اشكر الاخ العزيز الشاعر الجزل/محمد الدحيمي
على دعوته لي لمشاركته ومشاركة الجزلين في شعبيات
بيتنا القديم وdatabase الشعر الشعبي في الشبكة العنكبوتية
اشكر ابوبدر واشكركم على متابعتكم.
.
.
.

خلوني ارقى فالسما بارايلي= والقى وسيلة الاتصال الهايلي
اللي تقوله شَرِكات التقنيه= في هرجها المعسول والمتحايلي
ياربعنا تعاونوا في نهبنا= ياشركة الجوال والموبايلي
هذا المواطن جوّدوه بفطحته= لايفوتكم هذا السمين الحايلي
كلٍ يعشّي في جنوبه ينهشه= القلب مفضوخٍ وحجمه عايلي
باقي مكانينٍ على فقارته= تلقونها خلف السنام المايلي
اقضوا عليه وريحوه من الشقا= لاتطاولونه بالطويل الطايلي
ياكم وطاه من الخساير والعنا= من سوق الاسهم يوم جا متهايلي
ومساهماتٍ في الهوى راحت سوا= طاروا بها لكن ماني قايلي
خلّو حياة الناس قاعٍ صفصفا= ماعاد تلقى في الوجيه سمايلي
وتجارنا في حقنا ماقصّروا= من حبهم فينا لقينا مايلي
اركوا علينا ميسمٍ ماينطفي= احر من صالي لهيب القايلي
كلٍ علينا قام يرفع سلعته= ويقول ماجا في طرف مخباي لي
والبدو جاهم حقهم في برّهم= الشاه تبكي والبعير يخايلي
يشكون حر الجوع والله ربهم= يالله دخيلك من نعيمٍ زايلي
شيٍ ذكرته يوم جا في خاطري= من بعض الاشيا اللي تعبي فايلي
والناس مثلي يشتكون من الغلا= هوايل العالم مثل هوايلي
اكتب رسايل في هموم المجتمع= وهذي رساله من بَعَض رسايلي
وان كانها ماجت على حسب الطلب= خلوني احوّل واجيب ارايلي

ارحب يابوبدر تراحيب السيل والبن والهيل
والله يبقيك يالشاعر الجزل الاعجوبة محمد الدحيمي

مرحبا يالنجدية
وصح بدنك
وشكرا لمرورك وكلامك الذرب

الرسالة الأصلية كتبت بواسطة نمرالعتيبي (مشاركة 253146) سعيد الاكلبي الله يسعد مساااااااك وياهلا بك والله شااعر رااااقي وجزل صح فكرك وعساااااك على القووووووووووه