|
نرجسية الدحيمي والشادي
معنى النرجسيه تناوله كل من الشاعرين باسلوب مختلف
وهذا الشاعر الدحيمي يقول في النرجسيه : لعــن ابوه الشعر كانه بس في شقر الذوايب لعن ابوه ان كان قاصيه الغزل والنرجسيه يايــبه والهاجس اللي كان مــذنب جاك تايب اغتسل من نزعة ذنوبه وتاب من الخــطيه يالحقوق اللي سنا برقه فتق صدر السحايب يالبياض اللي غـــفر كل الذنوب الســرمديه اما الشادي يقول: نرجسيين نرجسيس اللي رسم سماتنا فوق النهر.... فعلا غلبنا.... واعجبنا من بعضنا وأعجبنا....... و"الأنا" صارت لنا ولغيرنا ماهي لزوم وغيبتنا شوفة النفس وغدينا بهالعتوم من يفرط بالصديق بهالزمن... غير الصديق من يفرط بالرفيق بهالزمن.... غير الرفيق يازمن مجنون ضايع مالقينا به طريق الطمع فينا تربى بحسن نيه... والانانيه ونكران المحيط... بحسن نيه وكل ابو الاخطاء كانت...... بأسخف نعوت التنصّـل..... مطبعيه ليه ما وقفنا وشفنا من ورانا؟ من معانا......؟ من يشاركنا سمانا؟ ليه ماكل تفقد ساعة الشده خويه بس حنا الاذكياء بهالزمن وباقي العالم غبيه!!!! بس حنا لنا حس ومشاعر !!! وغيرنا جيفات حيه!!!!! نسينا عيوبنا ..... اشغلتنا جيوبنا....... جفينا محبوبنا......... كل هذا صار يوم ربتنا النرجسيه |
:rolleyes: :rolleyes: :rolleyes:
|
يالحقوق اللي سنا برقه فتق صدر السحايب
يالبياض اللي غـــفر كل الذنوب الســرمديه الاخت/ جــــــــــمـــــــــر الاهات ياسلام على الاختيار اللي يدل على ذائقتك الشعريه الرائعه0000000 وبالنسبه لبيت الشاعر محمد الدحيمي00 اسمحي لي اقولك اني ما اعرف وش النرجسيه :D لكن وربي اعرف البيت الجميل واللي له معنى واللي فيه صوره جماليه وابداعيه وله طعم من البيت اللي عكس الشي هذا 000 وهذا يكفيني سوى فيه نرجسيه او ما فيه واتعامل مع جميع الاشياء اللي حولي بنفس المبداء وبنفس النظره بس حنا الاذكياء بهالزمن وباقي العالم غبيه!!!! بس حنا لنا حس ومشاعر !!! وغيرنا جيفات حيه!!!!! نسينا عيوبنا ..... اشغلتنا جيوبنا....... جفينا محبوبنا......... كل هذا صار يوم ربتنا النرجسيه اخت جمــــــــــر ما ادري ليش احس ان كلمات جيفات جايه نشاز او ما قدرت امشيها مع ان الكلام كان كله جميل بس هذي وقفت زي الجبل الصامد بوجه شفافية الكلمات التي حولها اختي شكرا على هالمشاركه الحلوه وصح لسان القايل وسلمت يدا الناقل لك تحياتي |
هلا اخ عكاشه
وانا كلي ثقه انك تعرف كل شي جميل وادري اني ارد على شاعر كبير النرجسيه يطلقونها على حب الذات والأنا والبعض قال انها مأخوذه من خرافة نرجسيس اللي ذكرها الشادي بكلامه والبعض اخذها من وردة النرجس لبروزها على انواع الورد الاخر الدحيمي ذكر النرجسيه عن طريق الغزل والشادي ذكرها كصفه للغرور وحب الذات اما بالنسبه للفظة جيفه انا نقلتها كما وردت عن الشاعر ******** ملاحظه: وردة النرجس مضروب فيها المثل للغرور وحب الذات وهي وردة نبات البصل. :confused: :confused: :confused: |
| الوقت المعتمد في المنتدى بتوقيت جرينتش +4.
الوقت الان » 19:23. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع