|
لاتعتذر
[poet font="Simplified Arabic,5,white,normal,normal" bkcolor="sandybrown" bkimage="" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=chocolate,offx=4,offy=4) shadow(color=sienna,direction=135)"]
لاتعتذر ما نيب من يقبل أعـذار= ولا نيب من يخدع بهرج الغواني ودي اعذرك لكن جـروحي كبار= وودي بشوفك غير عقـلي نهاني لامن ذكرتك قمت اسجم بالافكـار= ومن كثر صدماتك اجامل واعاني اسقيتني في بادي الـوقت الامرار= واليـوم جاي تكمّـل اللي لضاني ما أحتمل جورك كفاني الزمن جار= خصمين ضدّي يـوم ربي بلاني يا موقـد النيران خفف على النـار= احرقت قلبي وش تبي بالمحاني اصرخ ونادي وانتظر زين الاخبار= يرجع صدى صوتي يحطم كياني ما كنت احسّب دورة الوقت لا دار= وما كنت افكّر انطعن منك ثاني يا قــاتلٍ قـلبي بـلا ذنب أو ثار= تمشي بجنازة واحد وانت جاني تجينـي تتعــذّر وتلـعب للادوار= لعبه وانا ادري اللعب ماشٍ خفاني ويـلك من الله كاشفٍ كل الاسـرار= وش كان ذنبي يوم جورك وطاني ذنبـي احب بصـدق ما نيب غـدار= واللي على قلبي يقـوله لساني تبين اغنّي واعـزف الكـذب اوتار= واقول انتي الشمس فوق العناني من شان بسمه تروي لظـام الاشجار= وتنقذ ورود العمر قبل الدفاني كنك نسيتي اللي مضى يومنا صغار= طفلين نلعب لين وقت الاذاني ندله سوى طيرين في وسط الازهار= واحميك من زلة فلان وفلاني حتى كبـرنا وابتـدا حب الاخيـار= من غيرتي ما طيق وجهك يباني اقف بـذيك الـزاويه تقـل سبّار= وتمشي على مهلك وانا ادري عشاني ولا من تقـابلنا بدى الدمع ينهـار= ما كننـا شفنا بعض من ثواني وتبدا السوالف همس في عشق الاطيار= وعيوننا تضحك وترسل تهاني ونخطط الاحـلام في كل اصـرار= بيت السعاده والأمل والأماني والخـاتمه اطعن بقلبي بـلا انـذار = ياليت منتي من طعني عياني هـذي النهـاية واضحه دون انكار= شوفي حدٍ غيري بحبي وحناني حبٍ بديتـه اشطبـه كن ما صـار= وانتي اعدك مثل من كان فاني [/poet] |
سلاااااااااااااااااااااااااااااااااااااااامز عثماااااااااااااااااااااااااااااااااااااااان و الله هذا أول يوم لي على النت من أكثر من شهر تعرف توني راجع من السفر و قريت قصيدتك و لي الشرف انه ردي الأول خليتني أمسك راسي يااااااااااااااااااااااااااااااااااااااااااااااه قصيده غاااااااااارقه بالحزن و الألم احساس صارخ كاد أن يصرعني نشتم بين ثناياها رائحة الدموع فعلا كنت متشوقا و مشتاقا و متعطشا و عطشانا الى قصيده بهذا الحجم و بهذا الزخم من الاحساس لا هنت أخي الكريم و صح لسانك مليووووون و لا تهون و ذكرتني ببيت كاتبه ضمن قصيده أمس بديتها و ما انتهيت منها بس مو مشكله أحرقه لجلك في البيت أذكر حال المحبه كامله المحبه الانسجام النار من بعد الهيام الشوق احساس الأمان فالسكينه فالبروده فالجفاف أول علامات الكفاف اللي كفرها كفرها = غطاها و بحرها عبارة عن تضعيف بحر الرجز صح لسانك أخي الكريم و لله درك يا من تنتزع الآهة من بين أضلعنا أخوك قايد القلوب |
اخوي الغالي /// عثمان العبدالله .....
فوجئت بوجود هذه الرائعة ....... صبحتنا بالابداع الله لا يصبحك الا بالخير ..... قصيدة رائعة و مذهلة .......... اشكرك بعنف ..... صح لسانك و سلم بنانك ........... لك تحياتي . اخوك // غريب ،،،، |
الاخ العزيز عثمان العبدالله
هذي النهايـة واضحـه دون انكـار شوفي حدٍ غيـري بحبـي وحنانـي حبٍ بديته اشطبـه كـن مـا صـار وانتي اعدك مثـل مـن كـان فانـي صح لسانك قصيده رائعه تقبل تحياتي فارس عفاس |
| الوقت المعتمد في المنتدى بتوقيت جرينتش +4.
الوقت الان » 23:15. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع