شعبيات - عندمآآ حبني أوباما ..// ..-مشــآآرك-

صبح صبح على الحلوين :rolleyes: ~> استغفر الله كذبت :frown:
يارب سآمحني ...

مدخل /
جعل اللي يبي يتزوج يتزوج / واللي تبي تتزوج تتزوج
<-- باللهي ذا مدخل أنتي ووجهتس ؟

في هذهـ الاثنـاء أبعترف بشي بس أوباما مترجيني ما أعلم
هو أنا راحمته مابي اعلم أخاف تطيح سياسته بس مآآش لازم اقولكم انهـ ناشب لي

في يوم من أيام الشتاْء الخآآلي من الامطار والاشجار
دق علي في انصآآف الليول ذا اللي مايستحي على فيسه ~> لزوم الانقلش عشان لو قرى الموضوع يفهم علي

المهم خبركم منب فاضيتله .. حطيت سايلنت وكملت نووم
ويدق ويدق .. أعووذ بالله ازعجني ..

في النهايهـ شكلهـ يأس مني .. قال ارسل لها رسال ازين لي

المهم أرسل قأأأل

أقدآر أترجااتس ردي علي :frown:

أرسلت : ترا ان دقيت بمصع اذانك واعلم ابووكـ يا قليل الادب
وترا ابوي ما يرضى اكلم في الليل

عاد خبركم ما يصبر دق علي

قلت لازم أرد وأدبه ومنها الفآتوره عليه خبركم مكآلمه دوليه تكلف وآجد وهو مدير امريكا يعني تجيه ببلآش :rolleyes:

أقدآر : نععععععععم وش تبي يالخايس ترااك نشبه يوهـ ما تفهم
أوباما : أقدآر تكفين بس بقولك شي واحد
<-- هنا طق عرق اللقآآآفه وقلت لازم اعرف وش عندهـ
أقدآر : أيهـ أبشر وش عندك

أوباما : تراي أحبتس وت ذس كلام انتي <-- خبركم لغته العربيه مكسسره شوي

أنا هنا يبدا الطرب عندي والاغني اشعار الحب كلها جتني
معد ادري وش ارد (استحيت منه)

أوباما : أقدآر معليش ليكون زعلتتس
أقدآر : هآآهـ لاااهـ مدري
أوباما : طيب بس حبيت اعلمك خلاص اكلمك بكرهـ العصر

عاد يوم قاام يتغلى بديت انشب فيه

أقدآر : لاهـ وراهـ تسكر يمال الماصع .. اصبر ودي أسولف
أوباما : لا معلي آآم سووري لازم اصحى بكرى بدري عندي مؤتمر
<- -أفاا وما عزمني
أقدآر : أهاا .. زين زين تأخرت عن النوم يله دحدر ابي انام

وسكرناآآ

هنا بدت تطق الهوواجيس عندي .. واقعد أفكر . .
واخطط ..
وأبي أعرف وشلون اروح لامريكا واوصله .. خبركم اشتقت له <-- امداتس حبيتيه

وطول الليل وانا اخطط ويطلع لي بلا واقول لا اكيد ابوي بيدري قبل لا اطلع من الحدود
ومآآش كل ما طلعت فكره جهنيمه طلع لي بلا من امي والا ابوي

وبين تفكيري العميق وخططي بدا تخبيط الباب بشكل فوجاائي وعنيف على باب غرفتي

وأنا اللي هنا تتصاقع ركبتاي <-- من البرد ترا
واأنقزز .. واقول شكل أوباما جاني .. أيه اكيد انه حط شي في بيتنا يلقط الافكار
واكيد انه درى اني بجي وخاف اني اجي واشوف بيته العشه
وتبدى الافكار تنطط يمين ويسار
وفجأه والباب ينطق مرتن اخرى بصوت اعلى

وقلت بسس ذآآ موب أوباما خبري أوباما رقيق

وأفتح الباب .. أدور يمين .. يسار .. مافيه أحد !

قلت هاو معقولهـ اتوهم .. لالا منيب واهمه
وارجع وادخل واقفل الباب واتلحف زيين

قلت النوم أزين لي من هالوساويس
وفجأأأه وبدون سابق انذار والباب يضرب مرتن أخرى

وانقز علبالي قافطه الوضع وافتح بسرعه
ولا أمي جايبتن ابوي تحسبني مت عشاني ما فتحت البآآآب

امي : وجعتن توجعتس يالخبله بزرن عندتس ما تفتحين لي البااب
أقدآآر : لاهـ يمااهـ كنت نايمه قومتيني
أمي : أيه عشان بقولتس اننا من باتسر الصبح بنطلع البر حنا وخوالتس
أقدآر : هآآآآآآآآآآآآهـ طيب وشلون بنحاش منكم
أمي : وش تنحاشين انتي .. لا بالله شكلتس نايمه للحين
روحي كملي نومتس الله يصلحتس
أقدار : طيب طيب .. تصبحين ع خير

وارجع اقفل الباب واقول في راسي يالييييييييل وشلون بنحآآش

قلت الصبااح رباح وخططت لكل شي ونمت

بكرهـ في الصبآآح البااكر ..

أمي : طخ طخ طخ طخ <-- تطق الباب
أقدآآر : طيب طيب قمت

أمي : يلا عجلي نص ساعه على ما نتجهز بنمشي

وأقوم ركض ياربيه وش البس وش اآآخذ معي
وش بيشوفني أوباما لاابسه
ياربيه ياربيه

وطلعت لي لبس ولبسته أبدن ما كني رايحه للبر
مير ناسيه انه بر هم يلبسون للبر وانا البس لأوباما

وتكشخت وتسنعت .. وحطيت في شنطتي أنوااع الملابس وكلش
بس ماآآش ملابسي ما جازت لي
قمت طلعتها كلللللللها وأخذت تنانير قصار اللي البس تحتها بنطلون
وقلت ذي تنلبس لحالها في امريكا لو البس طويله بيقولون قرويه
وخذت بناطيل وتي شيرتات
والتنانير الباقي ذبيتهم في الدولاب .. خبركم اخاف اخذهن ينقد علي أوباما ويتحسف انه حبني

وخلصت وقشيت كلش .. وطلعت من الغرفه ومعي شنطه السفر
وطلعت وشافوني اهلي كلهم فوق روسهم كذا !!!
طلعت كني شغاله

قلت أبدن فااضيه وحبيت اتكشخ
مشت عليهم

أبوي : طيب وش هالشنطه اللي تقل كبر حمار
مهاوي : حاطه فيها قرابيع اخاف اطفش في البر

مشت عليه

ركبنا السيارهـ
انطلقنا

وقزيت محطهـ
السيارهـ هدووووء فجأهـ صرخت
حمآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآم

ابوي دحج فرامل <-- تراني توي عارفتها
"يعني ضغط فرامل بكل ما أوتي من قوهـ"

<-- خبركم قزت النحشهـ
وقف اأبوي وقلت بااخذ شنطتي بغير
وخذتها وخذت قرابيعي
وقلت وانا أناظرهم نظرهـ وداعيهـ

أقداار /: بشتاقلكم كلكم <-- تسمع بالرومنسيه
أبوي : اخلصي كله حمام دقيقتين وراجعه
أقدآآر : بلاكم ماتدرون وش محتوى هالحمام
أمي : وشو ما فهمت
مهاوي : سلامتتس

ورحت ورا المحطهـ وامشي وامشي

وقفت لي الشرطهـ <-- موب سهله
قلت معليش انا ضاايعه في البر وابيكم توصلوني البيت

ركبت ووصلوني معهم .. وصلت البيت دخلت وأنقز على غرفه ابوي

وأهلي مازالو ينتظروني .. أو انهم يأسوا مني وكملوا الطريق
المهم

,وآآخذ بطاقته حقت البنك
المهم خذتها ورحت اصيح اني بودع البيت وأروح اخمخم الجدرآن واحبحبها على اساس اني موب شايفتها مره ثانيه
<-- ماعليكم منها تسمع بالرومنسيه
طلعت ورحت المطاار على طووول
قلت ابي حجز لامريكا بسرعه بسرعه بسرعه اقرب طياره

ذاك طلعت عيونه

المهم ركبت الطيارهـ وحلقت الطيارهـ في السمااء
وألحين ياااااااااهـ بقآبل أوباما من قدي
وأقعد افكر بالملايين والجنسيه الامريكه وكل شي اتمناه
حتى يمكن اصير مديرة امريكا بعدهـ

واجلس افكر وافكر لييين فحطت الطيآآره
<~ يعني اننا وصلنا لأمريكا ..
وانا اقول في نفسي امريكا جعلها القنبله مابقى شي ماسووه حتى طياراتهم سريعه !

المهم واطلع من المطار وانا اجرجر شنيطتي ورآي واخم لي اقرب ليموزين
واقول في نفسي ايييه كلها كمن ساعه واركب هذاك الليموزين الطويل الكشخه
ويجي وآحدن مزيون يفتح لي البآب

أول ماركبت قلت له وآيت هآوس لو سمحت ..
التفت علي اللي في الليموزين وحوآجبه صاقعه في منآبت شعره من كثر مآهو مستغرب من ثقتي
وانا اللي اهفه بنعلتي على جبته
أقدآر : يابوي اخلص علينا ورانا ملايين
همن ابلع العافيه واسكت .. وشو له اعلمه اني زوجة اوباما

ماله داعي يوديني لحاره ويقتلني عشان ملآييني
خلاص خلني اصير متوآضعه ولا اجيب طآريها ..

المهم ويدعسس بي للبيت الابيض
وادخل وانا مدررعمه واقول اووباما حبيبي :(

ويجي ذا يدفني وينآظرني بطررف عينه
وانا اقوله وش بلاك تناظرني تسذا ..ترى انا اقدآر

ومير اللي انتبه انه وسط اجتمآع وكل اللي حوله عيونهم علي
وانا اللي اقول واخزياه فشلتك عند العربان

ويلتفت علي ويقول خلآص اطلعي مسآمحتس بس لآ عآد تعودينهآ
واقوول له ابششر ماطلبت شي يابعدي ..

واروح اختار لي غرفه واصفصف اغراضي فيها
<- الحرمه وآثقه من الجلسه ..

وشوي يجيني وآحدن اسمر يقول لي فيه نآس جايتتس زيآره
وانا اللي تصقع حوآجبي في منآبت شعري
منهو اللي جاي يزورن؟
المشكله مابعد وزعت بطآيق العررس

وانزل تحت واشوف الطآمه الكبرررى
امي وابوي جاايين !

وتجي امي تعضضني على يدي
ويجي ابوي يهفني بالنعله
أمي : ورآتس ياقليلة الحيا تنحاشين
أبوي: افاا خآب ظني فيتس يابنيتي ..

ويجي اوباما يفك بيننا ...
أوباما : كبروا عقولكم يالربع ماصار شي .. ماصار شي ..

وانا اللي اسوي فدائيه وادف امي وامسك اوباما
واقوله ابيييك ابيييك تكفى عطن الجنسيه .. تكفى خلن مديره مثلك ..

وشوي الا تجي امي تدحجني على ظهري
وش بلآتس يابنيتي .. صحصحي ورآتس تسذآ ..
فتحي عيونتس زين

وانا اللي افتح عيوني على الاخير ..
وألاقيني في غريفتي وعلى سريري
والتفت على امي ..
أقدآر: يمه وش جاب غرفتي فيذا ؟
وين اوباما ؟

امي : تفووو بسم الله عليتس يابنيتي وس بلآتس انتي
أقدآر : يمه وش صار ؟!
أمي: ابد والله فجاه سمعتتس تصآرخين وتقولين ابيك ابيك وجيت اقرى عليتس
تعوذي من ابليس وكملي نومتس ...

وانا اللي اناظر امي بعيون حزينه واقولها .. : و أوباما ؟
أمي : الله يصلحتس بس شكلتس للحين تحلمين .. اخمدي بس !!!

زبدة الموضوع :
1- موب كل حلم تحلمينه ممكن يكون حقيقه !
2- موب كل من قال احبك تصدقينه !

-=-=-=--=-=-=-=-=-

السلآم عليكم ..
موضوع عيـآري بسيط بصرآحه اول مره اكتب كذا ..
حبيت اشآرك في المسآبقه .. ويالله طلعت معي فكرة هالموضوع ..
زبدة الموضوع اننا ناخذ لنا بريك ونوسع صدرونا شوي ..
آن شاء الله اني قدرت اخليكم تبتسمون ..
شكراً على وقتكم :55:::heart::