|
عندي لك مفاجأه ..
السلام عليكم .. ابدخل في الموضوع على طول .. وشو له اللف والدوران في انصاص الليول :D في حياة كل انسان منا مفاجئات منها السعيد ومنها الحزين وبعضها غريييب جدا ... والانسان بطبعه ينجذب للمفاجئات ولو يقول له احد عندي لك مفاجأه بس ابقولها لك بعدين يموووت قهر لين يعرف وش هي المفاجاه <<< صح والا لا اعترفوا ;) وشعوره وقتها لا يوصف ويختلف منه لغيره وهذا يرجع لحجم المفاجأه حتى احيان يعجز هو نفسه عن وصف شعوره لحظة تلقي المفاجأه ايا كان نوعها .. وهنا اتمنى من الجميع يعطينا وش المفاجئات اللي حدثت له في حياته سواء سعيده او حزينه ويصف لنا كيف كان شعوره وقتها اذا امكن وممكن يرجع اذا تذكر شي جديد والدنيا ما تخلى من المفاجئات .. وانا اول واحد راح اقول لكم tsh1 بالنسبه لي من الفاجآت وكانت سعيده :lily: كنت مره رايح للعمل وكان باقي على الراتب كثير وطفران من جد :frown: وقعدت اكلم نفسي وش بسوي الحين لين يجي الراتب tsh8 وامر من عند امين الصندوق واسلم عليه على الماشي والحال واضح :Copy of 0 مادريت الا ويناديني ويقول لي وش فيك عسى ما شر ياخوي وش فيك شايل الدنيا على راسك ؟؟ قلت له ابد ما فيه شي :frown: ورحت امشي من عندهوانا اجر رجولي جر الا هو يناديني تعال يارجال ابيك لك عندي شي :stern: والتفت عليه وقلت وش عندك ؟ قال تعال ترى انتدابك نزل ماودك تستلمه :lickerlip انا وقتها ومن هول المفاجاه رجعت امشي مليون وتغير الوضع 180 درجه وامعط الدراهم واقول له الله يجزاك خير ما تبي سلف :D وفعلا كانت مفاجاه سعيده كثيييير وفكت ازمه من جد :lenovice: عاد ياحلوين ورونا مفاجئاتكم وان شاء الله كلها سعيده . |
رد : عندي لك مفاجأه ..
ياي موزوع رهيب من جد
تهبل يا عبدالرحمن اممممممممممم ما احب المفاجآت الحزينه :( بتذكر وارجع لك بس موضوع جونان من جد يسلمو خيو |
رد : عندي لك مفاجأه ..
|
رد : عندي لك مفاجأه ..
اهلين غاده منوره ..
تشرفنا خيتي بجيتك ولا تبطين عودي علينا .. بانتظارك .. |
رد : عندي لك مفاجأه ..
هلا وغلا بصالح خويي بالشقه ههههههههههههه
ههههههههههههههههههههههههههههههه يا انك دمج اجل هالمفعوص يدب الرعب في قلوبكم خخخخخخخخخخخ يسلم لي هالحضور وكثر الجيات خبري بك ما تخلا من المفاجئات .. دمت بخير . |
رد : عندي لك مفاجأه ..
هلا بوداحم
مشتاق لك وللعبدالكريم وللجميع والله انا مفاجئتي كانت حزينه للاسف جدا حزينه بس باذكرها لاني اليوم الرجال مهو راضي يفك من بالي كانت مبارة المنتخبالسعودي ومنتخب الامارات المنتخب مهزوم كنت اشوف المباره في الاستراحه مع واحد من اخواني خلصت المباره سكرنا التلفزيون ضايقه صدرونا قال اخوي تعشى قلت بامشي قال اجل انا بامشي بعد رحنا بيوتنا ماجاني نوم قعدت مطفي التلفزيون ومقابله وساكت وام خالد تقول لي كل هذا عشان الكوره انساها قلت لا عادي بس باقعد شوي مع نفسي قعدت قالب جوالي على وجهه عشان ما اشوفه يدق ما بي ارد على احد وقاعد رفعت الجوال بعد ربع ساعه لقيت 40 اتصال ومسجات كثيره ما فتحت ولا واحد منها قعدت ابكي مادري ليه بس ابكي جاني اتصال من واحد يشتغل مع الامير الوليد بن بدر قال فيصل كلم الشخص الفلاني ضروري ما استعوبت جاني اتصال من الشاعر فالح بن طاحوس قال فيصل كلم نواف اخوك بامريكا ضروري جدا ما استوعبت ولا سويت شي بعد عشر دقايق دقيت على رقم المرحوم عطني نغمة مشغول وما قد سواها بحياته اتصلت على الشخص الي طلبوا مني اني اتصل فيه رد علي ساكت وعطى التلفون فيصل العبدالهادي رد علي فيصل قال هلا فيصل قلت له خير قال ما فيه شي بس ابو خالد تعب بمجلس الامير سلطان شوي وهذا حنا معه بالمستشفى بس ادعوا له قلت علمني وش فيه ولا تقول ادعوا له قال صدقني ما في شي قلت اسمع فيه رحله تطلع من البحرين الساعه 7 ونص الصباح باخذها واجيكم قال لا ما له داعي يا فيصل قلت له ليه قال لان الامور طيبه ان شاء الله قفلت منه وقعدت ابكي حسيت انه خلاص بس ما صدقت دق فهد ولده وكان توه راجع من ابو ظبي راح يسلم على ابوه لانه بيرجع امريكا دق علي واسمح صياح وصراخ قلت وش فيك يا عمي قال عمي صحيح الي سمعناه يا عمي قلت وش سمعت قال يقولون ابوي مات قلت لا لا لا تقول كذا عيب عليك تقول عن ابوك كذا استح على وجهك وانتبه لكلامك يا فهد مادري وش جاني ماني مقتنع قلت له وينك فيه قال في بيتنا قلت لا تتحرك باجيك الحين الساعه يمكن كانت 1 طلعت لا شعوريا ولا ادري ايش كنت حتى لابس فتحت باب الشارع باطلع اروح مشي بيت اخوي اصحيه من النوم يروح معاي بيت المرحوم نشوف عياله فتحت الباب الا نسيبي بوجهي يبكي ويقول عظم الله اجرك يا فيصل هنا خلالالالالالالالالالالالالالالالالالالاص طحت على الارض وقعدت اطالع فيه واقول له متاكد قال ايه الباقي كان صعب بكل ما فيه صعب من روحتي لبيت اخوي اهدي في عياله الى وصول جثمانه وتغسيله وتكفينه والصلاة عليه ودفنه الى الصراع مع النفس عشان تصدق الخبر الى الى الى الى الى الى الى مرور سنه من وفاته اللهم لا اعتراض اللهم لا اعتراض اللهم لا اعتراض الله يرحمك ويغفر لك يابو خالد ويدخلك الجنه دون حساب ولا سؤال برحمته سامحوني |
رد : عندي لك مفاجأه ..
فيصل :frown:
الله يرحمه يا رب ويرحم اموات المسلمين اجمعين طيرت من راسي كل شي خليتني اصيح :frown: |
رد : عندي لك مفاجأه ..
هم العيال الله يهديهم مسوين عليك مؤمراه عشان تصحين
خلاص يا شباب غاده صاحت لا عاد احد يجيب سوالف تحزن :) غاده سلامة قلبك وعينك من الحزن الحمدلله على كل حال والله كريم النسيان نعمه من الله بس احنا ننسى جزء من الم الموقف وحسرته ولكن لا يمكن تنسين الموقف او راعيه المشاركه الجايه بتكون باذن الله فرح في فرح وانا اسف لك وللجيمع بس امس كنت في مود فضفضه :) |
رد : عندي لك مفاجأه ..
تيب :)
تسلم يا رب ويسلم راسك وتعيش وتحكي لنا :) |
رد : عندي لك مفاجأه ..
طيب عندي لكم مفاجاءه كتعويض للبلاوي الي انكتبت وحزنت غاده :)
غيرت لكم الصوره بمشورة النكبه محمد الشهري مادري ليه انا اطاوع النبكه وجه الكلفس بس المهم يومين وارجع الصوره الي تطل في اجهزتكم عشان اشوف وش تكتبون :) |
رد : عندي لك مفاجأه ..
فيصل
هلا بك اخوي وتشتاق لك العافيه والقلوب عند بعضها .. والله يرحم اخوي الكبير عبدالله رحمة الله عليه واللي خسارته كبيره بكل المقاييس وربي .. صدقني المفاجأه هذي كانت كبيره على كل شخص سعودي وكل شخص يعرف عبدالله واللي زامله وعرفه اتحدى اذا ما نزلت منه دمعه ويستاهل من يبكي عليه خدم الوطن وكان ونعم الرجل رحمة الله عليه وذكره وذكراه طيبه وهذا عزانا الوحيد .. الله يهون عليكم فقده وهذي سنة الحياة وانا اخوك .. والله يسكنه جنات النعيم ويتجاوز عنا وعنه واموات االمسلمين والعوض بكم وبعياله ان شاء الله .. قبله على راسك يابعدي . |
رد : عندي لك مفاجأه ..
واو مسيو فيصل عن جد صورة ولا رشدي اباظه بزمانه
ما شاء الله كيوت :D تصدق عاد قليل اللي تطلع البدل عليهم تمام تكفون اللي عنده كرش لا يلبس بدله :o بقول لكم موقف حصلي هو مفاجعه بس مو لي :D من يومي صغيره وامنيه حياتي البس نظاره ( تصدق يا فيصل حاسدتك على نظارتك هع ) :D الموهم وانواع التمثيل مامي ما اشوف اقرأ زين دادي عيوني مدري وش فيها ما اشوف الحروف وعلى ذا الموال لين مامي خافت قالت بنتي وعيونها كله ولا العيون من وين نلاقي معرس لا عمت :D رحنا الدكتور وانا بطيرررررررررررررر فرح ووناسه اخيراً بحقق حلمي الكبير والبس نظارة واروح للبنات اقهرهم ( دلاخة محسبتها شي سنع ) رحنا وجلست على الكرسي وانا اقول ياربييييييييه متى البسها بس وبدانا مشوار القياس كل ما يحط لي عدسة اقول لا ما اشوف ذي مسويه وجهك عشر وذي طشاش الدكتور بدأ يعصب يمكن نص ساعة او اكثر وحنا نقيس ونجرب وماااااش ما شي زان آخر شي قال ذي آخر عدسة لو ما صلحت ما عاد فيه ونشوف وش نسوي انا قلت امري لله اخذ اي عدسة المهم البس نظارة لو ما اشوف عادي نلاقي حل للمشكلة وحط لي العدسات وقال ايهم زينه انا شفت وحده واضحة ويااااااااااااااي اخيراً لقيت ذي يا دكتور واحط اصبعي الا هو داخل عيني :rolleyes: ههههههههههههههههههههههههههههه الدكتور شميت ريحة شياطه من القهر يقول بئى البت دي المفعوصة تضحك علينا عادي تحصل بأحسن العائلات الموهم الاخلاء :D رجعت البيت ودش بارد من مامي ودادي يناظرني بنص عين عاد دلوعته ما وده يزعلني بس مقهور tsh1 وتوته توته خلصت الحدوته حلوة والا ملتوتة :D |
رد : عندي لك مفاجأه ..
هلا غاده ..
<<<<< يلبس نظاره واسالي فيصل هو اللي مسميني ابو عيون هههههههههههه وانتبهي من النظارات ترى اولها دلع واخرها ولع <<<< والله لوهي دخان خخخخخخ |
رد : عندي لك مفاجأه ..
انا عندي لكم مفاجأه
ابرجع قريب شهر او شهر و نصف طبعا اول ما ابرجع بقول اني ابشوفكم ثمن ابرجع و انا ما شفت احد بس صدقوني النيه مطيه |
رد : عندي لك مفاجأه ..
|
| الوقت المعتمد في المنتدى بتوقيت جرينتش +4.
الوقت الان » 00:53. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع