السلام عليكم ورحمة الله وبركاته
والله يسعد جميع اوقااتكم

سلامة عينك الخجلا وخدك تسلم اوجانه=من دموع الفراق ومن مواجع حظك الباير
وسلامة صدرك من الضيقه الي زادة اشجانه=بعد ماصار نبضك زايد من دمك الفاير
سبب من تل قلبك من معاليقه بنيشانه =وكسرخاطرك واقلق راحتك ويقول وش صاير
وجروح القلب تشفى بالصبر مع قوة ايمانه=وطبيب اهل الهوى يلقاء علاج لجرحك الغاير
ونفسك مالها غير الامل وتردد الحانه=عسى بكره يجي معه الفرج بجناحه الطاير
يرفرف فوق روحك والفرح والعز عنوانه=وغيوم الحزن لازم تنجلي عن فكرك الحاير
ويبين بدنيتك قوس الرعد وتشوفها الوانه=وليالي العمر تقطف وردها مع شوقك الثاير
على نهرالغلا تارد ركايب روح ظميانه=وتشرب من قراح الوصل بعد أفراقها الجاير
نمرالعتيبي