للوطن في فرحتي حق عليا
يوم زان البدع والمعنى تهيا=واالقوافي جيت اقدمها هدايا نحمد الله عد ذعذاع نديا=وعد همال الوسوم من الرفايا يوم عافا د رعنا سمح المحيا=ابو خالد سيدي وافي السجايا وللوطن في فرحتي حق عليا=مثل حقه لادعى داعي الحمايا ياوطن قدرك رقا فوق الثريا=انت عالي ماعليك من الحكايا ياوطن نفرح بعزك ونتفيا=في ظلالك عن هجير وعن شظايا بيرق ال سعود يجمعنا سويا=بالمدن هي والبوادي والقرايا شعبنا وافي وحاكمنا وفيا=والصدور بحب عبد الله ملايا اشهد انه قايد ماله حليا=ولجل شعبه مال قوماته حلايا غير ابوه اللي عن الخذلان عيا=ووحد الامه على ظهور المطايا ولابو خالد راعي الكف النديا=من صميم قلوبنا نرسل تحايا ياسياج الدار يالدرع القويا=ياذرانا عن كبيرات البلايا لاومرنا للجهاد وقال هيا=تحت رايه مانهاب من المنايا ونايف اللي بالشجاعة والحميا=يدحر الارهاب ويقودالسرايا قام يطوي صفحة الارهاب طيا=وقادة الفتنة وطاهم بالحذايا هكذا قمع الفتن والا بليا=المهادن مايفيد مع الحيايا وعزنا سلمان حي الذكر حيا=الامير اللي جمع خير المزايا الكرم والدين والخلق الرضيا=والسداد وحل صعبات القضايا باسمك اللهم يالرب العليا=قابل التوبات غفار الخطايا ياولي مالنا غيره وليا=ياعليم بالبيان وبالخفايا اطلبك يالله وارفع لك يديا=يالله انك لاتخيب لي رجايا انصر اهل الدين والنهج السويا=وعزهم بالنصر يارب البرايا واخذل اهل الحقد والعلم الرديا=قادة الفتنة خبيثين الطوايا والسلام ختام ماغرد شجيا=وردد الحانه على خضر الشغايا |
رد : للوطن في فرحتي حق عليا
مساءك عسل وشعر .
نص يتدفق جمال ومعى معتق باالابداع .. اخي عبدالرحمن // نص يحمل داخله معاني كثيرة وكثير .. وكلها تتسابق في جمالها تحياتي لقلبك ولشخصك ولشعرك .. |
رد : للوطن في فرحتي حق عليا
الشاعر محمد الزهراني
صح بدنك واشكر لك تواجدك الجزل |
رد : للوطن في فرحتي حق عليا
الشاعر القدير عبدالرحمن العريفي
/ صح نبضك الجزل / حـضور كـبير وقصـيدة شـامخة البناء عـالية .. جزلة الكلمة والمعنى .. دمت ودام نبض قلمك بكل جزل وشامخ تقبل مروري مع ردي البسيط والمتواضع ولك خالص تقديري. |
رد : للوطن في فرحتي حق عليا
الله الله يالوجيه
نص يشوش له الراس وتعانقه الحواس وشعور المواطن الغيور المحب لوطنه وولاة امره لاعجمت ولاهفيت ياعبدالرحمن |
رد : للوطن في فرحتي حق عليا
ليلى السعودية
شكرا على المرور كلماتك العطرة وسام شرف اتشرف بتوشحه صح بدنك ولك تحياتي |
رد : للوطن في فرحتي حق عليا
الشاعر سعيد بن مقبل الاكلبي
صح بدنك مرورك اسعدني تقبل فائق التحية |
الوقت المعتمد في المنتدى بتوقيت جرينتش +4.
الوقت الان » 03:56. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع