|
قــلــم (dior)
أسعد الله مسائكم بالمسراتtsh6
هذي أبيات خفيفه , كتبتها انتقاداً لسلوك مزعج واجهته من أحد الأشخاص.. وأرسلتها عبر البلاك بيري لمجموعة من الأشخاص قبل شهرين, وتفاجأت بإنتشارها ورجوعها لي عبر الإيميل بتغيير طفيف ومقدمه لطيفه:) ولما بحث في قوقل وجدتها في أكثر من منتدى بالصيغه المنشورة أدناه. وأسعدني انتشارها , ولو كان من دون اسم فهذا أهون من سرقتها علي على أي حال:) : فيه شخص ثقيل دم .. وياكثرهم هـ الأياااام .. كل ماقابل خويه يدور شيء ينتقده من خلاله .. وكل سوالفه كأنها سوالف النواقص من الناس !! مره يقول : (نعالك مو ماركه) ومره يقول : (قماش ثوبك صيني) وآخر مره قاله : (قلمك رخيص مو زي قلمي الـ dior) !! فكتب له وبقلمه [الرخيص] هذه الأبيات : في جيبي العلوي قلم بأربعه ريال وأخطّ به مالا يخطّه (ديورك) هذي علومك،، كلها عوج وهزال اسمعني، اللــه لايجبّر كسورك فرحان.. تشري بـ(ألف وشويه) نعال !! تمشي بك دروب المذله بـ شورك ومفصّل بـ (حول الثلاث ميه) عقال !! وتحته عقل فارغ سوى مـن غرورك ياتافه .. ارخ السمع للي بينقال وتراه ماهو مـن دواعي سرورك اللبس ماعمره ستر عيب رجّال هذا انت ماتستر خَواك بـ قشورك ومادامك تقيس الأوادم بالأشكال عندي تساوت غيبتك مع حضورك ما اتشرف بمعرفتك ولا انت فـ البال ولا عاد أشوفك عندي ولا بأزورك رح خاو خاوي مثلك أشبه بـ تمثال يرضي برستيجك ويسعد شعورك مغنيني اللـه عنك برجالٍ ثقال مافيهم اللي حب تمثيل دورك أقلّهم لو شاف تقصير وإهمال يسد نقصك ما يدوّر قصورك ولاّ أنت همك بين (جزمة) و (جوال) و (وش ماركة لبسك) و (وشهي عطورك) tsh6 |
رد : قــلــم (dior)
الله الله يا صلاح هنا الشعر الحقيقي والرجولة شكرا لك على هذا الشعر والشكر موصل لصاحبك "سابقا":) الذي أيقظ هذا المارد الشعري تحيااااااتي وتقديري صح لسااااااااانك |
رد : قــلــم (dior)
اعميته بذمتي :) اللبس ماعمره ستر عيب رجّال هذا انت ماتستر خَواك بـ قشورك ولاّ أنت همك بين (جزمة) و (جوال) و (وش ماركة لبسك) و (وشهي عطورك) صح الله لسانك على هالجزاله ياصلاح |
رد : قــلــم (dior)
اللبس ماعمره ستر عيب رجّال
هذا انت ماتستر خَواك بـ قشورك . أقلّهم لو شاف تقصير وإهمال يسد نقصك ما يدوّر قصورك . ولاّ أنت همك بين (جزمة) و (جوال) و (وش ماركة لبسك) و (وشهي عطورك) امحححححق من خوي وش ماركة لبسك وعطورك ووش جزمتك هذا وش خلاّ للنسوان :) امحق ولد لكن ياصلاح نفداك فيه وفي ما سويته وانا اشهد انك ماعاد تبي شوفه بعد ماسلخته بذالناريّه اللي ماتخلوا من بيوت الحكمه والكلام المنطقي لاعجمت يالقرم |
رد : قــلــم (dior)
ولاّ أنت همك بين (جزمة) و (جوال)
و (وش ماركة لبسك) و (وشهي عطورك) هذا بنيت حلال إلا مطب شعرة وعلى قولت أبو مقبل امحق من خوي صح لسانك ويستاهل ما ورد أعلاه مودتي وتقديري |
رد : قــلــم (dior)
إقتباس:
صح قلبك يالغالي:) شرفتني بردك.. الله يسعدك :) |
رد : قــلــم (dior)
إقتباس:
صح بدنك يا أستاذي;) والله اني ما أحب ذا النوع من الشعر لكنه موقف استفزني ولولا انتشار القصيده بدون اسم مانشرتها هنا.. لكن إن شاءالله أشارككم بنصوص تليق بذوائقكم.. مرورك أسعدني ياشاعرنا الجميل:) |
رد : قــلــم (dior)
إقتباس:
حيا الله شاعرنا الجميل الأكلبي:) الله يسعدك يابومقبل ... شرفتني بردك.. لاهنت;) |
رد : قــلــم (dior)
إقتباس:
صح بدنك ياخلف ;) أسعدني مرورك وردك... الله يسعدك:) |
| الوقت المعتمد في المنتدى بتوقيت جرينتش +4.
الوقت الان » 20:06. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع