|
من قرصه الداب خاف من الحبل ..!!
بما إن أبو مقبل كتب تفعيلته الشهيرة في سوق العلف ..
فأنا لي تجربة ببعض الربع المضاربين في سوق الأسهم .. بعد خسايرهم اتجهوا لسوق العوااااارض ههههههههههههه (العوارض ــ لغير أهل الحلال ) نووووع من الماااعز والتيوس الشهيرة .. تبااااع بعشرات الآلاف .. لخصت تجربتهم ( الله يعافيهم ولا يبلانا ) .. آآمين
سوق الاسهم طاح واعطاناااا دروس = وين من يفهم ويحسبها قبل ياااحسافة حسّن العالم بـ موس = لين راحوا بين مجلوط .. وخبل صابهم .. ما صاب أهل حرب البسوس = الخساير صارت أثقل من جبل وأنت ياللي بعت بـ تراب الفلوس = وش سواتك كان ضاقنّ السبل أمش في سوق العوارض لا تحوس = مكسب المعزا هبل غيرك هبل وانشد اللي باع في سوق التيوس = يوم حصّل مكسبه دبل دبل بس حاذر لا تدوس السوق دوس = من قرصه الداب خاف من الحبل |
رد : من قرصه الداب خاف من الحبل ..!!
أمش في سوق العوارض لا تحـوس مكسـب المعـزا هبـل غيـرك هبـل وانشد اللي باع في سـوق التيـوس يـوم حصّـل مكسبـه دبـل دبــل هههههههههه ابو سلطان والله هذا شكله واحدٍ أعرفه :) لكن الموت الموت لا فطّست المعزا وصار بس يجر ويرمي بين هــ الطعوس والسالفة كلها من نصايحك لازم تغرم |
رد : من قرصه الداب خاف من الحبل ..!!
بس حاذر لا تدوس السوق دوس = من قرصه الداب خاف من الحبل قلته من اول الختْمه ختْمة معلم شعر رااااائع يافهد رااااائع |
رد : من قرصه الداب خاف من الحبل ..!!
بـس حـاذر لا تـدوس السـوق دوسمن قرصه الداب خاف من الحبـل
صح لسانك شاعرنا المتالق فهد الاحمد وطقتين في الراس توجع :d |
رد : من قرصه الداب خاف من الحبل ..!!
سـوق الاسـهـم طــاح واعطـانـاااا دروس صح لسااااانك يافهد ويــــــن مــــــن يــفــهـــم ويـحـسـبــهــا قـــبــــل وهنا دروس أيضا بس من يعتبر |
| الوقت المعتمد في المنتدى بتوقيت جرينتش +4.
الوقت الان » 00:08. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع