|
رد : خيمة الهلاليين والنصراويين وغيره مانبي :)
:)
|
رد : خيمة الهلاليين والنصراويين وغيره مانبي :)
كني لمحت ابتسامة نصراوية في الأعلى لا بأس !! http://www8.0zz0.com/2011/09/15/20/944887574.jpg هآآآآرد لك ياهلالنـــــــــــا .... وأملنا بالله تعالى أن لا تعيق نجومنا ويستمرون بالعطاء والتميز |
رد : خيمة الهلاليين والنصراويين وغيره مانبي :)
ابو مقبل : جايب لك تجوري الكروت الحمرا كلها خلك قريب :biggrin: يا ادارتنا الموقره : كرما منكم اعطوا مشرفتنا الهلاليه الاستفزازيه جداً الجااااازي باند اقلها حتى نهاية الدوري تراها ترفع الضغط :biggrin: هين راجع لك ان شاء الله يالجازي بس خليني انتهي من ردي على تعليق خالد البلطان وما ادراك ما البلطان حول تهميشه لنادي النصر |
رد : خيمة الهلاليين والنصراويين وغيره مانبي :)
هالله هالله وش هالتجمع الجماهيري .. اووووه يابتصير هوشات هنيا وبتطلع كروت حمر وصفر انا مالي بالكوره خلوني الحكم:D تدرون عاد انو افرح لما تجي مباره انا شجعت كل الفرق تقريبا .. الاّ النصر تعرفون ليش ..!؟ سلمكم الله لما تجي مبارة براهن على الفريق الي حاسه انو بيفوز ::heart::::heart:: ودايم اكسب من هالرهانات طلعات وتماشي وتسوق :cool: واكثر فريق كنت اراهن عليه رهانات ضخمه فديته النــــــصر ضامنته بجيبي:D شفتوا اشلون يالطيبين . . هالحين بجد ابو بدر ماودك المباره الجايه ارهانك على الأسكاليد:devil::p |
رد : خيمة الهلاليين والنصراويين وغيره مانبي :)
ياشاماتت ابله. ظاظا فيك يالزعيم:d عقبال النصر:d الاماتلاحضون ياهلالين مامدانانفتك من رادوي ومشاكله الااطلعو لنا بايمانامدري ايباما:d ماعندهم شغله الامحترفين الهلال الزعيم يبقى زعيم واللي موعاجبه يطق راسه باي قسم بالمنتدى بس بشويش :d لاحد يكسرالمنتدى:d |
رد : خيمة الهلاليين والنصراويين وغيره مانبي :)
رئيس نادي الشباب خالد البلطان ((وهو بالمناسبة لمن لايعرفه رجل غني من ضمن نسبة ال 10 % من الأغنياء المسمين بالمرضى لأن 90 % من الأغنياء محترمين ونسبة ال 10% الباقية مرضى و اعطاهم الله شوية دراهم ويحسبون انهم بيقدرون يشترون البشر أو يستعبدونهم ونادي الرياض الذي اشتراه ومسح بكرامته الارض ولاعبي نادي الرياض اكبر دليل)) ماعلينا المهمم .. البلطان هذا في كل لقاء ومقابله (( ايضاً بالمناسبه لايستضيفه الا قناة الرياضية السعودية احيان للطقطقه عليه فقط)) البلطان من عرفته وهو غاثنا بتصاريحه واستنتاجاته واللي كلها تتلخص في ان الأربعة الكبار من وجهة نظره ليسوا اربعة هم ثلاثة كبار فقط في الكره السعودية وهم : الشباب / الهلال / والاتحاد ياخي سامج جداً من شهرين لهلحين سامع له اكثر من 4 تصاريح واخرها البارح وكلبوها النصر لايستحق ان يكون من الكبار والكبار هم 3 الشباب والهلال والاتحاد فقط ياليت من يعرفه يوصله الرساله ويقوله : ياخي غثيتنا وصدعت رووسنا ماحد جاب خبرك الأربعة الكبار هم : النصر / الهلال / الأهلي / الإتحاد ومسمى الأربعة الكبار مجد لهم والمجد لايمكنك تهميشه وقدرتك الماليه لن تشتري لك المجد عجبك يالبلطان والا بلّط البحر |
رد : خيمة الهلاليين والنصراويين وغيره مانبي :)
الله يستر من هالموضوع :)
عاد هالسنه الهلال مش ولا بد خصوصاً المحترفين أمانا مدري شسمه الكمروني وش قدم على شانه يلعب باروبا وش قدم للكمرون بتصفيات افريقيا الى داج واكبر دليل البارح مع الشباب يوم قلت حيلته قام يتكلم على الحكم ويكسر لا بعد تراه تفل على الحكم واتمنى التحاد السعودي يعطيه باند >>> متأثر بالمنتديات ولكن مع هذا اتمنى للهلال التوفيق مع ان هالموسم لي عليه للهلال :) لو لم يكن أجمل الالوان ازرقها ............... ماختاره الله لوناً لـ السماواتِ |
رد : خيمة الهلاليين والنصراويين وغيره مانبي :)
إقتباس:
.. ياهلا فيك أختي الحبيبة .. ربي يسعدك دوم شوفي ياحووبي لتس .. أنا مالي بالرياضة .. بس أنا أحب النصر كذا خلقه ^^ ماله دخل بتسميات عالمي ولا مهوب عالمي .. إذا قاهرتكم هالتسمية يامعشر الهلاليين خلاص شيلوها .. سمحت لكم ترى ذذ ^^ .. بس لاتنسون انكم مازلتم نادي محلّي .. وتبطووون تفحطون ماجبتوها .. .. : ) ..... ()() |
رد : خيمة الهلاليين والنصراويين وغيره مانبي :)
:D حرام عليك وش قلت انا إلى هالدرجة كان سؤالي صعب ومحرج ومحبط :D
طيب ياهنوده دامك ماتعرفين اسألي دورّي عن اجوبة اسئلتي واحد واحد tsh2 حتى بس ماتكونين مع الخيل ياشقراء http://www.sh3byat.com/vb/images/icons/icon30.gif النصر اوكي بس عاااد .. عالمي ! شوفي بس اصل اللقب وين جاء تكفييين حتى تكونين ملمه بتاريخ ناديك جاوبوني ياكل النصراوييين واذا امكن الهلالييين اللي مطّلع على حقيقة العالمي http://www.sh3byat.com/vb/images/icons/10111.gif جاوبوني ولي رجعة لكم بحول الله قوته وحفظه ::heart:: |
رد : خيمة الهلاليين والنصراويين وغيره مانبي :)
هههههههههه يختي لاتنبشين .. خلينا فرحانين بالعالمية .. ماعندنا بطولات ولا شي يوسع الصدر
إذا أخذنا بطولات هااااك الساعة دوّرت أجوبة أسئلتك ^^ حبي لك بس .. تشبهين لصديقتي الهلالية المتعصبة جدا دايما حاشرتني بهالأسئلة ههههه الله يحفظك .. : ) ..() |
رد : خيمة الهلاليين والنصراويين وغيره مانبي :)
انابقولك ياخت الجازي:d لانه كاسرن خاطرهم وعطوه اللقب عشان يتفائلون وعل وعسى يروح لونص العالميه :d |
رد : خيمة الهلاليين والنصراويين وغيره مانبي :)
وراه فيساتكم ماتطلع. هع
|
رد : خيمة الهلاليين والنصراويين وغيره مانبي :)
شكراً تركي على الموضوع اللي يهم كل مواطن ومواطنه :) ابو مقبل الدوري تونا في اوله الله يستر على الجميع ماحد معصوم :) النصر والهلال خساره مايهم الأهم الأنجازات وهند حبيبتنا ( وشاهد شاهدا من اهلها ) :D اهداء لكل الهلالين http://www.youtube.com/watch?v=JDB92HfA170 |
رد : خيمة الهلاليين والنصراويين وغيره مانبي :)
ههههه
اغلب مشجعي الهلال هنا اخوات عزيزات ولانقدر نقارعهم مقارعة العالميين وبعدين فيهم مسؤلات ومعهم كروت هههههههه لكن خلوا العالميه رااااااحت وحلي يامحلي :) قلت لكم من اول حنا نشجع كيان ياخذ بطوله ينزل درجه ثانيه حنا معه صحيح مايعجبنا الوضع لكن مخلصين للحب لكن انتوا تشجعون افراد واسماء وحبكم موزع ومشتت يجمعكم الفوز وتفرقكم الهزيمه :) والدليل جماهير الهلال تتابع العين :) الله يسعدكم كلكم * |
رد : خيمة الهلاليين والنصراويين وغيره مانبي :)
الجازي : انتي بالذات نطالب انك ماتنزلين مقاطع يوتوب لأنها تنرفز وترفع الضغط وتحث على الهوشه والتعنصر :biggrin: بعدين تعالي خابره يوم شجعنا الهلال كلنا كإنا نشجع المنتخب وفشلنا للمره الثانيه قدام الفريق الايراني 70 الف متفرج جابنا على وجيهنا ياكدّ مالك خلف يامحلي انتم :) نجلاء الشريف : ماتشجعين ولا نادي ؟؟؟ وش جايك على النصر اجل؟ يعني يانكره يا مانعرف نحب وبعدين مابغى اراهنك :mad: اشوى اني ماراهنت عالمباراه اللي البارح :biggrin: والله يعافيكم يا ادارتنا الأخت هذي نبي تعطونها باند مع الجازي هي ونوره العجمي وذلك لتحريضهم الهلاليين على العالمي :) ابو مقبل : ماش ماتنفع الكروت معهم ادارتنا كلها هلاليه ياخلف ربي:biggrin: هند سليمان : كفووو عندك اياهم احشريهم :thumb: لبا النصر وربي النصر عشق وانتماء لا يمكن ان يفهمه الا عشاق الشمس |
| الوقت المعتمد في المنتدى بتوقيت جرينتش +4.
الوقت الان » 00:04. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع