|
( صـــادوه !! وفضــائح خاصــه ) ..الى كل من استقبل الرساله !!
السلام عليكم ورحمة الله وبركاته .. .. . صـــــــــــــــادوه .. . نواف الشمري كتبت في 11-22-2003 09:35 PM: السلام آخر شي توقعته منك يا... اخر شي للاسف ..وش اقول بس االله يسامحك مع اني مااعرفك ولاتعرفني لكن استغرب اللي صار منك على العموم اذا كان يضايقك وجودي .. ابشر اوعدك اني ماراح اثقل عليك مره ثانيه ولاراح تشوفني بالمنتدى اذا تبي لكن الكلام اللي طلع منك يا... كبيــــــــــر وماتوقعته ابدا ابدا ابدا خســــــــــــــــاره ======== كانت هذه الرساله هي محور حديث ذلك اليوم ..:) مقلب ..وقع به البعض.. أرسلت هذه الرساله الى 20 عضو .. لمعرفة ردود أفعالهم ونشرها هنا :).. كانت الردود تختلف من شخص لآخر.. ولاانكر أن بعضها مؤثر جداً :) سنرى ... (محمد علي العمري) آخر شي توقعته منك يامحمد اخر شي للاسف ..وش اقول بس االله يسامحك مع اني مااعرفك ولاتعرفني لكن استغرب اللي صار منك على العموم اذا كان يضايقك وجودي .. ابشر اوعدك اني ماراح اثقل عليك مره ثانيه ولاراح تشوفني بالمنتدى اذا تبي لكن الكلام اللي طلع منك يامحمد كبيــــــــــر وماتوقعته ابدا ابدا ابدا خســــــــــــــــاره الرد: محمد لم يرد على الخاص ..صادني على المسنجر ( من قل السنع عندي والله :)) محمد : السلام عليكم محمد: نواف رد السلام انا : هلا محمد محمد: نواف شفيك؟ بس كذا؟ انا: محمد وش تبي؟ محمد: نواف يرحم والديك ان كانت مزحه اقصرها من الحين محمد: نواف رد محمد : نواف محمد: طيب..تصبح على خير.. :) كسر خاطري ابو رسيل .. فارسلت له على جواله وبلغته باللعبه :) وقال انه كان يدري انها مزحه ايه هين :) . . . الشاعر أحمد ال حارث طبعا ارسلت له نفس الرساله .. وكان رده : يانواف اول شي صل على النبي وقل لي ويش السالفه ويش الكلام وويش الي قاعد تقول كذا داش علي الله يهديك ومنين اعرفك عشان اتكلم فيك والا اقول فيك شي مابيني وبينك الا هالمنتدى والقصيد اكثر من كذا مابيننا شي على العموم سو لي اضافه والا كلمني على جوالي اذا في خاطرك شي وهذا جوالي ----------- انتهى -------------------------- ياحبيلك ياابوحميد ..:) انت غالي .. ورد فعلك ..جميل .. بس ماانكر ان قلت لك اني كنت طامع باثاره اكثر :) الموج الازرق فوزي المطرفي نفس الرساله وكان رده:\ الغالي / نواف الشمري كل عام وانت بخير ... وشرفني تواجدك حتى وانت زعلان ومدري من شوو عموماً .. اذا ودك توضح الشي اللي ماتوقعته اكون لك من الشاكرين ..!! 1حتر111111111111ما11111111111111111تي _________ انتهى ______________ ياناس ياهوه ..اغليه هالازرق .. وربي ان شوفة احتراماته تكفيني بس .. فوزي ؟.. ليش تكلم محمد ؟؟;) عبدالله البكر وهذا سالفته سالفه :) طبعا عبدالله كان لازم ارسل له رساله اكثر تأثير لاني بصراحه متوقع انه مايصدق...والمعرفه القديمه اللي بيننا تحتم علي ازيد الجرعه :) قلت له : السلام آخر شي توقعته منك ياعبدالله اخر شي للاسف ..وش اقول بس االله يسامحك بالله ياعبدالله من كم سنه اعرفك؟؟؟ انسى المنتدى يااخي ..وانسى الشعر...وانسى كل شي.. ليشششششششش بصراحه صدمتي بالكلام اللي سمعته اكبر مما تتوقع ياعبدالله ماني قادر وماني متصور انك تفكر بالطريقه ذي؟؟ وانك تقول كلام زي ذا وفي من؟؟ في واحد اعتبرك اخوه ياعبدالله ؟؟؟ الا ان كان هالشي انت ماتبيه.. على العموم اذا كان يضايقك وجودي .. ابشر اوعدك اني ماراح اثقل عليك مره ثانيه ولاراح تشوفني بالمنتدى اذا تبي لكن الكلام اللي طلع منك ياعبدالله كبيــــــــــر وماتوقعته ابدا ابدا ابدا لدرجة اني حاولت اتصل عليك بالجوال .. لكني خلاص.. مايحتاج ازعج نفسي اكثر من كذا خســــــــــــــــاره انتهى طبعا كان رده مفحم جدا .. وتأثرت فيه وانا مالي شغل :) قال \ ربعي اللي أعدهم مثل أخواني .. مايرسلونلي عالخاص !! عندك رقم تلفوني على ماأظن .! 8 8 8 يامفحم انت ...بزعمك فاهم الكفته انك وجبهتك ؟؟ قم بس قم .. وش دراك ان جوالك عندي؟؟ واثق اني مامسحته يعني؟؟؟؟:p ;) :) بس صراحه افحمتن :cool: سروووووبه سراب الليل قلت لها \ السلام آخر شي توقعته منك يااخت سراب اخر شي للاسف ..وش اقول بس االله يسامحك على العموم اذا كان يضايقك وجودي .. ابشري اوعدك اني ماراح اثقل عليك مره ثانيه ولاراح تشوفيني بالمنتدى اذا تبين لكن الكلام اللي طلع منك يااخت سراب كبيــــــــــر وماتوقعته ابدا ابدا ابدا خســــــــــــــــاره فكان ردها \ وشو الكلام هذا eek: :eek: :eek: . نواااااااف انت صاحي والا مجنون .. ... تعال وش قلتلك . . وربي ماادري عن شي اقسم بالله العظيم ماعندي فكره عن اي شي .. ارسل لي بسرعه انتظرك :eek: :eek: :eek: ---------------------------- انتهى أقسم بالله العظيم؟؟؟ طيب صدقتك :) الشاعر خالد الذيابي ارسلت له نفس الرساله فكان رده نواف هلا وغلا كل عام وأنت طيب انا متأكد الرساله بالغلط حبيت أسلم عليك بس تحياتى انتهى ============ صادني خالد .. يمكن كان يتوقع اني كنت ابرسلها لخالد الشايع ماينلام :) خالد الشايع ياحبيله ارسلت له نفس الرساله ... أول شي سواه اتصل علي بالجوال فسفهته :) مارديت عليه :) الا هذا هو جاي يركض بالمسنجر ... حاولت انحاش ماامداني هو : مرحبا نواف هو :نواف انا: هلا خالد انا : خالد وش بغيت هو :ممكن ترد على جوالك؟؟ انا : انا مستعجل استاذن ..سلام هو: ورى النفس علينا شينه يانواف ؟؟؟؟؟؟ انا : ان كان عندك كلام انتظر منك رساله على الخاص ..وجوالي مهو معي فأرسل لي رساله يقول/ الغالي ابو حمود يعلم الله وش كثر أغليك وصراحه استغربت رسالتك المجحفه بحقي صدقني فيه لبس بالموضوع.. ومستحيل يطلع مني شي يزعلك واللي بالقلب يعلم الله انه بالقلب ابو حمود اتمنى ان يتسع خاطرك لي فمثلي يحالفه الجهل في بعض الاحيان ومثلك تحالفه الحكمه في الكثير من الامور __________________ طبعا كلمته بعدها وعلمته باللعبه :) الغالي عبدالرحمن الربيع ارسلت له نفس الكلام فكان رده يعبر عن الكثير بالقليل / اخوي نواف وش السالفه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟ :confused: :confused: :confused: :confused: :confused: :confused: :confused: :confused: :confused: :confused: :( :( :( :( :( انتهى _______________ ابو داحم .. السالفه تالفه :) صدناك متلبس :) الحمدلله على سلامتك ..ووجودك سالم بيننا سرنا والله ياغالي الاخ والشاعر صالح الحربي وصل رده متأخرا لكنه وصل:) ارسلت له نفس الرساله فكان رده \ اخوي نواف الشمري انت صدمتني برسالتك هذي وانا والله العظيم ما اعلم عن الكلام اللي انت تقوله شي ولا ادري عنه وانا استغربه منك وانا مابيني وبينك سابق معرفه الا اخوه في هذا المنتدى انا ما تكلمت لا عليك ولا على غيرك في المنتدى واذا فيه شي في خاطرك اتمنى انك تكلمني على ايميلي هذا _____________ ولك كل الاحترام الحلو الاطخم ابراهيم الرشود ارسلت له نفس الرساله ورد علي بالوقت الضائع يقول السلام عليكم... وربي الذي لا إاله الا هو أني ما أدري انت ليش تقول هالكلام؟!!!! لو كان لي عندك طلب أو إعتبره رجاء حااااار يانواف أبي منك تقولي وش اللي مزعلك؟؟!!! الله يرحم لي والديك...لو سمحت عطني فرصة الدفاع عن نفسي عالأقل يانواف من تهمة ما أعرفها!!!؟؟ __________________ في ناس ارسلت لهم ... لكن ماردوا ... ماادري ليش بصراحه .. لكن في ناس ردوا بطريقه اخرى ... صالح العبدالكريم اتصل علي بالجوال يقول لي نواف : طس بس طس وتر انا (أ....) ماعندي انت :) وضحك :) ياحبي لهالادمي ياناس ( أ....) ماعنده انا ;) اما بقية العضوات .. فأرسلت لهن بطريقه تختلف ... كانت الرساله تقول \ للاسف ردك كان مجحفا وظالما وجارحا الى اقصى درجه .. للاسف .. قد لاتعلمين مدى قساوته .. لكن ..استغرب.. ماذا فعلت لاجد مثل هذا الرد؟؟؟ . . على العموم .. هنيئا لك بالمنتدى .. فليس لي به مكان بعد اليوم .. لااستطيع تحمل المزيد انتهى _____________ ولم يرد منهن سوى نوره العجمي و وحش وكانت ردودهن كالتالي شاعرتنا الرائعه نوره العجمي اخوي نواف بسم الله عليك الرحمن الرحيم عليك قل صح اقرب مستوصف الله لايهينك تقيس حرارتك وانا علي ادعيلك ان الله يكشف ضرك وانا اختك انا لله وانا اليه راجعون الله يعوضك خير ----------------- اما علي قل صح يانوره ؟:) اما شاعرتنا الرائعه وحش ردت تقول | لحظه سيدي اي ردآ قصدته إذا على العزوبيه صدقني كأنت وجة نظر لا اقصد من خلفها ان أوذي احدآ بذاته اخي // نواف قد اكون سليطة اللسان لكن احمل بداخلي قلبآ ابيض لايحمل كرهآ لأحد ولكن اتحت هذه الفرصه لأعتذر عما بدر مني اما بخوص المنتدى اخي فأنا التي سوف تتركه لأني لأحس ان ليس لي ابدآ مكان بينكم وللمرة الثانيه اعتذر عما بدر مني ستكون اخرمشاركة لي ستنزل قريبآ وداعآ اخي نواف وحـــــش انتهى ___________ كلام الاخت وحش مؤثر جدا حاولت اقناعها بالعدول عن قرارها .. وهاأنا اقول لها مره أخرى ... شعبياتك لك ِ .. وحش.. شعبيات تريدك .. وكلها قلب يضمك .. نحن نريدك وكفى _________ قبل ان انهي الموضوع اخي الغالي محمد بن حزام وقع بالمقلب :) ولم يرد بل أتى برقم هاتفي بطريقته الخاصه .. فاتصل بي واخبرته باللعبه :)..قال اني خرشته :) .. سألته كيف أضع ردة فعله الان ؟؟؟ قال لاااااااااااااااااااتضع شي يااخي وخرني عن الموضوع كلللللللللللللللله <<< ايه هين :) على فكره .. أنا طلبت من عبدالله البكر بعد أن أخبرته بالمقلب.. [ان لايخبر أحد بذلك ولايرد على جواله ..لتلافي ذلك (مؤقتا) |
السلاااام عليكم
نواف عز الله انك سويت بهم صااااادوه هههههههههههههههههههههههههههههه مقالب على كيف كيفك اثاريك منت هين يابن العـــــــــــــم تحياااتي لك اخوك ص ق ر |
صباحك فضايح يانواف :(
اجل الدعوه صادووه صدق ؟ انا شكيت ان فيك بلى يوم جت الرساله :D لأني مارديت عليك رد قريب في أي موضوع علشان كذا قلت ياربيه هو صاحي نواف ولا انهبل ? :D اهم شي يانواف جتك دعوه صالحه في هالليالي الفضيله :p بس مقلب حلو صراحه :D |
زييييييين يانواااااف....:mad: :mad: <<------------ رد عليك بالخاص بعد ماسفهه عبيد البكر وتوه يجي وحس إنه مصيووووود.... بس هين .... البقس جايك جايك يالعصل.....:": |
الله يرجك يانوافووووه
وعبيصوووه لي كلام ثاني معه .. اتصل عليه هو ووجهه ولا يرد .. وقمت اتقلب على جمر الغضىىىىىىىىىىىىىىىى اتقلب اتقلب اتقلب <<< شالها اغنية عبدالرحمن عبده ههههههههه وقامت الدنيا تودي فيني وتجيب واقول يالربع متى تكلمت فيه ومتى وكان ردي عليك اكبر دليل اني ما لقيت كلام اقوله غير الايقونات الحزينه والمستنكره لما حدث . شكيت فالموضوع بصراحه لانك يانواف عسل على القلب وعلى المنتدي وما راح نزعلك ابد ابد ... تسلم يابو حمود موضوع رهييييب .. تحياتي |
<-- من الضحايا...
وصلتني الرسالة.. لكن الركادة زينة... رحت أدور آخر مواضيع نواف لأني شكيت انه مرسل الرسالة بالغلط وقلت أفهم الموضوع وأشوف هو قاصد مين قبل أرد... <- تلمح ان شوفه شجر والحمدلله شفت الموضوع قبل أتوهق :) .. الله يصلحك يا نواف.. هذي هدية العيد ؟؟ :confused: |
محمد الحراب حسن ال مسفر ليالي نجد عبدالرحمن اليحي لم يقرأوا رسائلهم حتى الان ... ان شاء الله يردون قبل رؤية الموضوع :) ------------------------------------- فيه أعضاء كثير سفهوني ..وقروا الرساله قبل نزول الموضوع...ولا ردوا .. اخاف لاصار الموقف صدقي انسفه من جد :confused: :( |
هييييييييييييين يا نوااااااااااااااااف عزالله انك صدتني :confused:
المشكله اني اقرا فوق بالشريط موضوع صادوه لكن ما انبهت له زين <<<====== جوعااان وما انتبه ((صايم)) ومن الطفاقه ما فتحت الموضوع قبل الرد والله اني داخل وانا مصيوووووود احمل اعلام الهزيمه بس انا واللي سويت فيهم صادوه ما نخليها لك الجايات اكثر :) ياااااااااحبني لك والله اخوك : صالح الحربي |
للعلم: تم اضافة عدد من الردود التي وصلت متأخره الى الموضوع.. ومع وصول كل رد ..سوف اضيفها الى الموضوع نفسه.. الظاهر البعض ماينتبهون للموضوع ..ويلاحظون وجود رساله خاصه قبل الدخول الى المواضيع فتشغلهم الرساله ..ويردون ... |
نواف الله يهديك الناس ناقصين فضايح
ودي اعرف ليش اختر ت الاخوان ذولا بس :white: ما يدري نواف اني كافشه برساله واني من هاليوزرات confused: الرسايل والفضايح انا اللي بجيبها بس انها صدق :p وتسحيبات على كيفكم وغزل وغرام وحركات :) اول واحد بيروح فيها الشيخ نواف :confused: وبعده خالد الشايعconfused: وبعده عبيص وبعد عبيص الربيع وبعدهم المرقاب العام الاخ ابونوت صراحه امون عليهم ذولا وبفضحهم عن قريب :white: يا حبيلهم هالشله الطيبه :rolleyes: نواف قد قلت لك تراني اهكر على الاجهزه ما سمعتني محبكم هديااااان |
صقر
هلا صقر حياك يالغالي لو كنت متوقع انك بتدخل اليوم كان حطيتك ضمن الضحايا:) لكن صارلك فتره ماجيت .. الحمدلله ان الموضوع جازلك احمد ربك انك سلمت من المقلب |
إقتباس:
حياك الله يانوره بس ابي اعرف . .الفرق بين وقت قرايتك للرساله وبين ردك ساعه :) وش كنتي تفكرين به؟؟؟ معقوله ساعه كامله تفكير ؟؟؟ حسبي الله علي بس:) |
إقتباس:
والله يالبكر هذا الله يعينه اللي كل ماسويت لي بلا انا طاحوا العالم بحلقه :) |
إقتباس:
انا صح امزح مع الاعضاء الباقين والاخوان بس انت لا ..كنت اتكلم جد معك ولازلت جاد خساره ياابو داحم وش سويت لك انا يااخي ارجو انك تلتزم بقوانين المرور ولاتسرع :) تراك أول واحد ارسلت له وكنت مستعجل بشوف ردة فعلك بسرعه لك حبة خشم يالدحمي خشمك |
ههههههههههههههههههههههههههههههه سويتها يا نواف هاا
بس تبي الصدق فكره بالحيل روعه ... ضبطتها زين ما زين .. <<< الأخ بحريني عاد تبي الصدق ولا الصدق جاك بالتلفون بس صراحه انا من جد انصفقت وجلست على الجهاز مبلم كان عندي كم واحد بالماسنجر من الشباب ويسولفون انا ارد عليهم ثم ارجع اقرا الرساله مره ثانيه الله العالم قريتها خمس او ست مرات ماني مصدق .... اقول في نفسي ياولد شانت قايل وش مسوي بالاخير قررت اتصل وارتاح لاني فعلاً كنت على اعصااااااااااااااااااااااااااااابي مره ياخي انت محترف رفعة ضغط هههههههه عموماً موضوع حلو بالحيل وونستنا يالغالي ولك مني كل التقدير والاحترام اخوك محمد بن حزام |
| الوقت المعتمد في المنتدى بتوقيت جرينتش +4.
الوقت الان » 03:26. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع