احساس وانسان
يشدّني شعر الدحيمي وضيدان=وآحب بن وسام وأعشق قصيده وأردد أبيات الفريد ابن جدلان=ويطربني القرقاح شاعر عبيده وايضاً خلف شعره رجح كل ميزان=شاعر وطن زاد التواضع رصيده ولا يفوت اذكر سفر بن حميران=امروض قافه على ما يريده واشوش لابيات الطنيني كحيلان=أبو رعد راعي الخصال الحميده ومحمد ابن الذيب في كل ميدان=يالله يافكاك النشب فك قيده ومحمد ابن فطيس لا من ظهر بان=حاز المراجل والنواميس بيده وابن بديع وابن شيبه لهم شان=وعلّوش كم جانا بدرّه فريده اعدهم من غير نقصٍ وحقران=في باقي الشعار كلٍ وفيده وِالا الوكاد إن كلنا أحباب واخوان=كم شاعرٍ جانا بفكره جديده أنا أشهد إن الشاعر (اِلـ) ربعه (اِلـ) لسان=وسيفٍ على الَخوان يقطع وريده والشعر يبقى للعرب خير ديوان=هذا كلام أهل العقول الرشيده الشعر ما هو بس وزنٍ وقيفان=الشعر تاريخ اِوْ علومٍ مجيده الشعر حكمة موعظة وصف تبيان=رسالةٍ للعالم المستفيده بالشعر كانت تؤخذ اِعلوم لَلَوطان=بالشعر تدنو الفايتات البعيده بالشعر يا كم صِك للشر بيبان=وبالشعر فك مقيَّدٍ من حديده بالشعر يمدح كل ونعم وبطران=ويهجابه اِضعاف النفوس البليده بالشعر يسلى كل مغرم وشفقان=إما يداوي الجرح وِلَّا يزيده دام القصيد احساس والشاعر انسان=حيالله الشاعر وحيا قصيده تحياتي للجميع محبكم ابو بدر الاثنين 13 محرم 1434 |
رد : احساس وانسان
الله الله الله ابداع انسياقي جميل وروعه لاتشبهها روعه الا درر الشاعر ابوبدر حي الله الشعر وجزالته صح لسانك والله الله لاتحرمنا الجديد يالرائع وانا هنا متابع ابو مشهورالصائغ
|
رد : احساس وانسان
إقتباس:
الشاعر القدير ابو مشهور الصائغ الروعه تكمن في مرورك العطر والجميل كل الشكر |
رد : احساس وانسان
الشاعر العذب : ظافر الامير
صح لسانك واعتلا شانك مبدع وممتع لله درك اتمنى لك التوفيق |
رد : احساس وانسان
إقتباس:
ابو مشهور الروعه تكمن في مرورك العطر كل الشكر والتقدير |
الله الله الشعر حكمة موعظـة وصـف تبيـان رسـالـةٍ للـعـالـم المستـفـيـده صح السانك يا ظافر |
رد : احساس وانسان
إقتباس:
|
رد : احساس وانسان
إقتباس:
|
الوقت المعتمد في المنتدى بتوقيت جرينتش +4.
الوقت الان » 07:22. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع