيات على الفكرة جميله والا نص نص تحس فيه شاعر قادم والا باقي مخفي من هذي الاراء يالغالي وهذي ابيات ثانيه على لحن البارحه يوم الخلايق نياما اللي هي على البحر المسحوب ولكن ايضا غيرت القافيه اترككم معها :-
الجروح الدفينه خلوها دفينه ..=.. والجروح البارزه عجلوا بعلاجها من يعالج الجرح بجروح قرينه ..=.. بتبطي عليه ويشتاق لانفراجها وسلامتكم |
رد : شاعر مبتدىء واحتاج مساعدتكم يكبار الشعر 0 0
الفكره حلوه وفيه تقدم من ناحية الوزن يا امير بس يبي لك تحاول اكثر حتى المحاوله الأخيره فكرتها حلوه بس ماهيب موزونه وفيه تقدم بالوزن |
رد : شاعر مبتدىء واحتاج مساعدتكم يكبار الشعر 0 0
السلام عليكم اعود اليكم بابيات هي نفسها حياتي يعني ابيات ذاتيه لاني امر فيها والقصة : اني امس طفشت طفش لان ما معي خوي افرفش معه وكذا والمهم اشتكيت لواحد توني تعرفت عليه وزعلت على نفسي لاني صرت اشتكي لاي واحد اقابله فاتمنى ان تنال اعجابكم اترككم معها :-
من زود همومي قمت اتشكى للناس ..=.. واشكي لناس لا اعرفها ولا تعرفني ناس قابلتني بالصدفه في المدراس ..=.. يعني حبر على ورق وتصفطني انا وحيد في عالم مليان باجناس ..=.. ما معي صديق يجمع لي روحيني ما عاد معي الا شيطان من بين الناس ..=.. يلازمني ويبدأ بالوسواس فيني يشوش فكري لجل يحذف ذكرى ناس ..=.. تفاجىء وهو شيطان بان مالي من عزني شيطاني اللي دوم يوسوس لي صار ألماس ..=.. لأن البشر باعتني وهو دوم يذكرني وسلامتكم . , , اميــر الليــل , , . |
رد : شاعر مبتدىء واحتاج مساعدتكم يكبار الشعر 0 0
؟؟
؟ ؟؟ ؟ |
رد : شاعر مبتدىء واحتاج مساعدتكم يكبار الشعر 0 0
مكسره يا اميره كلها :) ارجع وحاول تركب كلماتك على لحن واستشير بعد الشعراء القريبين منك قبل لاتنشر اهم شي اتعب شوي عالقصيده عشان تريحك في كتابتها فيما بعد:) |
رد : شاعر مبتدىء واحتاج مساعدتكم يكبار الشعر 0 0
هذي بيتين كتبتها :-
اتمنى انكم تبدون ارائكم فيها
ياللي همومك تساقط مثل الامطار ..=.. علامك تسوق السيل في المنحدر ياخوك ترى المطر يوقف مهما صار ..=.. لو الدنيا تنقلب على راس الجدر وسلامتكم |
رد : شاعر مبتدىء واحتاج مساعدتكم يكبار الشعر 0 0
راقب البحر لا اقبل بمده وجزره ..=.. بتعرف اني بالعطا ماني شحيح لكن الدمع بعيني ما عادني بقده ..=.. صارت خدودي من الدمع تشريح |
رد : شاعر مبتدىء واحتاج مساعدتكم يكبار الشعر 0 0
ما دريت ان الهجر يسوي هذا كله ..=.. يشتعل فالصدر ولا تدري بوجهاته يفرق بين الخل ولا تدري وين خله ..=.. اكتشفت الزمن خله المبطي مماته يالهجر اصبر ماني بسهل لتستغله ..=.. وماني بسهل لجل تحطم حب حياته |
رد : شاعر مبتدىء واحتاج مساعدتكم يكبار الشعر 0 0
انا الوحيد في دنيا العشق وانا الولهان ..=.. ابي من يعشقني واعشقه من داخليه ابيه ان كان شاك فيني ينشد النبهان ..=.. ابيه يوعدني بالمواعيد الوثائقيه ابي العشق ينتشر مثل انتشار الالحان ..=.. بين الناس وكل(ن) يدور لحن مو ليه |
رد : شاعر مبتدىء واحتاج مساعدتكم يكبار الشعر 0 0
انا فيني من الشوق مثل شوق الخيل لخيالها ..=.. وفيني من الشوق مثل شوق الرصاص للبندق
|
رد : شاعر مبتدىء واحتاج مساعدتكم يكبار الشعر 0 0
احتضر الهجر ومن مثلي يحتضر الهجران ..=.. دام الموت له احتضار فهجرك احتضاري اتعب لجلك ولا القى منك غير النكران ..=.. تتعب القلب المسكين اللي لف الحواري لجل يفوز بنظره منك تروي له العطشان ..=.. لكن حسافه هالتعب راح فالبراري |
رد : شاعر مبتدىء واحتاج مساعدتكم يكبار الشعر 0 0
؟؟
؟ ؟؟ ؟ |
رد : شاعر مبتدىء واحتاج مساعدتكم يكبار الشعر 0 0
؟؟
؟ ؟؟ ؟ ؟؟ ؟ |
رد : شاعر مبتدىء واحتاج مساعدتكم يكبار الشعر 0 0
ما فيه احد
وين ردودكم يا كبار الشعر .. ؟ |
رد : شاعر مبتدىء واحتاج مساعدتكم يكبار الشعر 0 0
هلا يا امير ..
انا ماني من كبار الشعراء بس اذا تسمح لي عندي اضافه .. الملاحظ انّك تكتب على اكثر من طريقة ولحن وهنا حصل عندك التشتيت .. الفكرة خلها في حالها شوي .. المهم تتأكّد انك تضبط الوزن .. انا من الناس اللي كتبت هنا واخلّيت بوزن شطر بسيط وما ارحموني الجماعة :) عادي يالغالي حاول اكثر واكثر .. مو كل شي تكتبته يعجب الآخرين .. ممكن تكون انت مقتنع فيه .. وهذه الاخيره تنطبق على الشعراء عامّة لأن اللي يفكّر في آراء الناس فقط ما راح يقنع نفسه .. على العموم اضافتي في الموضوع انك تبدأ على وزن المسحوب .. مثلا الشطر اللي اخترته ( البارحة يوم الخلايق نياما ) لازم تعرف ان البيت يُقرأ - بطريقته العروضية - بشكل مغاير عن كتابته الاملائية مثلاّ: البارحة يوم الخلايق نياما يُقرأ: البارحه يوملخلا يقنياما التفعيلة: مستفعلن مستفعلن فاعلاتن البارحه = مستفعلن يوملخلا = مستفعلن يقنياما = فاعلاتن بمعنى : ان في حروف راح تلغي ما بعدها في حالة السكون مثلاً ما ودّي اصعّب الموضوع عليك .. لكن اذا انت حافظ لحن البارحة يوم الخلايق نياما حاول انك تكتب على نفس اللحن بيت او بيتين وبعدين راح ينظر لها انا او غيري من الاخوان وعليه راح يتم الحكم ارجو انك تلحّن بشكل متقن قبل وضع البيتين حتّى تسهّل على الآخرين بالرد لك تحياتي على رحابة صدرك |
رد : شاعر مبتدىء واحتاج مساعدتكم يكبار الشعر 0 0
بيض الله وجهك يا علي
كفيت ووفيت , وصدقت في كل كلمة قلتها لازم اكثر من الكتابه اكثر واكثر وبعدها نشوف ايش المطلوب بيض الله وجهك يالغالي |
رد : شاعر مبتدىء واحتاج مساعدتكم يكبار الشعر 0 0
امير الليل
الله يوفقك يا اخووي الشاعر الكبير محمد الدحيمي جامعه شعرية ما قصر انا انصحك .. تحدد بحر واحد في بدايتك.. الاسهل هو بحر اغنية محمد عبده (( يالله لا تقطع رجاء كل مشتاق)) وبعدها ضع الفكره ونسق الموضوع اللي ببالك تحياااتي |
رد : شاعر مبتدىء واحتاج مساعدتكم يكبار الشعر 0 0
بيض الله وجهك يالغالي
انا راح اشوف اللحن واكتب وانت احكم يالغالي بيض الله وجيهكم جميع |
رد : شاعر مبتدىء واحتاج مساعدتكم يكبار الشعر 0 0
السلام عليكم
اليوم عدت اليكم من بعد انقطاعي عنكم بفترة طويلة ولكن لظرووووف الدراسة اللي حصلت لي وانا اليوم عدت وان شاء الله اني تطورت كثير عن اول , لان الابيات هذي فعلا متعوب عليها ولكن قبل ان اضع الابيات احب ان اتوجه بالشكر الى الشاعر الكبير : محمد الدحيمي الذي ساندني كثيرا وان شاء الله اني اردها لك يابوبدر ولجميع الشعراء اللي ساعدوني ما اطول عليكم اترككم مع الابيات :-
