|
((الإحتباس الحراري .. في صحيح البخاري ))
صلوا على النبي .. حنّا بشر فينا من الزين والشين والكامل اللي بالمخاليق داري نوّحد الله مثلكم يامسلمين ماحن يهود ولا عيال لجواري ماعابنا فقرٍ ولا عابنا دين فطورنا ( فول ) وغدانا ( بخاري ) نمشي على قانون رب القوانين ماحن بسلعة بين بايع وشاري ياشيخ تسلم .. للضعوف المساكين وتسلم ( يابنك التنمية يالعقاري ) لكن ترى الفتوى سلاحٍ بحدين الحمد لله ماتجي بالمصاري (القادسية) تعتبر أم (حطين ) ووريثة ( اليرموك ) ( ذات الصواري ) (الأندلس) راحت وراحت (فلسطين ) والصبح له غبشة .. ولليل ساري تبغا تجنّنا .. وماحن مجانين ! تبغا تعرّينا .. وماحن عواري! واذا سكنّا بالحواري من سنين لاتحسب انّا من عيال الحواري نصلّي بمكه سواة المصلّين ومن حازمي بيشة قدعنا الصفاري ياشيخ حنّا نفهم الشرع والدين لاملحدين ولا خذتنا الطواري الله يقاك .. من انسداد الشرايين والله يقانا .. مـ الردى والمزاري لاتؤخذ الحجّة بدون البراهين ومادمت جاري فأنت في حكم جاري يمّا انها اْخذت رابعتك الشياطين يمّا سببك (الإحتباس الحراري ) واذا اختلف (بن باز) مع (بن عثيمين ) حنّا على ذمّة ( صحيح البخاري ) .. المقر بما فيه : الفقير لله .. محمد الدحيمي |
رد : ((الإحتباس الحراري .. في صحيح البخاري ))
واذا اختلف (بن باز) مع (بن عثيمين )
حنّا على ذمّة ( صحيح البخاري ) جميل يابو خالد عودتنا على أفكارك المختلفة وتميزك المنفرد صح قلبك ياشاعرنا وحفظك الله يامبدع :rose: |
رد : ((الإحتباس الحراري .. في صحيح البخاري ))
الله عليك يابوخالد
(حنا على ذمة صحيح البخاري) اختصرت مايقال في شطر صح لسانك |
رد : ((الإحتباس الحراري .. في صحيح البخاري ))
إقتباس:
لله درك يا من أقررت بهذا الجمال صح كلك |
رد : ((الإحتباس الحراري .. في صحيح البخاري ))
اشتقنا للشعر إيها الغيث
نحمد الله ليلاً نهاراً على سلامتك اشتقنا لك فعلاً :rose::rose::rose: |
رد : ((الإحتباس الحراري .. في صحيح البخاري ))
واذا سكنا بالحواري من اسنيين
لا تحسبنا من عيال الحواري .. اسلوب راقي وسلس لا يمتلكه الا شاعرنا واستاذنا مجمد الدحيمي كم انت مثير للاحاسيس في حضورك وكم أنت مثير للدهشه في نصوصك بأختصار محمد الدحيمي شاعر غير تقليدي رسم لنفسه طريق مختلف لا نزال ننهل من إبداعه الصافي شكرا شاعرنا |
رد : ((الإحتباس الحراري .. في صحيح البخاري ))
اللهم صل وسلم على سيدنا محمد
ماشاءالله تبارك الله وصح لسانك مليووووون ولايكفووووون يالدحيمي قصيده لايختلف عليها اثنين فلا زال محمد الدحيمي يكتب كما كان اتذكر قصيده لك قديمه نوعاً ما كانت اول ماقرأت لك ومن ذلك الحين وانا اتابعك ومن الأشد المعجبين بماتطرح وكان تسجيلي بهذا المنتدى نتيجه لوجودك فيه كنت تقول واذا جاء الليل تجمعنا ثلاث اخوان طراحه جميل يامحمد بكل حالاتك تكتب واقع حزين وتعبر عن هموم تكابدها وتولد من هذه المعاناه معلقات تخلد بالاذهان لاهنت ولافظ فوك تقبل مروري وتقديري اخوك بندر الرشيدي |
رد : ((الإحتباس الحراري .. في صحيح البخاري ))
اللهم صل وسلم على سيدنا محمد
ماشاءالله تبارك الله وصح لسانك مليووووون ولايكفووووون يالدحيمي قصيده لايختلف عليها اثنين فلا زال محمد الدحيمي يكتب كما كان اتذكر قصيده لك قديمه نوعاً ما كانت اول ماقرأت لك ومن ذلك الحين وانا اتابعك ومن الأشد المعجبين بماتطرح وكان تسجيلي بهذا المنتدى نتيجه لوجودك فيه كنت تقول واذا جاء الليل تجمعنا ثلاث اخوان طراحه جميل يامحمد بكل حالاتك تكتب واقع حزين وتعبر عن هموم تكابدها وتولد من هذه المعاناه معلقات تخلد بالاذهان لاهنت ولافظ فوك تقبل مروري وتقديري اخوك بندر الرشيدي |
| الوقت المعتمد في المنتدى بتوقيت جرينتش +4.
الوقت الان » 21:57. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع