.

ثرثرة صباحية !













صوتٍ دوى بروحي و ... طن ْ !
" دوّر لـ تحنانك "
وطن !!


.
.


من منطلق حرصي على توحيد صف العاشقين ..!
....... وايضا ً نزولا ً عند رغبة ( من نواني ) بـ إنكسار ..!

جمعّت كل اللي بقالي ... من يسار ومن يمين !
....... وايقنت بان البؤس حولي من يمين ومن يسار !

يمديك تتهجّا جروحي من ( ألف .. باء ) اليقين !
....... ويمديك ترسم من ملامح وحدتي .. ضحكة نهار !

الدمعة لاطاحت أبد ماهو دليل ... إني حزين !!
....... مثل السحابة لاهمت ... ماهي دليل ../ الإنحدار !!

العمر مسباح التعب .. في راحتينك يالسنين !!
....... نركص ويلحقنا الأسى !.. ياشين طعمك يالفرار !!

والوقت لامنه عطى يعطي من الهم السمين !!
....... وجايز إليا منّه خذا ياخذ ... شموخ الإنكسار !!






حلم !




(حلم يانع .. واستدار ..) المترف الغدار مجبول العواطف ( كلها غيظ ) ! ويبي يحرث بياض الثلج والوان النهار ( اللي تركنا ) في غياهب وحشة الظلما نسير وماعلى هاك الجروح اللي تنامت لو نبشها مجرم الأشواق وانحاز لضمير ٍ ماعرف طعم اشتياقي من بدايات ( انتهت ) كنّا نبيها ترتمي يم استراحة لانهاية عهد يزهر بالغصون وبالطيور وبالحديث / اليأس خلانا على جال التعب نرمي جراح ٍ كم رميناها أقل وكان أكثر ذاك هو اللي هشم حلم ٍ جميل وكان ينبض للأسف ألحين ماظن يتشافى ذاك هو اللي هدمني .. (حلم يانع .. واستدار) ..!




يسعد صبــاحك عاد ..! وشوله النوم ؟
ــــ النوم .. ماهو للحبايب .......... / ياخلي !

الغيم جاك ..يصافحك.. يالغضي قوم !!
ــــ سلم ّ عليه وقول ....... / خلّك .. محلي !!



كنت اسولف للصباح العذب .. عنها ..
واحتريها ..
كنت اقول ..
(( الله لو ألمس يديها )) ..
إيه .. ابيها ..
ترسم الإحساس في صمت العيون ..
ولو أخون ..!
تغفر وتسمح ..(( ياويلي عليها )) ..
كانت أشهي من رحيق !
كانت ابهى .. من بريق !
كانت الحلم / الأغاني .. كانت العمر / الصديق ..
وعايش ٍ منها ... وفيها .!

















ياصباحي وش بلاك !؟
قول !
وش عنّي ... خذاك !؟
آآآآه منّك ياصباحي !!!!





















أنت مثلي تحتريها !!؟























صباحك خير
صباحك غير
صباح الدفتر الوردي ..
صباح الحلم ..
صباح النور ..
../ صباح الجامعة والسور !
صباحك آآآآآه مايمدي !
أنا وحدي !
أتمتم ... نوووور !
صباحك نور ..
صباحك غير .. / صباحك خير ..
صباح النور .. والنوير ..!
صباحك .. دقّت الساعة ..
ألم .. ساعة
وجع .. ساعة
تعب .. ساعة
صباحك : قمـّة اوجاعة !
صباح الضحكة لاطارت !
وماصارت !
صباح البسمة لامسّت نسيم الصبح !
واحتارت ..!
صباح احلى .. خطاويها ..
أمانيها ..
صباحي يومي .. أناديها ..
صباحي غير .. بشعورك ..
صباحي ( دج ّ ) ! في نورك ..
صباحي مات ( بالشيلة ) !
وياويلة ..
إلا من .. شاف ( تايورك ) !!
صباح ( الحر ّ ) و ( الزحمة ) !
صباح ..
وأطلب الرحمة !
صباحك أنفاسك العذبة ..
وزينك ( شحمة ) و ( لحمة ) !
صباح ( اريال )
صباح ( اعيال )
صباح الهولو واليامال ..!
صباح ( اشلونك )..
و ( كيفك ) ..
صباح ..( اعقالي الميّال ) !
صباح الشارع الفاضي ..
وانا مستقبلي / ماضي ..
صباح الثرثرة هذي ..
و(عطرك ) .. ياآخر امراضي !
صباحك ( توت ) لا ( ياقوت ) ..
صباح ( الموت ) بعيونك ..
و(صبحك بالعيون ) .. الموووت ..
صباحك / غير !
صباحك / خير !




.
.





واغنـــي بـك / سحـــاب ابيض !!
تطيح من السمــا ..
غيمــــة !
واجـي لــك منتــشي كــلي !
أســوي لحضرتــــك !
قيمــــة !
وانوّرس لك .. فضاءاتي ..
ولابـك للأسف !
شيمـــة





صباح النور .. / والبللور .. / والمرمر ..
.... صباح الخير .. / والنويّر ... / والكادي ..!

أنا اللي ميّل اعقاله ......./ ولد شمر .. !
.... عرفني الصبح .. من لحني ../ وإنشادي ..!





يالحزين ..
لملم اوجاعك ..
كفا قلبك ... حنين ..
اتركوك ..
وهملوك ..
والتعب .. شوفة عيونك !
من يسارك .. واليمين ..
كنت تشعل هالاصابع ..
شمعه .. شمعه ..!
كنت .. وتكابر إذا صبيت ..
دمعه ..!
ياخي استح !!
قلت لك خل الهوى لاهل الهوى ..
بس قوم .. وارتح ..!!
ولاطرق داعي الهوى بابك ..
ولاأبغاك .. تفتح ..!
منت ناقصني .. أنيييييين !




صباحك همس ياأصدق نوايا....... رحلة الأحساس
...... صباحك شمس ..لاداعب هدبها .. قمة احساسي ..!

أشوفك وين !؟ وين الله يهديك وصرت لي هالناس !
...... تقول اليوم لو نبعد ؟ شسوي ؟ أصص ياقاسي !!








.
.

.



الهدوء / عبداللة البكر


أن تستيقظ حروفي على شمسك فهذا شئ كبير ياغالي ..

أنت بالقلب ياعبداللة ..
والله بالقلب ..

ساأنتظرك بشغف ..!



محبتي حتى ترضى


.

.


شاعرتي الراقية / نورة العجمي


وياصباح الورد والنور يانورة .

ساأنتظر عودتك كاأمل ...

لاخلا ولاعدم يارب




.

.


مخجلتي الكاتبة الخطيرة / نجود


ياصباح القهوة الحايلية يانجود :)

ماهو اللقب الذي سينفع معك ِ يانجود

قسما ً بالله تثقلين كاهل قلبي بهذا الكم العذب من الحضور والإطراء ..

لك ِ كل هذا المكان ..

وتأكدي بأني أنا من سيفرح بكم ..


بكل شوق ساأنتظرك


لاعدمت روحك / طهرك



.