|
فهد اليامي يحضر فوراً
ياسلام الله سلامٍ فيه من حلو المعاني = شربتينً من عسل جرذان والعد القراحي يافهد بيني وبينك علم من قبل رمضاني = ون زهمتك لاتجيني بالهجادوبالصياحي |
رد : فهد اليامي يحضر فوراً
ارحب يابو سعود والساعه الطيبه
مرحبا ترحيبةٍ مثل الرفيع امن المباني=والمعاني عندنا تاتيك من كل النواحي الاوله ماودي اعلم بها قاصي وداني=بس ذلحينه نبى نفتح لك ابواب السماحي |
رد : فهد اليامي يحضر فوراً
ابو سعود وابو عبدالله
عملاقين من عمالقة المحاوره متاااااابع ومستمتع :) |
رد : فهد اليامي يحضر فوراً
الله عليك يابو عبدالله خلوووووها عام الأول تزعل العتبان وتشوش قحطاني = مير تال الوقت مدري يافهد من تاتناحي صرت مثل الضامي اللي يجذ به صوت السواني = والنتيجه لا أرتويت ولا بريت من الجراحي
|
رد : فهد اليامي يحضر فوراً
شاعر علم يا محمد ومتابعتك شرف لنا حقيقه يابو بدر تقبل تحياتي وفائق أحترامي |
رد : فهد اليامي يحضر فوراً
ارحب يالدحيمي ويشرفنا حضورك
والله الله في الصف ولا بعلم صفر سبعه هههههههههههههههههههه ابو سعود استلم قمت اناحيلي مجاهيمٍ على طول الزماني=خير من بعض الكلام وخير من زرق الرماحي عشرنا يانايف ابن سعود ماترجع ثماني=وان تسكر باب نفتح باب في درب الفلاحي |
رد : فهد اليامي يحضر فوراً
هههههههههههههههه جانا من فهد تهديد قوي اللهجه يابو سعود :) ياسلام عليكم وعلى المبنى والمعنى والفتل والنقض متااابع |
رد : فهد اليامي يحضر فوراً
يامحمد أنتبه ترى فهد مايخلي عنه الزغلطه طيب طيب عقب سكت الذود لا ترعى العجاف مع السماني = ونتبه للراعي وقله يهوبل لا يتاحي المطيه با الخطام تقاد ماهو بالعناني = ونت لو العلم عندي كان أقلدك الوشاحي |
رد : فهد اليامي يحضر فوراً
ابو سعود دام الدحيمي في صفي ماعاد احسب احسابك
ياويلك ويلاااااااااااااااااااااااه ادري ان الفرق واضح بين بيشه وحلباني=والبلا فاللي مامميز بين مجنون وصاحي المطيه بالملاين اشتروها في ثواني=صار يمشي خلفها موكب مساء ولا صباحي |
رد : فهد اليامي يحضر فوراً
أستلم يافهد واجب أنه يوم مال الحمل ماجيت هذباني = ونت من يام العريبة منت مقصور الشّباحي حضك أقشر ولك عودٍمثل عود الخيزراني = ليه فكرك ما أستراح وليه قلبك ما أستراحي |
رد : فهد اليامي يحضر فوراً
الله الله ياسلااااااااااام عليكم
تبون الجد والله انكم اثنينكم مجرمين :) |
رد : فهد اليامي يحضر فوراً
مسااء الخير على الشيوخ :
صح الله السنتكم جميع ... لا يوقّف >>> متابعين وبقووه.. أجود التحايا . |
رد : فهد اليامي يحضر فوراً
مال حملك قبلنا واشوفك بنفس المكاني=والسبب مافيه وادي يشبه لوادي نساحي قد خذيت اللي بغيته من كتاب الاصفهاني=وانت ياطير السعد تعبان من كثر الواحي |
رد : فهد اليامي يحضر فوراً
محمد الدحيمي
عبداللطيف العمري ارحبوا تراحيب المطر والعتيبي ذا ماهو فاكني من شره لين اخلي اذاني واذنيه اررررررررررررربع والله انن المحاوره بوجودكم تشرح الخاطر تقبلوا تحياتي |
رد : فهد اليامي يحضر فوراً
خلوووها أنت مبلي مير أنا سالم وربي مابتلاني = يافهد عينت أبوعرّاب قدمك وين راحي أزين أوصافك حبيب ودايمٍ ترخ الأذاني = ون دعوك القوم جيت تهايط برفع السلاحي |
| الوقت المعتمد في المنتدى بتوقيت جرينتش +4.
الوقت الان » 02:33. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع