الوقت فاني والليالي تعاليل = والخاسر اللي شد عن قرب داره
ليت اليالي عودت ليل مع ليل = لدمح خطاي وماجرا من خساره
البعد شين وفي غيابك غرابيل = ويذوق قلبي من غيابك مراره
تالي زماني صرت احب المناديل = والدمع من عيني يهل بغزاره
واقول ليت ان اليال المقابيل = يطيب فيها كسر راع الجباره
اللي غزوه القوم ثم اعتلا الخيل = والناس في موته تسوق البشاره
كل الرجال الها حظوظ وتحاصيل = والطَيب اللي فالعلا شب ناره
والجادل اللي حبها صعب بالحيل = جتني بجيش الحب غاره بغاره
اللي كما دجله على صافي النيل = ولا السحاب اللي يغطي نهاره
واقول في حبك جميل التماثيل = واحط لك معنا الكلام ابعباره
" ليت اليالي كل ابوها تساهيل = والا الرخوم ايصير فيها نعاره "

::::::::::::

الوقت فاني والليالي تعاليل = والخاسر اللي شد وابعد دياره