يازين طيفك مرّ بي وتحدّاك=تجيني زيّ ماجاني فالوساده مادرى اني أمد لشوفك أسّلاك=أحلامي لجل أتشرف به زياده بالله قلي كيف ابأوصف حلاياك=ونار حبي وشوقي لك دوم شاده تعبت ما أتحمل .. آآه ما أحلى شفاك=اللي فيها الجمر بنار وقاده وشلون سبحانه جمع بك حلياك=مدري ؟؟ لكن غدى حبك لي مرشاده تراك ما تدري عن قلبي وغلاك=اللي تربع وسط قلبي ياحاده السالفه ما يهنى عيشي بلياك=عساك بس تحبّني بدون مشاده وسلامتكم عساني بس ادقنت الوزن انتظر أرائكم بالنقد البناء |
رد : شاعر مبتدىء واحتاج مساعدتكم يكبار الشعر 0 0
إقتباس:
حياك الله ياامير الليل رغم اني ماني من كبار الشعراء الا انه طال عمرك عندي تعليق على ماطرحت امير الليل القصيده قبل ماتصير كلمات ووزن هي فكره ومشاعر ووصور شعريه متناسقه يازين طيفك مرّ بي وتحدّاك=تجيني زيّ ماجاني فالوساده مثل هالمطلع كيف طيفه مرك وتتحداه يجيك مثل ماجاك في الوساده يعني هنا صورة النوم ماتوفقت باايصالها للمتلقي واتحداك مالها موجب على مايقولون لان التحدي ماله مبرر بهاالموقف ممكن تقول اتحراك او يازين ملفاك والصدر وزن مقبول وطبعا تضيف الف في اتحداك لكن العجز مكسور شانه شان باقي ابيات القصيده وبالنسبه ياامير تجنب العسف في القوافي وا انك تختار قافيه ماتتناسب مع سياق البيت مثل النار شاده لانه قد سمعت احد يوصف النار ويقول نار شاده او حبك مرشاده تحبني بدون مشاده والله يعطيك العافيه وانا اقترح عليك دام عندك رغبه في الكتابه انك بالفتره الحاليه تركز اكثر على القراءه للقصايد اكثر وخصوصا للشعراء الكبار وان شاء الله نشوف ابداعك :) |
رد : شاعر مبتدىء واحتاج مساعدتكم يكبار الشعر 0 0
إقتباس:
حياااااااااااااااااك الله يالغالي اول شيء انا اشكرك على ردك علي وثاني شيء يالغالي كل شاعر وله معنى في القصيدة ممكن المتلقي يفهمها بمعنى آخر وكلها بيد المتلقي لكن الشاعر هو من كتب وله مقصد منها انا ما ابغى اتفلسف وانا باقي (شويعر) لكن في البيت هذا يازين طيفك مرّ بي وتحدّاك=تجيني زيّ ماجاني فالوساده انا اقصد ان طيفه مرني وطيفه هو يتحداه يجيني مثل ماجاني طيفه وانا في النوم حلو وبالنسبة للنار شاده كان قصدي ان لهيبها وقوتها هائجة وان حبه صار لي مرشاده انه صار حبه يدلني عليه علطووووووووووول وانا والله اشكرك يالغالي على ردك لي وتوضيحك لبعض النقاط المهمه وبالنسبة للفكرة كثير قالوا لي ركز ع الوزن واتقنه الحين وبعدين ابدا في الفكرة فوالله احترت , لكن والله كثير قالوا لي اقرأ واقرأ واقرأ ثم بعدين اكتب تحياتي لك يالغالي أنورت متصفحي |
| الوقت المعتمد في المنتدى بتوقيت جرينتش +4.
الوقت الان » 17:44. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع