|
اللي منو وحده يتفضل!!
الحقيقة مشتاق لشعار الميدان الشهر عليكم مبارك واللي منه وحده يتفضل ما ودي اطلب احد ويقال ما اقدر
سلام والملعبة عند المشاكيل=مطعومها ياجماعة طعم حالي ادور الشاعر اللي يذبح الحيل=ماله بهرج الخياعة والخمالي |
رد : اللي منو وحده يتفضل!!
السلام عليكم ورحمه الله
الشهر عليكم مبارك ياجماعة الخير وكل عام وانتم بخير الشاعر كشاف مولع اتشرف وانا اخوك باللعب معك استلم طال عمرك:
يامرحبابك عدد وبل المخاييل =من شاعرٍ به براعه ما يبالي ابشر بمن هو يسد النوب حلحيل=والحرِّ عند ارتفاعه ما يطالي |
رد : اللي منو وحده يتفضل!!
هلا والله بك يالغالي
اسمك عجب والعجب في سرية الليل=لو طالت السالفة ياهم لالي عساك ترقى الطويلة مع هل الخيل= ما تنعثر في طويلات الجبالي |
رد : اللي منو وحده يتفضل!!
مرحبا فيك ياكشاف مولع
ما ابطى من جا استلم لاهنت
اسمي برسمه واعز الربع بالحيل=وان طالت او قصرت متان(ن) حبالي صاحبك له خبرةٍ بالوزن والكيل=منته بحوله ليا جاله مجالي |
رد : اللي منو وحده يتفضل!!
لاهنت يا نسل الحرار
استلم يالنشمي :
والله مدري عسى مابه بهاذيل=خلتك تبدي الكلام الارتجالي اسمك برسمه صحيح وتعدل الميل=لكن لزوم يتميز راس مالي |
رد : اللي منو وحده يتفضل!!
كل عام وانتم بخير ...وعيدكم مبارك
ولاتهون ياكشاف مولع الله يحييك استلم لاهنت:
الحنظله ما حلت لو هي على النيل=وبالشجره ام الورق تلقى الظلالي ترى ضعيف النظر يحتاج دربيل=ومن دون هيل الحبش سقت الدلالي |
| الوقت المعتمد في المنتدى بتوقيت جرينتش +4.
الوقت الان » 12:37. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع