شعبيات - يـــا دافـــي الصـــوت

يا دافي الصوت صوتك من دفا الجنّه
جفلـت بــــرد الشـمال بصوتك الدافي

أسـرار عــمـري قصيدي خــذ بلاا منّه
وشلون أجـل لــو عرفت بسرّي الخافي

ورد وتفتّــح وشــفــت الــنّـــاس منجنّه
بدر الصــبــايــا بــشوفه يرتجفْ قافي

من قبل أعرفه وأنا أوجس بالحشا خنّه
والرِّيح تذري بجوفي من سفى السافي

يومه تــبـــسّـــم ولاح الـــبـــرق من سنّه
قلت أول الغـــيـــث غــيــمه ديمها ظافي

قالوا سنا شمـس قلت الشمس هي منّه
قبله وكــــل اللـيــالي ســمــــر واعجافي

مـــا اقــــــول هو مــثـل ذاك وذا ولـكنّـه
أنـــور بــوجـــهـــه ديـــــارٍ نـورها طافي

وليـا أنــهــصـــر وأنثنى لـي وإنتثر فنّه
فــزّيــت مـــاكـــن فــيـني عقـل يا كافي

والله لأكـــتـــب قــصــيـدي فيه حتى إنّه
من عــذب مأكتب يهذري بـــه وهو غافي

هذي هــي أوراق شــعـــري كــلـهـا عنّه
كل الــغـــلاا لـه وشــعــري منهلٍ صافي

عدوان المنديل السرحاني
الجوف..