شعبيات - عندي كلامٍ بوسط القلب ابقوله...........

شعبيات (http://www.sh3byat.com/vb//index.php)

- شخصيات (http://www.sh3byat.com/vb//forumdisplay.php?f=19)

- - عندي كلامٍ بوسط القلب ابقوله........... (http://www.sh3byat.com/vb//showthread.php?t=8664)

عندي كلامٍ بوسط القلب ابقوله...........

مرتادي منتدى شعبيات الكرام .. هذه قصيدة مختارة.. ولكن عجز قلمي عن نظم الكلمات لمقدمة هذا الموضوع .. فقوة القصيدة تعتبر مقدمتها ونهايتها .. ولمل فيها من بلاغة في التعبير ووصف متقن لحال ليس بعض بل أغلب مجتمعنا ومايسوده من مشاكل وأسبابها....
أتمنى أن يكون الاختيار موفق ويحقق الغايه المنشوده!!!!!!

بسم المنتدى وأعضائه هلا فيكم
ومديره وليلة غروب تحييكم
من خيمة ترسل الطيب لأذانيكم
واهل الوفا نارهم بالطيب مشبوبه
عندي كلام بوسط القلب بقوله
أشياء كثيره ولكن غير معقوله
أشياء تطيح قوي العزم من طوله
واهل الوفا نارهم بالطيب مشبوبه
ياناس كيف الحسد شب الفتن فيكم
إليا حسدتوا بعض يفرح معاديكم
يوّلع النار فيكم مايطفيكم
واهل الوفا نارهم بالطيب مشبوبه
حتى الأخو في زمنّا يحسد اخوانه
ماهمه الا حريمـــــــاته وعيـــــاله
وعلاقته مع عيال ابوه خربانه
واهل الوفا نارهم بالطيب مشبوبه
حتى الرفاقه تغير حيل رفقتهم
اللي من اول يجمعهم محبتهم
ان شفتهم قلت ياالله وش مصيبتهم
واهل الوفا نارهم بالطيب مشبوبه
مافرق الناس غير القيل والقالي
اهل النمايم عساهم مالهم تالي
اللي ينمون في قفايه وفي قبالي
واهل الوفا نارهم بالطيب مشبوبه
تلقى رسالة نفاقه وسط جواله
شيطان مايترك المستور في حاله
دايم على الشر تلقى هذي احواله
واهل الوفا نارهم بالطيب مشبوبه
مير أنصح رجال الوفاء حمالة القاله
اللي لثقل الحمل بالعزم شيّاله
لايقبلون المنافق هو وأشكاله
واهل الوفا نارهم بالطيب مشبوبه..

رد : عندي كلامٍ بوسط القلب ابقوله...........

وأهل الوفا نارهم بالطيب مشبوبه..

ياسلام عليك ياغروب

صح الله لسانك

ابيات تعانق سماء الابداع

لاهنتي

تقبلي سلامي

الخويطري

رد : عندي كلامٍ بوسط القلب ابقوله...........

صح لسانك ولاهنتي ياليلة غروب

قصيدة وافيه من وافية

جعل يدوملش محبتك للخيمة ومنتدى شعبيات

ولاهنتي وتسلم يمناش

ولاعدمناك

تقبل سلاااااامي

رد : عندي كلامٍ بوسط القلب ابقوله...........

غروب ..

وين غربتي .. وين الكلام الزين اللي زي هذا .. تسلمين

مع التحيه
دم الغدددددددددددددددددر

رد : عندي كلامٍ بوسط القلب ابقوله...........

يعطيكم العافية..

وشاكره مروركم الكريم ..

اخوي دم الغدر ... انا ماغربت .. تقدر تقول جاني كسوف او خسوف اللي هو المهم والآن عدت اليكم من جديد ..

الله لايهينكم ...