شعبيات - شكر و تقدير

السلام عليكم ورحمة الله وبركاتة

طبعاً هذي القصيدة محاوله مني وبصراحه حبيت اشارك و ان شاء الله تعجبكم وتفيدوني بأي شي يقدر يحسن من مستواي الكتابي في الشعر ..

اتركلكم ابياتي ..

فيني من الضيقه ضيقة ديار تفتق طوبها ..

ثمان ايام وانت لا احساس ولا ضمير ..

عيشوني بليل شقاهـ و اخفوا شمس شوقها ..
و سايرتك عين وسايرتني مثل الضرير ..

كان فيك عيب خبرني عيوبك وشلونها ..
ترا كثر الضحك يقتل النفس وانت خبير ..

دامك بالاول عطيتني محاسنك وعلومها ..
ليه تهديني شقاك و جفاك بالاخير ..

تذكر من جعل نفسه لك مدينه وكسرت سورها ..
تذكر من اللي صفلك من القوافي طوابير ..

تذكر من مشى في درب المحبه و احتضنك بدروبها ..
تذكر من اللي لا شافك وده من الفرحه يطير ..

عقب الثمان نابتني حالة جنون وحالتي بالخير مالقت من ينوبها ..
عيشتي الرغدى خذيتها ولعيونك اصبحت فقير ..

ياخي خاف ربك الناس ماتبي الوجع بقلوبها ..
وانت الوجع اللي سكن فيني من غير تبرير ..

لعنبو حيك المشاعر بسبتك شقت ثوبها ..
اعذارك من كثرها ماتت منك المعاذير ..

لعنبو دارك بسمتي فارقتني وانطفى نورها ..
اذكر يوم قالت احبك وقلت اللي تبيه يصير ..

قالت فديتك وقلت كل مافيني يفدونها ..
قالت لو اني اميره بديرتك قلت لعيونك اصبح امير ..

وان خالفني احد كسرت فوقه من الخيزران عودها ..
اثري انا المكسور لا عون ولا للجروح تجبير ..

جروحك مثل طفل(ن) يلعب على دنياي ومتونها ..
مشكور كل الشكر وفوقها احترام وتقدير ..

خذ مني قبل لا ارحل كلمة(ن) وذوق لونها ..
كان جعلتني بدنياك للجروح سفير ..

اليوم بجعل من لحم جسمك لقمة(ن) للأرض و دودها ..
ومثل ما جرحتني وما قصرت اليوم بقتلك من غير تقصير ..

وسلامتكم ..