|
رد : منااااااا (ياووووطن..) اااااافي
يامسمم الفكر انا من عمري احداعش اعرف من الطائفي واللي على الملّة ماني نصيري ولا شيعي ولا داعش مسلم على سنّة محمد واخاف الله |
رد : منااااااا (ياووووطن..) اااااافي
شعّار هذا الزمان اشكال وألواني فيهم ترى مبدعين وفيهم حثاله لا لا يغّرك مهايط .. بوي / جدّاني الشاعر انسان قبل المدح والقاله |
رد : منااااااا (ياووووطن..) اااااافي
الا الوطن ..يالجعل يامدربي الروثي الاّ الوطن ..ياخبيث الساس والنيّة يخسون ياديرتي داعش على الحوثي دونك عيالك مطانيخ السعودية |
رد : منااااااا (ياووووطن..) اااااافي
مليت مليت .. من حزني ومن غلبي صحيح ماكل شقٍّ ترقعة الإبره بأبيع قلبي .. من اللي يشتري قلبي صبور يصلح لمنهو منتهي صبره |
رد : منااااااا (ياووووطن..) اااااافي
الله يجازي الفار يا مأرب مع سيل العرم والا انت يالهرش الفحل .. بنّوخك بنوّخك راحت (ارم ذات العماد ) بلا عماد ولا إرم لومك على التاريخ يالجغرافيا .. ماأرّخك تبغى الصراحة ياقزم .. اي والله ان تبطي قزم يضحك عليك بذمتي من عملقك واستنسخك بعض العرب يشهد علي الله مثل كيس الفحم ان طحت فوقه وسّخك.. ان طاح فوقك وسّخك .. يافيزياء .. الكيمياء فيها اختلافٍ بـ النٍّسب يامؤرخين المومياء يامصدقين اللي كذب ياليل محتاج لضياء تعبت ادوّر عن سبب شقي ومن ضمن اشقياء عودٍ ومن حزمة حطب الوحي وحي الانبياء الله عطى والله وهب شبب ولا لقي اوفياء يستاهلونك يالشبب لالاتغابا الأذكياء وتزيد معطوبة عطب اتّق وكن من الأتقياء شرّ الحليم اذا غضب من مسح جوخ الأثرياء لاحدّ ( حامض ياعنب ) عذرٍ يوفّي الأوفياء وعذرٍ ترى مايحتسب تبّاً لبعض الأخوياء وتبّت يدين ابو لهب تبغى الصحيح بلا رياء وبلا ملامة او عتب : بعض الأدب قلّة حيا وبعض الحيا قلّة ادب |
رد : منااااااا (ياووووطن..) اااااافي
#بوح_مختلف يوم السهر قيّل في العين وامسى حاولت ابادله .. بس ماني بداله لاجيت ابانسى الهم والاّ وش انسى ان راح همٍ جاك عشرة بداله |
رد : منااااااا (ياووووطن..) اااااافي
من شرب دم العرب حتى طفح لا يهين اسلامنا ويشوّهه ردّها لله .. يامعبر رفح حن عرب بالفشخرة والأبّهه |
رد : منااااااا (ياووووطن..) اااااافي
#بوح_مختلف وين الرقابة يامقصّ الرقابه وين الحميّا يا هل المنع والجيش اسرق رغيف .. الاّ رغيف الكتابة واهجر حبيب الاّ حبيبٍ به تعيش |
رد : منااااااا (ياووووطن..) اااااافي
#بوح _مختلف ياقلبي الطفل .. بالذّمة متى تكبر حتيش اهاوش على الألعاب ورعاني ؟ ايّة طفولة واي انسان مستهتر مليت وانا ماغير اداري احزاني ؟! |
رد : منااااااا (ياووووطن..) اااااافي
#بوح_مختلف الله يعينك على الونّات ياروحي الى متى الهم من نومي يفزّزني هو حزني المختلف والا انت يابوحي الله ما اوجعك .. يابوحي وياحزني |
رد : منااااااا (ياووووطن..) اااااافي
#بوح_مختلف بأسألك في ذمتك .. يعني عشان ايش تقفين ماكنّي بعينك ولا شي ؟ يلعن ابوه الحب والملح والعيش يامضيعتني بين حاسد وواشي |
رد : منااااااا (ياووووطن..) اااااافي
ياشخابيط الدحيمي ياسواليف الرعاه ياتناهيد الموادع في متاهات والم يارفيقي لاتعاتبني على حرفن وعاه مسمع الراوي وخطّه ف القراطيس القلم موطن احروف القوافي ضيعه ولّا رعاه ضاع من ليلة خروجه في دياجير الظلم .. اخوكم / المجدلاوي,, |
رد : منااااااا (ياووووطن..) اااااافي
#بوح_مختلف البارحة يوم كلن نامت عيونه انا عيوني على نومي تحدّاني مامسيت كنّي صويبٍ فزّ من نومه نوبٍ يفززه ضيم .. ونوب الأحزاني |
رد : منااااااا (ياووووطن..) اااااافي
#بوح_مختلف انشدوها كيف صارت شرهة الوصل القطاعة وانشدوهاعن 8 سنين وانااضيع فيها خبري بهايوم قالت لي عن اذنك ربع ساعه من 8سنين لارجعت ولازلت احتريها |
رد : منااااااا (ياووووطن..) اااااافي
#بوح_مختلف يامراحب / يامراحب / يامراحب مرحبا ياصاحبي .. وعصاب راسي صاحبي.. من لامعه في الناس صاحب اقشرٍ لاطاح .. ماطاح متواسي |
| الوقت المعتمد في المنتدى بتوقيت جرينتش +4.
الوقت الان » 15:35. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع