دورولي محسن بن سبعان
طاروق الله لايهينك يامحسن:)
ياسلام الله سلاِمِِ مثل هل السحاب = والعلوم الطيبه باديِ مشوارها هيه يامحسن ليا جاك قولي لاتغاب = مد يمناك الطويله وكف يسارها |
تسبق البرقه تراحيب للظميا شراب=للمشاكيل الدواهي أهَلْها وْ دارها الزم الفنجال ودْرِج عِلومك والجواب=ماتعدّى شايبٍ داهلٍ فاعبارها |
رد : دورولي محسن بن سبعان
اصلح اصلح
خلووووووووها
شفتلك جره وعوت فتشت الزهاب = أثرك اللي سابقه مايشاف غبارها لا يورالك بنفسك وتاكلك الذياب = مس بدلتك الجديده وزر زرارها |
خوصها مخضر ومرصوصةٍ فيها الجعاب=باسقة قدّ و طواريفها..أسرارها ضاق من في ظلّها قيّل و لحقه عذاب=سوسها حيٍّ تساعى بجوف اصغارها |
رد : دورولي محسن بن سبعان
لد عينك يمي الله يعطيك الذهاب = نخلةِ من سوسها يابسِ جمّارها مس رجلك لا تقيل لبا شفت الخراب = الديار وساع دور على تجارها |
من يودّ العـَدّ لزْمِ يتوثـّل فالحساب=زلـّته عظمى ومثله يشبشب نارها يدفي الملفوح عود السمر خلّ الغـِلاب=انصد اللبق المشهّر لكثْر اشوارها |
رد : دورولي محسن بن سبعان
بارك الله فيك غادي وتطردلك سراب = لاتجي للملعبه ونت تجهل كارها أرفعك يم السماء ونت تنزل لتراب = طحت في دوارتً ماظهردوّارها |
من ترف هلّك رحلنا لوديان الشعاب=نرقب المبطي علينا بِبِيْض اخبارها انهدم بيتك وجارك توزّى فالهضاب=ناحت الهامة على بْلادكم وشنارها |
رد : دورولي محسن بن سبعان
الله لا يهينك يا محسن
والى القاء في المرات المقبله تقبل تحياتي |
أتمنّى لك التوفيق في كل شان يا أبو سعود !
إخيك . |
الوقت المعتمد في المنتدى بتوقيت جرينتش +4.
الوقت الان » 22:10. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع