لاضاق صدرك يالسما في غيابه=طلّي على شبّاك صدري عصافير
تصفّحي دفتر عذابي / عذابه=كم جرح مر بخاطري / بالمشاوير
وان كانت همومي / همومِك ,,تشابه=لاني بطيّب لا ,, ولا أَنْتي بْخير

يطل الما على كف الظما( تعويذة الارواء)=وكفّيني تشكّل غيمتين بْأرض مهجورة
يطل الضو/ شبّاك العتيم وتنحني أضواء=تِقَنْدِلْني كما نورٍ يفك ازرار ديجوره
وادوزِنّي كما شعرٍ يبلّل تمْتماتْ الماء=وابلّلني كما غيمة ظما بالشعر ممطورة

http://gallery.johina.net/up/9432/1157329658.jpg





هذا الحزن
مايعرف انصاف الحلول
إما مزن
إما ذبول

..


.

تستفزّين الخطا واستاثمه=تستبيحين البكا دمع وغيم
للمسا وجه الحكايا مظلمه=يتمرجح بين نورك والعتيم

مشتاقتك هذا المسا ,, متعبة حيل=ياقسوتك,, عجزانِ تسأل عليّه
أشتاق اسولفلك عن احزاني / الويل=يمكن تخفف نبرة الحزن فيّه
كل الحكاية ودي احضنك بالحيل=وافضفض احزاني لصدرك شويه

عاري القصيد




المكان: غرفة شاعرة ترتق احلامها

الزمان: ذات مساء موغل بالشعر / والعنفوان

بين الشبابيك والابواب = أجمل قصاصاتِ منسيه
خبّيتها بين حزن كتاب = يبكي الورق في محانيّه
لو الدفاتر تضج عتاب =ماكانت حروفِ منفيّه
لدّيت انادي الورق/غيّاب = واجسّد الضحك ,,مرثيّه
ماجيت اهوجس واسد الباب = جيت ازرع الريح بيديه
جيت اتوجس واشق عْباب = بحـور شعري وقافيّه
لو كان فيني الحكي مرتاب = اقْطَعْه بالشّك لو عيّـه
ماهمني حاسد وكذاب = مادام صدقي دمـح سيّه
لو احكي الصدق او اغتاب = ماهمّنـي كذبـهم فِيّـه
ماهمني حكْيهم لو عاب = في شِعري يكفيني بنيّه
لو استفز الحضور غياب = فـزّيت لهنـاك وهنيّـه
لو هز فيني النهار اعناب = شربت من صبحه وضّيه
لو اني ذنب الشعر ماتاب = يخطيني واغفـر بـلاويّه
لبست عاري القصيد ثياب = وازهاني الشـعر في غيّه
"هوّه صحيح (الشعر) غلاّب؟!" = تبّت يدا ميـته وحيّـه
الشعر تخضع له الارقاب = ياحظ شعرٍ خضـع ليّـه
اما يجيني الشعر طلاّب = او الجمـه واعلن الجيّـه

فـ النهار ارتّب احداث الحكايه=وفـ المسا اغويت فوضى هالكلام
يستبيح الليـل صمته للغوايه=عـذرةٍ قـدّت فسـاتين الظلام
انْ بديته طِهْرْ يِتساقط خطايه=ولاندمتـه زمّلونــي بالملام
إن لِزَمْتَهْ صمت باطراف الوشايه=ثرثرت اسراري بـ كفوف الغمام
وامطرتني كره واحقاد ونكايه=واغرقتني بين (غين) وبين ( لام)
يمّمت وجهي شطر هاك المرايه=وانكـسر وجهٍ توارى في الزحام
جيت المّه باغِتْتْني هـ الشظايه=وانْبِتَتْ اطرافي الغضّـة حمام
جيت ادوّرني عِجزت الْقى سِوايه=غـادرو..الآي وحـدي و الحطام
كان بعضي للاسف ماهو معايه=ليـن كلّـي غادر ارجائي وهام
موحشٍ هذا المدى مُخزي بُكايه=غـادرٍ ليــلٍ تِغافلـني ونام
كنت اشرّع للملا بيض النوايا=مادريت ان السواد احكم زمام
كنت اشوف البعض يتخبّى ورايه=مادريت بْطعنـهم قاسـي وسام
يغزلون النور في عتم الزوايا=يستبيحون الدموع بابتسام
جيت ابَسْدِلْ ليل صبري و النهايه=جيت اسلّـم وارفـع الرايـه امام
كان ودي اتمادى بالحكايه=لكــن اللحظـه تِثَنّـتْ لِلسّلام

تعبت كثير والعتمـة تجاذبنـي الحديـث بطيـش = أسايرها واخبّـي مابقـى مـن نـور فـي دمـي
أجامل وابتسم واضحك /اهادن في سبيـل العيـش = وانا ادري اني مكسـورة جنـاح وهدّنـي همـي
أسولف يختنق صمتي يحاصرني السؤال بـ(ليش؟) = تبعثرنـي اجاباتـي وذاب الصمـت فـي فـمّـي
مابين الممكن الاجمـل وبيـن المستحيـل اعيـش = بشّرع هالنوافذ وامسح الماضـي طـرف كمّـي
كثيراتمرجح بحلمـي واغيّـب واقعـي بشويـش = مابين الحلـم والواقـع تبعثـرت وغـدا حلمـي
تعبت ادوزن ايامـي واعوّدهـا علـى التطنيـش = تعبت اهز جذع النـور يتساقـط رطـب غمّـي
أهدهـد طفلـة فينـي بريئـه هدّهـا التكـديـش = واشكّـل فـي ملامـح خيبتـي واوقّـع باسمـي
اقلّب فـي الدفاتـر والمـح وجيـه لهـا قدّيـش = بعضها يحتريني (حلـم) وبعضـه غايتـه ذمـي
أبحطب في ضلوعي واحرق احزاني ولو حتّيـش = يغافلنـي المطـر والريـح والغيمـات والوسمـي

اقلب في الدفاتر/في الوجيه واسمع لـ(قديش)*= وانا محدن نطرني في الصحو او اقترب يمّي

رحلت ومابقى غير الحزن والجرح والذكرى=أخبيهم بـكرّاسي وتنبـت شعـر باوراقـه

عادي تهز أغصان قلبٍ يضمّك=لكن مهوب عادي تكسّر غصونه

يمد من الظما كفه /امد من الظما كفي=ونتمدد وسط غيمة / مطر والروح عطشانه

نام وتلحّف راحتيني / حناني=للبرد بضلوعي حكايا/ تفاصيل

سألت الليل جاوبني صباحك=كأن الصبح معقود بجبينك

شباك هذا المسا مفتوح= والبرد/ دمعٍ يدثرني