رجل بلا بندق
 

بسم الله الرحمن الرحيم

السلام عليكم ورحمة الله وبركاته

بينما مطلق ابن التاسعه يرعى ابل ابوه سقيان التوم

وهو من الحفاه من قبيلة عتيبه اذ اقبل عليه رجل يحمل بندق

عرجاء وعرض عليه شراء البندق مقابل قعود واحد ثمنا لها

فوافق مطلق واعطاه القعود

وعندما عاد في المساء ومعه البندق استغرب ابوه واستفسر

عن ذلك فاخبره مطلق بما حدث

فرح الابو رغم ان البندق عرجاء اي بها اعوجاج فلا ترمي

ولكن لان البنادق نادره في ذاك الوقت اما القعود فبداله

قعود

وقام سقيان باصلاح البندق وكان معها كميه من الطلقات

وحين فرغ من اصلاحها قام بتجربتها على هدف وضعه بعيدا

فاذا هي تصيب الهدف بدقه

طبعا زاد فرحه وفخر بولده فقال قصيده على لسان ولده

منها ها البيتين:

*

*

خله وانا طلاق يمشي عزاله

--------------------يشتال مشعابه ويشتال حاشيه

رجل(ن) بلا بندق ولا له خياله
----------------------اللي يقزي بنت عمه يقزيه

وسلامتكم وسامحونا على القصور

جميع الحقوق محفوظه للمؤلف بدر الحمد

اقول ياليت البندق معي مع انها عرجاء بس تنفع

مابي اطول كلام :اقولك مشكور وماقصرة يا الغالي

يا هاوي قصيد عشت والله وسلمت يمناك وياليت بعد

تواصل معنا بالسوالف والقصايد وكثر الله من

امثالك وانااخوك اقولك لك مستقبل في الشعر والسوالف

:cool: <IMG SRC="cwm11.gif" border="0"> <IMG SRC="cwm11.gif" border="0"> :cool:

هلا والله اخوي مطرح القعدان

ابشر ان شاء الله باللي اقدر عليه والله يخلي الكتب هي اللي

حفظت لنا السوالف والقصيد والله يطول عمرك

وتقبل تحياتي

بيض الله وجهك ياسلطان ومقصرت وعز الله اني احب مواضيعك واحب اقرالك واقترح ان هالسوالف كلها توضع بالصفحه الرئيسيه بالموقع بدل من الصحافه الشعبيه لان الصحافه الشعبيه مااتوقع انها فكره ذربه ولكن اتوقع لو يوضع باب لمثل هذي المواضيع يكون افضل للموقع وللقاري والله لايعدمني اياك

بالنسبه للاقتراح فهذا شي راجع للاداره وحنا اعضاء على باب

الله

يا غالي تسلم على كل كلمه والحمد لله ان اللي اختاره يلاقي

معجبين مثلك وشرواك طال عمرك

وكل اللي نسويه هو خدمه لتراثنا الشعبي

وتقبل تحياتي يا غالي

رجل(ن) بلا بندق ولا له خياله
صدق
الاخ
هاوي قصيد
مشكور الف شكر

الله يطول لي عمرك اخوي هميل

وعاجز عن الشكر لهذا التواصل الرائع

وتقبل تحياتي

اخوي هاوي قصيد

رجل(ن) بلا بندق ماله خياله
................اللي يقزي بنت عمه يقزيه

صح لسانك ,,,,,,,,,,,,,,,,,
ونتطلع للجديد
وترانا معكم دائما

تسلم والله اخوي ملاحي الهبايب

بس ان فزعت لاخوك بكم سالفه وقصيده والله اني شاكر ومقدر

لك وتقبل تحيات اخوك يا غالي

اخوي هاوي قصيد تسلم على هالرواية

والله اني مقدر عملك رغم مشاغلك الكثيرة

تسلم وتعيش لكل من يغليك

وترجع سالم(ن) غانم

تسلم يا الغالي بو نوت

ورائع انت بهذا التواصل الاروع

وتقبل تحياتي