jawal & mobily
اشكر الاخ العزيز الشاعر الجزل/محمد الدحيمي على دعوته لي لمشاركته ومشاركة الجزلين في شعبيات بيتنا القديم وdatabase الشعر الشعبي في الشبكة العنكبوتية اشكر ابوبدر واشكركم على متابعتكم. . . .
خلوني ارقى فالسما بارايلي= والقى وسيلة الاتصال الهايلي اللي تقوله شَرِكات التقنيه= في هرجها المعسول والمتحايلي ياربعنا تعاونوا في نهبنا= ياشركة الجوال والموبايلي هذا المواطن جوّدوه بفطحته= لايفوتكم هذا السمين الحايلي كلٍ يعشّي في جنوبه ينهشه= القلب مفضوخٍ وحجمه عايلي باقي مكانينٍ على فقارته= تلقونها خلف السنام المايلي اقضوا عليه وريحوه من الشقا= لاتطاولونه بالطويل الطايلي ياكم وطاه من الخساير والعنا= من سوق الاسهم يوم جا متهايلي ومساهماتٍ في الهوى راحت سوا= طاروا بها لكن ماني قايلي خلّو حياة الناس قاعٍ صفصفا= ماعاد تلقى في الوجيه سمايلي وتجارنا في حقنا ماقصّروا= من حبهم فينا لقينا مايلي اركوا علينا ميسمٍ ماينطفي= احر من صالي لهيب القايلي كلٍ علينا قام يرفع سلعته= ويقول ماجا في طرف مخباي لي والبدو جاهم حقهم في برّهم= الشاه تبكي والبعير يخايلي يشكون حر الجوع والله ربهم= يالله دخيلك من نعيمٍ زايلي شيٍ ذكرته يوم جا في خاطري= من بعض الاشيا اللي تعبي فايلي والناس مثلي يشتكون من الغلا= هوايل العالم مثل هوايلي اكتب رسايل في هموم المجتمع= وهذي رساله من بَعَض رسايلي وان كانها ماجت على حسب الطلب= خلوني احوّل واجيب ارايلي |
رد : jawal & mobily
محجووووووووووووووووووووووووووووووووووووووووووووووو ز
ارحبوا يااهل بيشه:) |
رد : jawal & mobily
اكتب رسايل في همـوم المجتمـع وهذي رساله من بَعَض رسايلـي سعيد الأكلبي .. صح لسانك .. رساله نتمنى ان تجد أذن صاغيه.. غير مستغربه الدعوة من أحد أعمدة شعبيات .. الكريم محمد الدحيمي .. والشكر لك على تواصلك مع قوافي البوح .. تحياتي وتقديري ..tsh6 |
رد : jawal & mobily
سعيد الاكلبي
الله يسعد مساااااااك وياهلا بك والله شااعر رااااقي وجزل صح فكرك وعساااااك على القووووووووووه |
رد : jawal & mobily
هلا بك ياسعيد مانت غريب على شعبيات الدار دارك ومحلك وشاعرنا الدحيمي وافي مع الوافين لاعدمناه صح لسانك قصيده فكرتها جميله اجتماعيه تهم ناس كثير لا خلا ولا عدم من تواصلكtsh6 |
رد : jawal & mobily
. . سعيد الاكلبي ارررحب يالسمي .. صح لسانك على ذا القصيده والرساله الواضحه لما نعانيه من حولنا .. |
رد : jawal & mobily
، ، حضور قوي وشاعرية لا يشق لها غبار أسمى الشعر هو رسالة يقدمها الشاعر تعبر عن مجتمعه وأنت قدمتها على خير وجه صح نبضك أخي سعيد الأكلبي ولاهان حرفك الراقي بك , , |
رد : jawal & mobily
إقتباس:
والله يبقيك يالشاعر الجزل الاعجوبة محمد الدحيمي |
رد : jawal & mobily
سعيد بن مقبل الأكلبي ماهوب عشان انه من بيشه:) والا عشان انه من اصدقاء العمر لان سعيد بن مقبل حاله خاصه جداً بالشعر وطقوس غريبه جدا جدا :) بالنسبه للي ما يعرفون سعيد عالأقل اللي ما قد قرأ له اي شي وقرأ له نصوص ممكن يشوفه شاعر ساخر وناس يشوفونه هجاء وناس يشوفونه هزلي وناس متكبر :) لكن بالنسبة لي قد يتفق معي احد وقد لايتفق هو رأي شخصي يخصني: سعيد بن مقبل يضحكني بالشعر.. يبكيني بالشعر.. يطربني بالشعر لشعره فضاء أخر فقط اقرأوه:) . . . . . . . . . حي ذا العين يابو مقبل:d |
رد : jawal & mobily
.
يا مرحبا يا سعيد انت راعي محل طال عمرك .. تزاملنا في هذا المنبر الادبي وعرفناك شاعر جزل / مبدع ..،، لله درك على ما جادت به قريحتك .. دام نبضك .. . |
رد : jawal & mobily
إقتباس:
وصح بدنك وشكرا لمرورك وكلامك الذرب |
رد : jawal & mobily
صح لسانك وسلمت يمينك على هالقصيده الجزله
|
رد : jawal & mobily
بيض الله وجهك الشاعر سعد وصح السانك
قصيده حوت الجزاله والمعنى السامي برسالة تقديره الصدق والوفا للمجتمعك الله لايهينك |
رد : jawal & mobily
سعيد الزميل العزيز على الجرح نص
يحاكي الواقع صح فكرك مبدع |
رد : jawal & mobily
إقتباس:
والله يحييك يالكفو |
الوقت المعتمد في المنتدى بتوقيت جرينتش +4.
الوقت الان » 17:52. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع