|
رد : شاعر مبتدىء واحتاج مساعدتكم يكبار الشعر 0 0
؟؟
؟ ؟؟ ؟ |
رد : شاعر مبتدىء واحتاج مساعدتكم يكبار الشعر 0 0
؟؟
؟ ؟؟ ؟ ؟؟ ؟ |
رد : شاعر مبتدىء واحتاج مساعدتكم يكبار الشعر 0 0
ما فيه احد
وين ردودكم يا كبار الشعر .. ؟ |
رد : شاعر مبتدىء واحتاج مساعدتكم يكبار الشعر 0 0
هلا يا امير ..
انا ماني من كبار الشعراء بس اذا تسمح لي عندي اضافه .. الملاحظ انّك تكتب على اكثر من طريقة ولحن وهنا حصل عندك التشتيت .. الفكرة خلها في حالها شوي .. المهم تتأكّد انك تضبط الوزن .. انا من الناس اللي كتبت هنا واخلّيت بوزن شطر بسيط وما ارحموني الجماعة :) عادي يالغالي حاول اكثر واكثر .. مو كل شي تكتبته يعجب الآخرين .. ممكن تكون انت مقتنع فيه .. وهذه الاخيره تنطبق على الشعراء عامّة لأن اللي يفكّر في آراء الناس فقط ما راح يقنع نفسه .. على العموم اضافتي في الموضوع انك تبدأ على وزن المسحوب .. مثلا الشطر اللي اخترته ( البارحة يوم الخلايق نياما ) لازم تعرف ان البيت يُقرأ - بطريقته العروضية - بشكل مغاير عن كتابته الاملائية مثلاّ: البارحة يوم الخلايق نياما يُقرأ: البارحه يوملخلا يقنياما التفعيلة: مستفعلن مستفعلن فاعلاتن البارحه = مستفعلن يوملخلا = مستفعلن يقنياما = فاعلاتن بمعنى : ان في حروف راح تلغي ما بعدها في حالة السكون مثلاً ما ودّي اصعّب الموضوع عليك .. لكن اذا انت حافظ لحن البارحة يوم الخلايق نياما حاول انك تكتب على نفس اللحن بيت او بيتين وبعدين راح ينظر لها انا او غيري من الاخوان وعليه راح يتم الحكم ارجو انك تلحّن بشكل متقن قبل وضع البيتين حتّى تسهّل على الآخرين بالرد لك تحياتي على رحابة صدرك |
رد : شاعر مبتدىء واحتاج مساعدتكم يكبار الشعر 0 0
بيض الله وجهك يا علي
كفيت ووفيت , وصدقت في كل كلمة قلتها لازم اكثر من الكتابه اكثر واكثر وبعدها نشوف ايش المطلوب بيض الله وجهك يالغالي |
رد : شاعر مبتدىء واحتاج مساعدتكم يكبار الشعر 0 0
امير الليل
الله يوفقك يا اخووي الشاعر الكبير محمد الدحيمي جامعه شعرية ما قصر انا انصحك .. تحدد بحر واحد في بدايتك.. الاسهل هو بحر اغنية محمد عبده (( يالله لا تقطع رجاء كل مشتاق)) وبعدها ضع الفكره ونسق الموضوع اللي ببالك تحياااتي |
رد : شاعر مبتدىء واحتاج مساعدتكم يكبار الشعر 0 0
بيض الله وجهك يالغالي
انا راح اشوف اللحن واكتب وانت احكم يالغالي بيض الله وجيهكم جميع |
رد : شاعر مبتدىء واحتاج مساعدتكم يكبار الشعر 0 0
السلام عليكم
اليوم عدت اليكم من بعد انقطاعي عنكم بفترة طويلة ولكن لظرووووف الدراسة اللي حصلت لي وانا اليوم عدت وان شاء الله اني تطورت كثير عن اول , لان الابيات هذي فعلا متعوب عليها ولكن قبل ان اضع الابيات احب ان اتوجه بالشكر الى الشاعر الكبير : محمد الدحيمي الذي ساندني كثيرا وان شاء الله اني اردها لك يابوبدر ولجميع الشعراء اللي ساعدوني ما اطول عليكم اترككم مع الابيات :-
يازين طيفك مرّ بي وتحدّاك=تجيني زيّ ماجاني فالوساده مادرى اني أمد لشوفك أسّلاك=أحلامي لجل أتشرف به زياده بالله قلي كيف ابأوصف حلاياك=ونار حبي وشوقي لك دوم شاده تعبت ما أتحمل .. آآه ما أحلى شفاك=اللي فيها الجمر بنار وقاده وشلون سبحانه جمع بك حلياك=مدري ؟؟ لكن غدى حبك لي مرشاده تراك ما تدري عن قلبي وغلاك=اللي تربع وسط قلبي ياحاده السالفه ما يهنى عيشي بلياك=عساك بس تحبّني بدون مشاده وسلامتكم عساني بس ادقنت الوزن انتظر أرائكم بالنقد البناء |
رد : شاعر مبتدىء واحتاج مساعدتكم يكبار الشعر 0 0
إقتباس:
حياك الله ياامير الليل رغم اني ماني من كبار الشعراء الا انه طال عمرك عندي تعليق على ماطرحت امير الليل القصيده قبل ماتصير كلمات ووزن هي فكره ومشاعر ووصور شعريه متناسقه يازين طيفك مرّ بي وتحدّاك=تجيني زيّ ماجاني فالوساده مثل هالمطلع كيف طيفه مرك وتتحداه يجيك مثل ماجاك في الوساده يعني هنا صورة النوم ماتوفقت باايصالها للمتلقي واتحداك مالها موجب على مايقولون لان التحدي ماله مبرر بهاالموقف ممكن تقول اتحراك او يازين ملفاك والصدر وزن مقبول وطبعا تضيف الف في اتحداك لكن العجز مكسور شانه شان باقي ابيات القصيده وبالنسبه ياامير تجنب العسف في القوافي وا انك تختار قافيه ماتتناسب مع سياق البيت مثل النار شاده لانه قد سمعت احد يوصف النار ويقول نار شاده او حبك مرشاده تحبني بدون مشاده والله يعطيك العافيه وانا اقترح عليك دام عندك رغبه في الكتابه انك بالفتره الحاليه تركز اكثر على القراءه للقصايد اكثر وخصوصا للشعراء الكبار وان شاء الله نشوف ابداعك :) |
رد : شاعر مبتدىء واحتاج مساعدتكم يكبار الشعر 0 0
إقتباس:
حياااااااااااااااااك الله يالغالي اول شيء انا اشكرك على ردك علي وثاني شيء يالغالي كل شاعر وله معنى في القصيدة ممكن المتلقي يفهمها بمعنى آخر وكلها بيد المتلقي لكن الشاعر هو من كتب وله مقصد منها انا ما ابغى اتفلسف وانا باقي (شويعر) لكن في البيت هذا يازين طيفك مرّ بي وتحدّاك=تجيني زيّ ماجاني فالوساده انا اقصد ان طيفه مرني وطيفه هو يتحداه يجيني مثل ماجاني طيفه وانا في النوم حلو وبالنسبة للنار شاده كان قصدي ان لهيبها وقوتها هائجة وان حبه صار لي مرشاده انه صار حبه يدلني عليه علطووووووووووول وانا والله اشكرك يالغالي على ردك لي وتوضيحك لبعض النقاط المهمه وبالنسبة للفكرة كثير قالوا لي ركز ع الوزن واتقنه الحين وبعدين ابدا في الفكرة فوالله احترت , لكن والله كثير قالوا لي اقرأ واقرأ واقرأ ثم بعدين اكتب تحياتي لك يالغالي أنورت متصفحي |
رد : شاعر مبتدىء واحتاج مساعدتكم يكبار الشعر 0 0
السلام عليكم
هذي مشاركة جديدة وان شاء الله انها موزونه واترك الرأي لكم يالشعراء
خذ كل شي بس خلني اليوم ارتاح=حتى صورتك من قلبي خذها مني لا تنشد قلبي عن هم(ن) .. فلك صاح=ياصاحبي مابي غير تهجرّني الخطا جا .. وعن طريقك بأنزاح=وياخلي ماريد منك تكلمّني يكفي صبر عالحزن .. ولا لأفراح=فاقدها من يوم بديت تعذبني ياخلي روح خذ الخبر من الفلاح=اللي زرع وماحصد غير تعّني اتعنى لك لجل تذوق طعم الراح=وانت جازيتني بانك تخمّني ماتمنيت عنك ابعد في المراح=وكنت اتمنى في يوم انك تضمني لكن ماحصلي منك قلبي به صاح=كلها ولا ذّل روحي .. فاهجرني خذ كل شي بس خلني اليوم ارتاح=حتى صورتك من قلبي خذها مني وسلامتكم |
رد : شاعر مبتدىء واحتاج مساعدتكم يكبار الشعر 0 0
وهذه مشاركة جديدة كتبتها البارح اتمنى انها مضبوطة
الهم ليّه صار مثل اللحافي=ادفى به كل ماضو الهجر لي برق آآه يازين صحة شخص متّعافي=ولا ذاق(ي) طعم شيء(ن) اسمه ارق وسلامتكم |
رد : شاعر مبتدىء واحتاج مساعدتكم يكبار الشعر 0 0
السلام عليكم هذي مشاركة جديدة واتمنى ان تنال اعجابكم ا
اول كنت أفكر اني اعز همومك=اثري انا عندك مثل أي انسان آه ما توقعت منك (إ)هجومك=اللي تومي به انت على الجبان صحيح انا جبان قدام (إ)عيونك=الساحرة اللي تضيعني بدان لكن غرك حلاك وكثرة (إ)مزونك=وعلينا صرت تستكبر يالحنان لكن احذر تراني قدام عيونك=اعترفلك انه ما همني الجنان شفني ترى هجرت كلّك بغيومك=اللي هي ابيض ما فيك يافلان كنت اتحسر ع زمن مرّ بدونك=واليوم كلي انتفض مع الكيان آه لو تدري المحبه .. ويش علومك ؟؟=لا يظلم العالم ويصير أحزان وسلامتكم أتمنى ان تنال على ذائقتكم |
رد : شاعر مبتدىء واحتاج مساعدتكم يكبار الشعر 0 0
السلام عليكم ورحمة الله وبركاتة يا اخوان انا قريت كلام امير الليل وانا بنفس الوضع ودي اكتب واوزن قصيدي وفي قصيدة كتبتها هنا بالموقع في قسم منهل الشعر لكن ودي من اخوانا الشعار لو يعطونا تقييمهم للمبتدئين ويعلمونا وين اخطائنا لجل ما نطيح بذا الخطأ مرة ثانية .. اخوي امير الليل اتمنى اني اشوفك شاعر بيوم من الايام وباقي الاخوان و الاخوات المبتدئين .. تحياتي لكم .. |
رد : شاعر مبتدىء واحتاج مساعدتكم يكبار الشعر 0 0
اقرأ ياعبيد هذا الموضوع من اوله وتعقيب الشعراء والمشرفين وطريقة وزن القصائد للإستفاده وان شاء الله تتغلب على هذه المشكلة
واهلاً بك |
| الوقت المعتمد في المنتدى بتوقيت جرينتش +4.
الوقت الان » 03:47. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع