|
عصبي فاتح منتدى (منقول)
هذاواحد عصبي..
فتح منتدى و حط شروط و قوانين الله لا يوريكم ويكفيكم شرها.. يقول.. لقد تغيرت شروط التسجيل في المنتدى .... اعرفوا الشروط زين .... وافهموها زين .... واللي ما يبي هالشروط جعل اصابعه اللي طقت على الكيبورد الكسر .... ولو ما عليه كلافه يطق راسه باقرب جدار.... حنا ما نلعب .... واللي يبينا حياه الله بيننا .... واللي ما يبينا الباب يوسع جمل .. فهمتوا؟ بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع .... فـ اللي يبي يسجل معنا يوافق على الشروط من ورى خشمه .. والشروط هي... اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس .... قايلكم حنا ما نلعب.. اللي بيخربط بالدين ولا بالسياسه .... هذا عذابه عذاب.... بخليه يتخيل انه قرد ولا عمره ذاق الموز .... وابحجز له على اقرب رحله على طياره ترش الجراد وابرقى فيه على ارتفاع 50000 الف قدم وبرطخ به على خوص نخله .... عشان ما يعود لها قايلكم حنا ما نلعب .. انتم اعضاء لكم تكتبون بس .... ولا احد فيكم يسوي لي فيها مراقب مانبي مراقبين... فهمتوا ولا افهمكم .. مسموح الذب ... والذب هي كلمه اتيه من الذباب وهي فعل مضارع جمع تكسير مضارع بسيط ... فهمتوا؟ ... صح ولا ماهو صح؟ ... قولوا صح لابارك الله بالساعه اللي جمعت هالخشش .. ............................. هههههههههههههههههههههه ضحكتني الشروط والقوانين .. عز الله فلح المنتدى حقه .. توحفه وربي هههههههههههههههههه .. |
رد : عصبي فاتح منتدى (منقول)
منتهى يسعد قلبك فشعبيات وش قصتهم مايضحكون مدري يمكن من كثر الهموم احيان ادخل يامنتهى هنا انخرع واطلع يخرعون احسهم قافله معهم والضغط مرتفع لو يطيح على واحد منهم يروح الانعاش انا اقول الكبت مصيبه يمكن الواحد جالس بامان الله وينفجر مثل اسطوانة الغاز بس اهم شي مايعصبون مثل صاحبنا منتهى كل دايمن دايم تعالي هنا tsh5 |
رد : عصبي فاتح منتدى (منقول)
إقتباس:
الرسالة الأصلية كتبت بواسطة منتهى القريش http://www.sh3byat.com/vb/sh3byat/buttons/viewpost.gif مسموح الذب ... والذب هي كلمه اتيه من الذباب وهي فعل مضارع جمع تكسير مضارع بسيط ... فهمتوا؟ ... صح ولا ماهو صح؟ ... قولوا صح لابارك الله بالساعه اللي جمعت هالخشش .. .صح وابصملك بالعشره فهمنا والله العظيم فهمنا هذا المنتدى والا بلااااااااااش |
رد : عصبي فاتح منتدى (منقول)
اهلا ياقمر منوره يالغلا :) نبارك لأنفسنا انتي :) بالنسبه للموضوع موقع شبكة الأقلاع اللي تأسس في شهر 12 سنة 99 م كان اول منتدى يحكي بالعامية, وظهر في قناة عامر الحمود تغطيه كبيره عن هذا الموقع وشعبيات ومن عباءته ظهرت منتديات كثيره , لكن يبقى للأقلاع تميزه وريادته بيحتفل بعيد ميلاده العاشر الشهر الجاي .. وكان اول من فرض شروط بهذا النمط العامي لكن بدون ابتذال في الأسلوب وأي عضو يستعرض خدمات الشبكه بيلاقيها ضخمه جدا وعملاقه وتوفر لأعضائها الكثير من الخدمات .. شروط الاقلاع (لا تقول ما دريت) مع محاولتنا لمنع المواضيع والردود الي فيها خنبقة او مخالفه للشروط اوالغير سنعه ونظراً للعدد الهائل من أعضاءنا الله لا يضرهم فترى ما يمدينا نشوف كل شئ ومن الحين نقول بالفم المليان إن أي شئ يكتب يعبر عن رأي راعيه ولا نتحمل مسؤوليته وبما ان هالموقع موقعنا حنا يالاعضاء المسجلين قبلكم وحنا حرين وبكيفنا عشان كذا اللي يبي يسجل معنا لازم يوافق على شروطنا ويكون مسؤول عن أي شي يكتبه ولا مهوب ملزوم يسجل وهالشي راجع له وبكيفه : </B>1- كل منتدى من هالمنتديات يحق لك تكتب موضوع لكن يناسب المنتدى (مهوب تروح لمنتدى الهلالين وتقول ياروحي يالنصر ) والباقين يعلقون عليه وبكيفهم بيعلقون بيذبون هم حرين وما فيه اي قيود الا الحكي الماصل اللي ماله سنع أو الحكي الوصخ او قلب المواضيع شات واللي بيقول الحكي الوصخ والماصل اويقلب المواضيع شات مهوب أزين له واي شي تكتبه لنا الحق نتصرف فيه بأي طريقة كانت . 