رديه بين اللويحان والنصافي
 

في العام 1361 ذهب شاعر الكويت الكبير صقر النصافي الى

مكه المكرمه لاداء فريضة الحج وهناك التقى شاعر نجد المعروف

عبدالله اللويحان وكانا لم يلتقيا منذ مده طويله فلما

اجتمعا ازدانت ليالي السمر باكثر من محاوره بينهما منها:

قال اللويحان:

سلام رديه من خاطري والبال منساح

--------احلى من الذوب واحلى من شهاليل القراحي

باللي لفوا من بعيد الدار مقصدهم الارباح

---------------غفران من والي الاقدار علام المشاحي

*

*

فرد النصافي:

يا مرحبا عد ما هب النسيم وعد ما لاح

--------------برق تزبر مزونه ثم منه الوبل طاحي

يا الصاحب اللي صديق لي وماشي لي بالانصاح

--------حامي علي ما مضى ما قال ذاك الوقت راحي

*

*

قال اللويحان:

فيما مضى لي بطاروق الهوى مسرح ومرواح

-------واليوم يا صقر ما يومي على الصيده جناحي

ماهوب صيدي مطاعه مير اشوف الوقت شحاح

---------------بيني وبينهم صدفات ماش ارض بياحي

*

*

فقال النصافي:

لا والله الا شعرك اسود ووجهك فيه الافلاح

-------------تبي تصيد السمين اللي قنصته بالمضاحي

مير البلا اللي منه بغى ملقافهن طاح

---------مثلي عن الصيد عند البيت مصباحي مراحي

*

*

قال اللويحان:

اخذت انا وانت هجره نرتوي من غير مياح

-------------نشرب عدود طوال ما تهقواها السداحي

يا ليتني وانت قدم الموت حيثه سقم الارواح

---------ما صرت انا بالحجاز ومسكنك دار الصباحي

*

*

فرد النصافي:

ياما عفى الله خذينا مال ملاك وهو شاح

---------------نجيه وقت الحيافه ما نصبحهم صباحي

والبعد يدننه العيرات في ممسى ومصباح

----------والقرب ما زين المبغض ولو هو كان داحي

وسلامتكم وسامحونا على القصور

جميع الحقوق محفوظه للمؤلف

اخوكم سلطان القحطاني

اخوي سلطان القحطاني

بيض الله وجهك على المجهود اللي تبذله وعلى هالاختيارات اللي اكثر من رائعه

والله لا يحرمنا من هالتواصل ياخوي

لك مني كل التقدير وعاجز عن الشكر

لك تحياتي

وبيض الله وجه من قال

ولو طال عمرك حنا نعين ونعاون وتستاهل يا بو عبيد

وتقبل تحياتي

اخوي الغالي / سلطان القحطاني

عز الله انك يوم هويت القصيد انك هويت اثمنه 000

ولا تحرمنا وانا اخوك من مشاركاتك وابداعاتك وانتقائك للقصائد الرائعة 0000

(ترانا طماعين بالطيبين اللي شرواك )

اخوي العزيز نحن بانتظارك وانتظار الجديد مما ستقدمه لنا وتقبل تحياتي واعجابي 000000

اخوي مبدع القاف

مشكور يا غالي على هذه الكلمات الرائعه والتي وان دلت

فانما تدل على نبل اخلاق صاحبها

وطلباتك اوامر طال عمرك وابشروا بالجديد ان شاء الله

وتقبل تحياتي