اليوم هذا كان ميلاد حبك = هذاك يوم(ن} فز قلبي وجالك

ابنشدك وابنشد اليوم قلبك = إن كنت تذكر مرتعي في ظلالك

حسبك حبيب القلب لانسيت حسبك = يكفيني فرحي يوم تبدي وصالك

معذور لو تبعد وتحرمني قربك = مادام أنا في وسط قلبك وبالك

ياصاحبي قلبي تهاوى في جبك = ياجامع(ن)كل المزايا لحالك

احب فيك الصدق واحب كذبك = يامعرب(ن)من صوب عمك وخالك

لاتلومني في حب مثلك بربك = مجبور قلبي لاتمنى منالك

ودي اعيش العمر كله بجنبك = كل الجوارح ماتخير بدالك

وترا الحيا في ضامري جود صبك = وكل البها لاشاف زولك جرى لك

ماريد درب(ن) غير خطك ودربك = حياتي كلها ياحياتي حلالك

ليت الموده ياحبيبي تهبك = واللي مضى لي يجلب اللي مضى لك