2- مسموح الذب بكافة انواعه وترا اللي بيزعل من الذب حنا بنستلمه ذب لأن الزعل عندنا ممنوع اما اللي يسب والسب هنا غير الذب البرئ ( السب يعني الألفاظ البذيئه ) ترانا بنقمبع به . ( بنقمبع به = بنسكربه ) ( نسكربه = نشوته سكروب أو بوز ايهما انسب لنا) 3-أي واحد بيكتب موضوع 100% باللغه العربيه الفصحى بكيفه بس لا يبلش خلق الله انهم يردون عليه بلغه عربيه فصحى , كل واحد حر يرد زي ما يبي واللي بيغثنا ويبلشنا الا تردون علي بالفصحى بنسنعه تسنيع مضبوط . ترا علمناكم لا تقولون ما درينا والا ما قرينا الشروط .. بكيفكم . 4 -تبون تحكون في الدين والسياسه مايخالف بس لاتقعدون تتفلسفون وتحكون في امور مالها سنع , ابعدوا عن الثوابت والطوائف والرموز و الجدل اللي ماينفع واللي يبي يحكي في هالامور ويتفلسف فيها فيه مية الف ساحه غيرنا يروح لهم يسولف عندهم ثم يجي يوسع صدره معنا بس يجيب لنا مناقشاتهم .. لا .. معصي .. ما نطيع . 5- مسموح التسجيل بأسامي الأقلاع كلها ما عدا المخله بالاداب العامه والأسماء اللي فيها اسم </B>عوايل او قبايل يعني اعقلوا , ترا مناب ناقصين ذب يجي بعده شي في النفوس 6- تتعهد انك ما تعطي كلمة السر لأحد موبعدين تجي تقول مهوب انا اللي قايل ذا الحكي اللي انكتب .. ترا هالحركات ما تمشي علينا . 7- تحميل صورك وملفاتك على مركز التحميل الخاص بالاقلاع 8- قد تصلك رسائل إعلانية عن طريق الإقلاع . . نبي نترزق الله وونفع سيرفرات الإقلاع وان حصل إزعاج نعتذر ويتم التواصل مع الإدارة لمنعها عنكم 9-اذا قريت الشروط كلها ووافقت عليها ونويت تسجل اختار لك اسم رايق بشرط مايكون احد مسجل فيه وترا اللي بيحط مدات في اسمه وجا احد واشتكاه انه مقلد اسمه بنشطب اسم الجديد ونخلي القديم والاسم الي تختاره انت مهوب حنا يعني لا تبلشنا غيرو اسمي . شروط التفعيل للمشاركة في ساحة الإقلاعhttp://www.eqla3.com/vb/images/icons/066.gif</B> إذا أنت عضو مسجل وعقدت النية إنك تشارك معنا لازم ترضى بشروطنا حقت التفعيل لأن المسلمين على شروطهم http://www.eqla3.com/vb/images/icons/icon15.gif موب تقعد تقراها وتخالفها وتجي تقول وراكم مافعلتوني والا تكتب لك موضوع مايسوى تعبه وتقول لنا وراكم تمنون علينا بالتفعيل؟ هذا منتدانا وحنا يالاعضاء الي مسجلين قبلكم حرين فيه كانه عاجبتك شروطنا والا اقضب الباب(ناس حمقيين http://www.eqla3.com/vb/images/smili...%20icon201.gif) وحنا بنفترض إنك خذيت فرة على منتدى المواضيع المتميزة قبل ما تسجل عندنا وبنفترض إنك تدري عن نوعية المواضيع اللي تنكتب في المنتديات</B> شروط التفعيل((لاتقول مادريتhttp://www.eqla3.com/vb/images/icons/117.gif)):</B> 1- خذ لك فره على منتدى المواضيع المميزه قبل تفكر تكتب موضوع 2-تروح لمنتدى اسمه فعلوني وتكتب موضوع وتقول فعلوني وتتفعل خلال ساعات ان شاء الله</B> 3-بعد ما فعلناك لازم تكتب لنا موضوع مميز ومتكامل من حيث المضمون و التنسيق و الفكره واللي بينقل لنا موضوع حتى لو هو خبر ترا اردى له ((تراك منتب ملزم تكتب موضوع محدد عندك منتديات الاقلاع كلها شف القسم اللي تحب تشارك فيه واكتب له موضوع ..على سبيل المثال موضوع اجتماعي لمنتدى الاسره ..شروحات برامج لمنتدى كتاتيب ..تصميم لمنتدى التصاميم..موضوع عياره لمنتدى العيارين..الخ)) 3-المواضيع الماصله او ام ثلاث سطور ونص هذي ماحناب مطالعينها حذف على طول 4-المواضيع الرياضيه http://www.eqla3.com/vb/images/icons/012.gif اللي تحوي نقل خبر مانقبل بها ترا حنا نعرف عنوان جريدة الرياضيه الا اذا انك تصيغ الخبر باسلوبك الخاص بطريقة مقلعه يمكن نقبل( ناس تمنن). 5-موضوعك ان وافق الشروط اللي متفقين عليها سابقا" يوزرك صار مفعل رسمي وصرت مقلع صدقي والحين اذا تمت كل هالامور معك نبارك لك http://www.eqla3.com/vb/images/icons/icon17.gif وصرت واحد من اعضاء الاقلاع http://www.eqla3.com/vb/images/icons/0111.gif </B> واذا تقول انا والله انسان ما ودي اتعب ولا ابي اتوسط باحد تقدر تاخذ </B></B>العضوية الذهبية وتدخل بمميزات مهيب عند غيرك</B> وفي الرابط الكثير من دهشة ارواحهم الخفيفة الظل .. http://vb.eqla3.com/faq.php |
رد : عصبي فاتح منتدى (منقول)
إقتباس:
اهليين يافالح .. لكل منتدى اهتماماته وتخصصه .. وشعبيات نخبة من الشعراء الجميلين اللي نعتز فيهم .. اسماء اعلاميه وكبيره مقاما واحيانا سنا .. لايمكن تقارنهم بمنتدى كالاقلاع مثلا فيه كل الاعمار بدء 10 سنوات لوجود منتديات تهتم بالعاب الاطفال لجميع مايتعلق بالعاب ال pc واجهزة wii , psp و روابط تحميلها حتى اعمار رزينه ووقوره من اعضاء كبار وذوي مناصب ومعروفين بعضهم يكتبون باسماء مستعاره لكن معروفين لادارة الاقلاع في منتديات الجادة خاص بالمواضيع الجادة والقضايا الهادفة .. منتدى الرأي والرأي الآخر .. درة المنتديات http://vb.eqla3.com/index.php منتدى العيارين ممكن يرضي اقبالك على الضحك يافالح , شعارهم سوالف عياره وذب بدون زعل والزعول بنقلب عليه :) http://vb.eqla3.com/forumdisplay.php?f=15 مع ذلك منتدى الديوانيه لشعبيات يعج بخفة دم شعرائنا الخفيفين الدم خاصة فيصل الخالد وعبدالرحمن الربيّع وسما الخير والآن مشرفتنا الحبيبة الشاعرة منتهى القريش بكل عفويتها وخفة دمها .. اتمنى ان تتعود رجلك على دخول الديوانيه حتى مايضيق صدرك واحد يروعك ..ويجيك اكتئاب .. tsh1 فيه مقابله لمسفرنا الدوسري ترى ماخلصت منتهى الاريحية والسوالف في ديوانية شعبيات اذا حاب تجي تجلس وتاخذ مكان وتشرب الشاي :) |
رد : عصبي فاتح منتدى (منقول)
إقتباس:
^ ^ صح صح ولا تزعل علينا بس :D . . من جد عصبي الأخ طيب ليه يتنيل ويفتح منتدى هههههههههههههههههه . . . منتهى قريش أضحك الله سنك ..مت ضحك على الشروط بس مايمدينا عليها :D . . . . منتهى قريش لا تقاطعين الديوانية فهمتي صح ولا مو صح <<--- تأثرت بالعصبي :D . . . . منتهى قريش حبيبة الكل tsh3 إقتباس:
^ ^ فعلاً الأقلاع غير .. . . وحنا نبارك لهم ولنا بمناسبة مرور عشر سنوات على ميلاده .. . . الجازي دائماً تتحفينا وتثرينا بردودك ..tsh3 . . |
رد : عصبي فاتح منتدى (منقول)
إقتباس:
الرسالة الأصلية كتبت بواسطة فالح مشهور http://sh3byat.com/vb/sh3byat/buttons/viewpost.gif منتهى يسعد قلبك فشعبيات وش قصتهم مايضحكون مدري يمكن من كثر الهموم احيان ادخل يامنتهى هنا انخرع واطلع يخرعون احسهم قافله معهم والضغط مرتفع لو يطيح على واحد منهم يروح الانعاش انا اقول الكبت مصيبه يمكن الواحد جالس بامان الله وينفجر مثل اسطوانة الغاز بس اهم شي مايعصبون مثل صاحبنا منتهى كل دايمن دايم تعالي هنا tsh5 بالعكس يا فالح شعبيات أكثر ناس يضحكون ويمزحون وكل ابو شي حلو .. انت بس جرب وبتشوف بنفسك بس اخاف تموت من الضحك (بعد الشر عليك).. انت بعد كل ابو دايم تعال هنا .. تجد ما يسرك ويجعل ضحكتك مجلجلة .. (مجلجلة) حقت مثقفين مو أي كلام .. |
رد : عصبي فاتح منتدى (منقول)
حسن الشيخي ..
كايف شيف؟ قصدي شايف كيف ناس ما تجي الا بالعين الخضرا .. دام عجبك المنتدى بكره نفتح واحد ونسجلك أول عضو مطيع ويسمع الكلام .. تسلم ع الحضور .. |
رد : عصبي فاتح منتدى (منقول)
الجازي
أول شي أبارك لنفسي أنا فيكم .. والنو نورك .. (صورة فيس مستحي) .. ثاني شي من أول ما قرأت ردك وأنا ميتة ضحك حتى اسأليني .. عاشر شي وهو الأهم .. الله يسعد قلبك يا شيخه ويسعد أيامك كل ابوها مثل ما أسعدتي يومي .. (صورة قلب يقول درقن .. درقن .. درقن) |
رد : عصبي فاتح منتدى (منقول)
إقتباس:
الرسالة الأصلية كتبت بواسطة الجازي http://sh3byat.com/vb/sh3byat/buttons/viewpost.gif اهليين يافالح .. مع ذلك منتدى الديوانيه لشعبيات يعج بخفة دم شعرائنا الخفيفين الدم خاصة فيصل الخالد وعبدالرحمن الربيّع وسما الخير والآن مشرفتنا الحبيبة الشاعرة منتهى القريش بكل عفويتها وخفة دمها .. اتمنى ان تتعود رجلك على دخول الديوانيه حتى مايضيق صدرك واحد يروعك ..ويجيك اكتئاب .. tsh1 فيه مقابله لمسفرنا الدوسري ترى ماخلصت منتهى الاريحية والسوالف في ديوانية شعبيات اذا حاب تجي تجلس وتاخذ مكان وتشرب الشاي :) شفتي يا الجازي .. أي والله .. أي والله انا قلت له هالكلام.. قايلة لك يا فالح إن المنتدى يعج بنا حنا يا خفيفين الدم .. بس الظاهر انك خشيت الديوانية برجلك اليسار مو باليمين .. لذلك جاك شسمه اكتتاب قصدي اكتئاب.. حاول مرتن ثانية .. |
رد : عصبي فاتح منتدى (منقول)
إقتباس:
الرسالة الأصلية كتبت بواسطة سمـا خير http://sh3byat.com/vb/sh3byat/buttons/viewpost.gif ^ ^ صح صح ولا تزعل علينا بس :D . . من جد عصبي الأخ طيب ليه يتنيل ويفتح منتدى هههههههههههههههههه . . . منتهى قريش أضحك الله سنك ..مت ضحك على الشروط بس مايمدينا عليها :D . . . . منتهى قريش لا تقاطعين الديوانية فهمتي صح ولا مو صح <<--- تأثرت بالعصبي :D . . . . منتهى قريش حبيبة الكل tsh3 سما خير أضحك الله سنونك من أولها لـ آخرها .. كل ابو دايم .. خلاص فهمت ولا راح أجي الديوانية قصدي ما راح اقاطعها .. (صورة فيس خايف من سما) .. أحلى شي السطر الأخير من الرد أعلاه حق سما.. حسيت اني في انتخابات .. وناس رافعين شعارات ويهتفوا (منتهى قريش حبيبة الكل) تعيش .. تعيش .. تعيش .. خيالي فضفاض ايش اسوي .. |
| الوقت المعتمد في المنتدى بتوقيت جرينتش +4.
الوقت الان » 11:50. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع