السلام عليكم واسمع يالفراعنة
 

مساكم الله بالخير

جايكم ضيف جديد الله يسلمكم

وعلي الطلاق اني ما جيت الاعقب ما علمني رجال

ان الشاعر الكبير:ناصر الفراعنة يظهر في شعبيات

من غير قصور فيكم .مار انا ادوره لي اشهر طويلة

انا وغيري والساعة المباركة اللي لقيناه

تكفون يالربع ساعدوني عليه ابي اعزمه وابيه يتمم لي

والله يحييكم جميع

يا ابو فارس والله لاني بقاعد اقول غلاك عندي انت تدري

للا غلاك ما دورتك هالدورة وانا طالبك بوجيه الرجال ان تتمم لي

وتجيني جعلنى ما اخلاك علي الطلاق وعانك ما تعرفني

ان توه جايني ولد ومسميه ناصر على اسمك

وان كان ما جابتك لا ذي ولا ذي فبقصيدة عبدالرحمن

يوم جيتهم بالمحل اللي انت خابر

[poet font="Simplified Arabic,4,black,bold,italic" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
طاب كيفي للقصيده طاب كيفي للقصيده"="ياهلابك يالسبيعي ياهلابك يالسبيعي
فرصة العمر السعيده فرصة العمر السعيده"="جيتك معنا ربيعي جيتك معنا ربيعي
ياهلابك عد حرف بالمجله والجريده"="ومرحبابك عد نبت القاع في فصل الربيعي
شاعر نظم القوافي مع معانيها تجيده"="مبحر ببحوره العذبات والفن البديعي
شاعر الابداع كله والتواصيف الفريده"="الغزل والمدح والوصف والشعر الفضيعي
مانسيتك يوم تمدح ربوعي والبديده"="قلت مثل عيال عمي ولا فيهم شنيعي
لابتك ياحي لابه بالمواقيف الشديده"="بالكرم والطيب والفزعه وهم ريف المجيعي
ولو تشرفني زياره فرصة العمر السعيده"="ياهلابك يالسبيعي مرحبابك يالسبيعي

وافر تحياتي واحترامي

الجـ عبدالرحمن الغيثي ـوارح


[/poet]

وتراني يا بعدي مسمي نفسي بها اللقب

ماخذه من قصيدك الالف بيت الملحمة يوم تقول

ومنا الملاعب للاسنة عامر

ووالله ان قصيدتك اللي فالابل اني محفظها ثنين من عيالي

فطالبك قل تم

قلها

ملاعب الاسنه ... :)

مرحباً بك في شعبيات بين أهلك و أخوانك ...

و الشاعر ناصر الفراعنة يستحق كل تقدير و احترام ...

مباركٌ عليك إبنك ناصر جعله الله من مواليد السعادة ...

و منا إلى أبو فارس :)

تحياتي لكما ...

ــــ.. .

وعليكم السلام واسمع يالشمري
 

الله يبيض وجهك مليووووووووووووووووووووووون

وطيبكم سابقني ولاني قايل شي الا لين اواجهكم

واطلبك تن ثم تم وابشر بالسماوة

واستلم ردي على عبد الرحمن الله يبيض وجهه

[poet font="Simplified Arabic,4,white,bold,italic" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
الى الاخ العزيز عبدالرحمن الغيثي والى كل قبيلة شمر
والمعذرة على القصور هذه القصيدة ردا على ترحيب
الاخ عبدالرحمن الغيثي الشمري بي




البقابك يالوليدة البقا بك يالوليدة"="ما اختلف سني وشيعي ما اختلف سني وشيعي
من مروية الحديدة من مروية الحديدة"="سلة السيف الوريعي سلة السيف الوريعي
متعبة قحص السبايا لعتزى كل بسيده"="وان تنادوا بسم ابوهم شفت كل عاصي يطيعي
موردة عوص المطايا ورد والكايد تكيده"="كم تصدع من تصدع سيفهم راس صديعي
هم عضودي لا تخلى كل عضيد عن عضيدة"="حالف ما دام شمر عزوتي مااذب ريعي
دام شمر عزوتي بآطا العدو والعن كديده"="عزوتي لاجا نهار يذهل الطفل الرضيعي
والبقا بك يالوليدة يابن تسع مية وليدة"="ما اختلف سني وشيعي مااختلف سني وشيعي

وآسف على القصور
اخوكم الشاعر:ناصر الفراعنــه
(شاعــــــــر مضـــــــــر)

[/poet]